Ka Leo o ka Lahui, Volume II, Number 1060, 5 November 1894 — Page 1 Advertisements Column 3 [ADVERTISEMENT]

KA POMAIKAI O KA HELUHELU ANA I NA HOOLAHA No kekahi mau makahiki 3 i hala ae. ua lilo au he kauwa, a he pio na keia mea he mai. a hele i na Kauka Haole, a me na Kauka o kela a me keia ano, a aole no i loaa ka maha; aka, ua pii mau mai ka mai ano upehupehu me ka puupuu, a ua paka ia hoi kekahi wawae, me ka eha ma ka umauma, me ka ike mau ana i kekahi mea, me he mea ala e holo ana a puni ke kino i ke kahi manawa. Mamuli o ko'u heluhelu ana i ka hoolaha a Kauka L. Akina (Pake) Kihi o alanui Kamika a me Hotele, maloko o KA LEO O KA LAHUI, ua kii ia aku oia e hele mai e nana ia'u. Ua nana oia a ua hoike mai ua hiki iaia ke lapaau ia'u a ola. Ua hoomaka koke au e ai i kana mau laau hoomaemae koko, a laau no kekahi mau mai e ae. Mai ia manawa a'u i ai ai i kana mau laau a hiki i keia la, ua loaa ia'u ka pii malie ana mai o ke ola, a he wahine ola maikai au e noho nei, me ke kino ikaika. O ka oi loa nae, oia no ko'u hapai ana, a ke hoomau nei no au i ka ai ana i kana mau laau. E na makamaka a me na hoaloha a me ka lahui holookoa ke kono aku nai au ia oukou a pau e kipa ae ma ka lumi Kauka o L. Akina, e kokoke ala i ke kihi o ke Alanui Kamika a me Hotele. Helu 317, no ko oukou mau pilikia, a nana no e hoopau mai me kana mau laau kaulana ana e lapaau nei. Mrs. Kaai Meli akau. Honolulu aukake 16 1894. aug17-mnsd.

KAUKA Wong Nin Ching (AKINI) Alanui Hotele. Helu 80 KAUKa LOEA O KA AINA PUA Ua hiki ke hoolaia kela a me keia ano mai, mai ko na kane, wahine, a me na keiki liilii. O na ano mai hano ua hiki loa ke hoolaia, a pela pu hoi me na ma'i puuwai a me na ano mai e ae no a pau pela no hoi na mai lele, Kolera, Hebera, Fiva Lenalena, Lepera (Malalii), Ua hiki ke oki a hoola ina palapu o ke kino me ka oluolu loa me ka hoomaemae pu ana i na koko ino. Ua hiki i ka'u laau ke hoohemo i ka lepo paa' me ka hoohemo ana ina keiki e ka wa e nahinahi ana me ka poino ole. He laau no kekahi no ka hooponopono hou ana i ka waihona keiki, a i ka wa e inu ai i keia laau; e malama loa ia na rula o ka inu ana, e loaa no ke keiki i ka poe i loaa ole he keiki mamua aku. E nane mai i ike maka, he pomaikai nui keia no na makamaka i hooneleia me ia haawina makamae. E hauoli no au ke ike aku i na makamaka e kipa mai ana e kuka pu me a'u ma na ano a pau e pili ana i ka'u oihana. E kipa mai e ka poe i hooluuluuia me na haawina [illegible] a ka ma'i, a nau oukou e hooluolu aku. KAUKA WONG NIN CHING. Alanui Hotele, Oct 1 94. smld