Ka Leo o ka Lahui, Volume II, Number 974, 2 July 1894 — Halawai Makaainana Nui!!! Imua e na Hawaii!! NO KA PONO O KO KAKOU AINA [ARTICLE]

Halawai Makaainana Nui!!!

Imua e na Hawaii!!

NO KA PONO O KO KAKOU AINA

E weheia ana he Halawai Makaainana Nui, ma ke Kuea o ka Pa'lii, ma ka hora 5 p. m. o keia la no, lulai 2, 1894; no ka hoike ana ae i ko kakou manao kupaa; no ke aloha i ko kakou aina. Ke konoia aku nei ka Lahul Hawaii Ponoi, a me na lahui e ae e noho pu ana i kulike na manao e hele like mai me ka manao lokahi a e hoike i ko lakou manao kupaa, maluna o ka Olelo Hooholo e apono ia ana ia wa. Ke konoia aku nei na Kane. na Wahine a me na poe opiopio a pau loa o na Hui Aloha Aina, a me na hoa'loha a pau, e hele koke mai me ke ohohia a me ka ulumahiehie nui, a e hoopiha i ka halawai, me ka heluna o Iwakalua a oi aku tausani kanaka. A oiai, ua ae mai ka Ilamuku o ke Aupuni Kuikawa i keia halawai ana o kakou. Nolaila, aohe o kakou kumu e hopohopo ai. E malama no nae kakou i ka maluhia. JOSEPH NAWAHI, Peresidena o ka Hui Aloha Aina. JAS K. KAULIA, Kakauolelo Nui o ka Hui Aloha Aina. Honolulu, lulai 2nd, 1894.