Ka Leo o ka Lahui, Volume II, Number 1011, 23 August 1894 — HE MOOLELO KAAO HAWAII NO LAUKAIEIE. Ke Kino Kamahao Iloko O KA Punohu Ua-koko. Ke Kahulileole'a o ke Kuluaumoe o na Pali o Waipio Hawaii. [ARTICLE]

HE MOOLELO KAAO HAWAII NO LAUKAIEIE.

Ke Kino Kamahao Iloko O KA Punohu Ua-koko.

Ke Kahulileole'a o ke Kuluaumoe o na Pali o Waipio Hawaii.

Unuhia e Mose Manu no "KA LEO

Ka huakai hele makaikai a Laukaieie me kana Aliikane—Lilo o Makanikeoe me Hinahelelani i mau alakai ma ka aina a me ka moana Ike ia na lua hohonu maloko o ke kai a me ka aina nei—Hele pu me na ohana ponoi—Hoonohoia o Laukieleula i Ihikalani —Ulu ka ieie ma keia mau mokupuni—Lilo i mea hoomanao ia " e ka Lahu Hawaii nei. Me ka huli pono ana aku o kona alo iuka o ke kuahiwi, ka hoopuka ana ae ma ka inoa o Hinauluohia, me kana kane, a kuhikuhi aku la kona mau-lima no kekahi manawa. Aia hoi ka mea i ike ia aku, e kokolo mai ana he ohu ina ke alo o na pali kahawai mai ke kuahiwi mai. A me ka emoole loa. ua uhi pono iho la keia ohu maluna o na poe ui nohea o Waipio me na lau nahelehele o ke kuahiwi me na owili lei lehua. Oia popohe no ia a kau ana iluna o na poo pakahi o ua poe nohea nei me na a-i. Aole i kamaaina ka pua i ke ala, a me keia mea i [illegible] i na manao o ke anaina e noho mai ana e [illegible]. Aia nae i kela wa ua [illegible] ka [illegible] oia mau la, aia aku la me kona haku alii Laukaieie kahi i hui pu ai ma [illegible] me kona mau hoahele me kana huakai kamahao nui wale .

A iaia i hui aku ai me kona kaikuahine, ua ninau pono aku oia ia Laukaieie no ko lakou wa e hoonee aku ai. Ua kuhikuhi aku kela ia Hinahelelani, ka mea nana ke pailaka ana ia lakou, A ua hai ia mai la e hiki ana lakou ma ke Kaikuono o Hilo, ma ka loko o Waiakea. I ka lohe ana o Makanikeoe i keia olelo, ua ukaii pu aku no oia i keia huakai au moana a ka mea nona keia moolelo. No laila, ua haalele na waa kamahao iwaho o Laupahoehoe i kela wa, a ua kaalo ae mawaho o Hilopaliku a hiki ma ka nuku muliwai o Wailuku a hiki ma Punahoa. Malaila aku i nee malie ai ma ka lihikai a hiki i Waiolama. A ua nee liilii aku no ke one kaulana o Manana, a hiki ma ka nuku muliwai o Wailoa. Oiai ka nalu kaulana o Kawili e ha-i malie ana me ko laila keiki kamaaina Kanukuokamanu.