Ka Leo o ka Lahui, Volume II, Number 987, 20 July 1894 — He Olelo Hoonaauao. [ARTICLE]

He Olelo Hoonaauao.

ī na Hui Aloha Aina a pau, a i na lala a pau oka Hui Aloha Aina o ko Hawaii Pae Aina, a me makamaka o makou; ke hoonaauao ia aku nei oukou, e noho 'malie me ka malama ika maluhia e kakali malie no ka hopena ona mea pili i ka ninau piii ia Hawaii nei. Mamuli oka hoopii a ka poe aloha aina imua o Peresidena Cleveland e kali nsi nd ka pane hope loa, ua loaa keia kumu e hoonaauao aku alia kakou. mai ae e lawe i ko kakou kakau inoa hoohiki. maluna o na ano palapala a pau loa e hiki aku oaa imua o oukou. 0 ko oukou kupaa me ka hoomanawanui, oia ka hoailona o ka oiaio o kooukou aloha iko kakou aina. O keia hookahi ka kakou e hana ai, a oia no ka ke Akua e kokua mai ai. Oko kakou lokahi me ke kupaa mau, he mana ia nana e kaualako mai i na Mana īiahui apono ika makemake oka Lahui Ha* waii mamuli o na rula pili Eanawai LahuL Oka manao oka lehulehu hapa nui o ka .Lahui oia ke hookoia, | a oia ke hanaia a aponoia, mai ka Laliui ae, ma o ka Lahui la, a no ka Lahui. Ma keia, ua loaa iau ka hanohano o ka waiho ana aku i keia olelo hoonaauao ia oukou, manuili o ke Kauoha ana mai o ka Aha Hooko o ka Hui Aloha Aina o ko Hawai Pae Aina. Ka oukou Kauwa hoolohe me ka haahaa. JoSEPH NAW\HI % Peresidena oka H. A. Aina o ko Hawaii Pae Aina. James. K. Kaulia. Kakauolelo o ka H. A. Aina. o ko Hawaii Pae Aina. H molulu Julai 9 1894.