Ka Leo o ka Lahui, Volume II, Number 8, 2 January 1895 — Page 2

KA LEO O KA LAHUI.

"E Mau ke Ea o ka Aina i ka Pono."

 

JOHN E. BUSH,

 

LUNAHOOPONOPONO.

 

POAKOLU, IANUARI, 2. 1895.

 

 

KA LA MAKAHIKI HOU.

 

            Ua hoea io mai no ka la makahiki hou, me kona mau hiohiona nani a laelae, e hoike mai ana i ka houpo o kela a me keia hoa kanaka, aia he manaolana hauoli e malama ia ana e na mea a pau no ia la.

 

            I ke ahiahi mamua iho, aia he mau paa mare kai hoau ia no kekahi mau opio o keia kulanakauhale, no ka hoike ana ae, aia he mau hua ohaha o ka hauoli no na hora mua o keia makahiki, a ua haawi ae @(words) @kou he mau paina @(words) @na me na makamaka @(words) mare.

 

            @(words) @e no hoi ka poe @(words) na kauhale, e @(words) @ mau o na ma@(words) a ua hoi puolo @(words) kahi poe, me na @(words) @penuia i manawa@(words) e na hoaloha he @(words) wale.

 

            @(words) @u hele holoholo @(words) @kahi mau kau@(words) makonu po o ka @(words) aia hoi, e kuku@(words) @ahu o na mea ai @(words) no hoi na omole wai @(words) e ku ana na kiaha @(words) @aka kino, me ke kali @(words) @kani ae o ka hora 12 @(words) @mahao la, a ua hele @(words) kekahi mau hale a @(words) @ono i na luhiehu o @(words) @i, ua nani a maikai @(words) o na mea i hoo@(letters and words).

 

            @(words) @oli nei ko @(words) ai i ka ike ana i @(words) hiohiona maemae o @(words) makahiki hou, a pela @(words) e ikaika nei ko makou manaolana, na ka Mea Mana Loa e malama mai ia kakou iloko o kona ahonui palena ole. Hape Nuia kakoou a pau loa.

 

 

KA HALE PAAHAO O KAWA.

 

            Ua kipa aku makou e ike i ka Halepaahao o Kawa, kahi hoi e noho Luna Nui ia nei e Mr. Jas. Low, kekahi o na keonimana maikai, e hiki ole ai ia makou ke hoonele i ka papahi ana aku i na hoomaikai maluna o kona poo, oiai oia e noho ana ma ke ano he makua maluna o keia poe lawehala i hoopaa ia e ke kanawai, a e noho hoomalu ana hoi.

 

            Ua hoonani ia o loko a me waho o ka Halepaahao me na kukui uwila, ua maiau hookelakela ia hoi na paia o ka hale e ka hulu pena August Herrin, ka mea nana i kipu o Huntsman, he mau makahiki i hala ae nei. Akahi no a ike ia ka malamalama o ke kukui uwila maloko oia hale ano nui o ka lehulehu.

 

            Ua hooi aku no hooi ka Luna Nui e noho nei i keia wa, ma na hana maikai o ka manawalea i kana mau keiki hanai (na paahao) a me he mea la, he kakaikahi loa paha iwaena o lakou e hoino ana i kona inoa, a i ole, he nele loa no paha.

 

            Eia no hoi ko kakou mau alakai ahonui malalo o kana malama ana me ke akahele, a ua hoike mai laua i ka mahalo a nui nona; no ka maikai a me ke akahele o kana mau hooponopono ana no lakou, aole hoi i loaa ia lakou he mau mea e hiki ai ke hoahewa i kana hana.

 

            Ua hookaawale ia no hoi ko lakou wahi e ai ai mawahi ae o kekahi poe hoomalu i hookomoia aku iloko o laila, a me huikau o kahi poe e ae, a me ka haawi pu ia hoi i mau manawa ike no ko laua mau ohana, na makamaka a me ka pohai o na hoaloha; mawaena o ka kora 8 a me 9 o ke kakahiaka Poalua a me Poalima.

 

            Nolaila, e hoomanao e ka lehulehu, ua ae ia oukou e ike i ko oukou mau hoaloha e noho mai la me ka hoomanawanui malalo o na kuhikuhi ana a ka Luna Nui oia kakela.

 

 

KA WAHA O KE INO.

 

            Ma kekahi paina i malama ia ma alanui Pa ʻ ipalapala, ma ka la iho la inehinei, Ianuari 1; ua ike ia aku la kekahi wahi uhane ola a ke Akua i hana ai e paa ana he kiaha waiona (sake) ma kekahi lima, a he i ʻ o puaa hoi ma kekahi lima. Ia manawa, ua ku aela oia me Iosepa Kawainui iluna a hoanapuu aela i ko laua mau apahu kino i o a ia nei, a hoopuka ae la i keia mau  huaolelo, "aia o Buki me Nawahi ke paa mai la ma  Kawa i keia la, nolaila,  he la hauoli Hape Nuia keia no Nalua," ia manawa ua wala koke aku la oia i ke kiaha sake, a onou wikiwiki aku la i ka i ʻ o puaa iloko o kona waha.

 

            O keia wahi kanaka o Nalua ka inoa, ma ka makou nana aku i kona helehelena, mai ka hopu ia ana o na alakai o ka lahui a hiki i keia la, ua kahiko mau ia kona nanaina me ka hauoli, a me na mikoaka ano pahenehene, ane like ole hoi me na la  aku nei mamua ke ano kuulullu a hohoiea, kohu mea ua loaa ia i ka ma ʻ i hookawale ohana.

 

            Aka, aole i liuliu kona hulakui ana mai a me ka hoopuka ma ʻ u ana i ka inoa o Buki ma; ua iho koke mai la ka mana o ke kiaha a puliki  ae la i na lehelehe lokoino o ua wahi Nalua nei,  a hoihoi ia aku la ua diakona nui nei o ka hale pule o Kawaiahao ma kona home e hoomoe ia ai.  Minamina makou i kona hiamoe loa ole ana, ina hoi ua loaa ia hakahaka no kekahi uhane  ola i oi ae mamua ona. He mea pno i ka poe e noho ana iloko o na hale aniani e noho hamau, aole hoi  ka waha a wale aku ia hai,  o hailuku ia aku auanei ua hale aniani nei a nahaha, ahuwale hoi na wahi opeope ma ke kuono. Hape Nuia oe e Nalua.

 

 

He Makai Kiu Iloko o ke Ehuehu.

 

NA PAKA UA E LOKU ANA

A ME NA

Hihio Iloko o ka Pololei.

 

NA HOOHENO O KA POHINA UAKEA O KE KOOLAU.

 

[Kakauia mai no Ka Leo a me Ka Oiaio.]

 

[Hoomauia.]

 

            Ua hookomo koke ia mai la ka manao iloko o ʻ u, e hele au e lilo i makai kiu no ka hakilo ana ma na ano a pau, ina paha he oiaio keia mau lono hoopuiwa e lawe ia nei ma o a maanei.

 

            E hai aku au ia oe me ka oiaio hookamani ole, o ka piha ana keia o ka hookahi makahiki a oi o ko ʻ u noho ana malalo o keia hana, a ua pau hoi na wahi a pau oloko o keia pa i ka imi ia e a ʻ u, i na paha he mau hana e ae kekahi mawaho o na mea a ʻ u i lohe ai no ka hopoino ana i ke ola o ke alii.

 

            Ano e kala mai oe ia ʻ u, no ka mea, ua oi loa aku paha na mea a ʻ u e hai aku nei ia oe mamua o ka mea kupono.

 

            Aka e pono no hoi oe e hoomanawanui, a hiki i ka pau pono ana o ka ʻ u hoike, no ka mea, aia no he mau mea hou aku mawaho ae o keia mau mea.

 

            Hoomau aku la au i ka ʻ u kamailio ana a hiki i ko ʻ u wa i ike ai e kunokunou ana ke poo o kahi alii koa ku wati, nolaila ua hoao iho la au e hoopokole i ka ʻ u kamailio ana, me ko ʻ u pane pu ana aku  iaia, o ka hopena iho la keia o ka ʻ u hoike.

 

            I keia wa, anaanai ae la oia i kona mau maka a pane mai la:

 

            Ma keia mua aku, ua loaa ia oe ka ae ia  ma na wahi a pau o keia pa, a ke hauoli nei hoi au ma ka aoao o ka Moiwahine, i kou hoolilo ana ia oe iho i mea imi a huli i na mea e manao ia nei e hana  maluna o ke kino o ke alii.

 

            O na olelo koikoi a hookaumaha a ʻ u i hoopuka aku ai i na sekona mua loa o ko kaua kukai olelo ana, i keia wa ua hoopau loa ia, ua nele oia i na rumi e malama ia ai ma ko ʻ u puuwai.

 

            A i keia wa, e lilo no kaua i mau hoaloha pilipaa loa, aole hoi he mau enemi.

 

            I ka pau ana o kana kamailio ana mai ia ʻ u i keia maua kamailio, ua lalau mai la oia i ko ʻ u mau lima a lulu pu iho la maua.

 

            I ka pau ʻ ana o ka maua lulu ana, ua kono mai la oia e hele maua e kamau wahi bola kope, a ua hooko aku la au pela.

 

            Ua uhai aku la au mahope o kona meheu a hiki i kahi o kekahi wahi rumi kau kapa e ku ana, komo mua akula oia iloko a oniu ae la i ke poheoheo o kekahi bele kahea e pili ana ma ka paia.

 

            Mahope iho o kona kaomi ana aku me kona mau manamanalima, aia hoi, ua hoopuiwa ia ko ʻ u manao i ka ike ana aku i ka mawehe ana ae o kekahi mau apana papa e pili ana i ka paia o ua wahi hale ala, a hoea mai la he nika nui me na bola kope e hii ana ma kona mau lima.

 

            Lawe mai la oia a waiho iho la maluna o kekahi wahi pakaukau pokole a nalo hou aku la oia ma kekahi aoao no ke kii ana i mau apana berena paakiki a me ona waiu bata paa.

 

            I ka makaukau ana o keia mau mea, ua noho iho la maua iluna o na noho laau a paina mama iho la me ko ʻ u  wahi kamaaina oia wanaao bola kope nui.

 

            Iwaena o keia mau paina mama ana, ua unuhi ae la ua wahi alii ku wati nei, he wahi apana pepa a kakau iho la he mau wahi olelo pokole e pili ana no ko ʻ u ae akea ia i na manawa a pau a ʻ u e makemake ai e komo aku iloko o ka pa o ke alii, a kakau iho la oia i kona inoa malalo, a opiopi ae la a hookomo iho la iloko o ka wahi leta a haawi mai la ia ʻ u.

 

            Ua lilo no hoi keia makana ia ʻ u i mea hauoli no ʻ u no ka mea aia no paha he wa e hoea mai ana  e kipa hou aku ana au malaila me ka loaa ole hoi he mau keakea ana.

 

            Ua lulu lima aloha hope loa iho la maua, a hookuu akula au iaia e noho ana e kiai i ka maluhia o ke alii, a kamoe mai la  au no waho o ka puka pa kahi hoi a ko ʻ u wahi kamaaina mua e ku kiai ana.

 

[Aole i pau.]

 

 

Ka Iliohae me ka Hipa Oluolu.

 

            Aole anei e loaa ana ka haina o ka ʻ u ninau ia oe i keia wa, oiai au e kali aku nei me ke ahonui, o ka loaa mai o kau pane, a heaha la hoi ke kumu o ka hakalia ana o kau haina.

 

            No keia ninau hou a kona hoaioha, ua kaakaa ae la kona mau maka, a akahi no oia a pane aku i ka haina o ka ninau a kona hoa.

 

            E kala mai ia ʻ u, no ka mea, ua ulolohi ioa au i ka haawi ana aku ia oe i ka pane no kau mau ninau.

 

            Aka, ano ua loa ʻ a ia ʻ u ka haina o kau ninau, ua nele au me na mea hou e pumehana ai o kou manao, iloko o keia manawa loihi o ko kaua kaawale ana.

 

            Nolaila, ua lilo keia pane ana aku la ia oe, he mea nou e hoihoi ole ai, a e pane pu mai ana hoi paha oe i ka maloohaha loa e ko ʻ u wahi nei me ua mea hou.

 

            He oiaio no paha, o kau mau olelo a ʻ u e leha nei, he mea @(word) io no ia no ia i ka @@@@@@ @ @@ healoha nei,  aka, aole @@@ @@ @@@ mea nui ia ʻ u, o ko ʻ u ike aku no ia oe iloko o ka noho ana maikai,  e like me ko kaua ano mae, wahi ana.

 

            O ke kumu nui waie no o ko ʻ u hele ana mai nei e ike ia oe, oia kakhi o kau mau holoholona hanaiahuuhu, au hoi e malama nei me ka hoohiwahiwa oikelakela mamua ae o na mea a pau imua o kou alo.

 

            Nolaila, o ka ʻ u hana ia i hele mai la e noi aku ia oe, e kipaku aku oe i kekahi o laua, ua loaa ia ʻ u kona hewa, he powa, he aihue, a he luku hoomainoino oia i ka ʻ u mau holoholona ma ke kula.

 

            A i na aole oe e ae mai ana, e ikemaka aku ana no oe i kana hana mahope aku, e like me ko ʻ u ikemaka i kana mau hana ino ma ko ʻ u kahua hanai holoholona.

 

            Ua lilo keia mau olelo a kona hoaloha i mea e hoehaeha loa aku ai i koka manao, a oiai hoi, ua pipili paa aku kona manao maluna o kana mau holoholona hanaiahuhu, nolaila, ua nele oia me ka noonoo maikai ole e hiki ai iaia ke hana i kekahi mea e hooluolu aku ai i ka noonoo o kona hoaloha.

 

            Aka, pane wale aku la no oia me keia mau huaolelo hookanaaho i ka i ana aku:

 

            E kali ihi paha oe, e hoomakakakiu aku ana au a hiki i ke sekona mua loa a ʻ u e ike ai, ua hana kekahi o laua i ka mea i ku ole i ko ʻ u makemake, oia auanei ka wa a ʻ u e hooko piha aku ai i na mea a pau  au i kamailio mai nei me ka hakalia ole.

 

            He oio no paha ia mau olelo au, oka, i na oe e kali ana, e hiki mau ae ana kekahi o kau mau holoholona e hoopilikia mau i ka ʻ u mau holoholona, a e oi loa aku ana hoi ko ʻ u poino mamua o ka mea hiki ia ʻ u ke hana.

 

            I keia wa a laua e kamailio nei, aia kahi iliohae maalea malalo o na kapuai wawae o kona kahu kahi i hookaenini ai me ka hooi loa ana aku i kana mau hana hoalohaloha i kona haku, oiai laua e kamailio ana.

 

            Na keia mau hana maalea a ua wahi iliohae nei, ua lilo loa ia i mea aloha ia e kona haku, a ua ane kupilikii maoli hoi kona noonoo, mamuli o ka noho loihi mai o kona hoaloha e kamailio iaia.

 

            I ka pau ana o ka laua kamailio ana, ua huli hoi aku la kona hoaloha no kona wahi ponoi, a koe iho iho la ka ona nona na wahi holoholona hanaiahuhu, e noho ana iloko o ka rumi hoolauna me kana mau malihini  makamae.

 

            Ua poina loa iho la iaia na olelo a ʻ o maikai a kona hoaloha i hai mai ai iaia, lalau mai la oia i kahi iliohae maalea, a hapai ae la iluna o kona mau poohiwi.

 

            Aka, ua oi aku ke aloha o ka hipa i ke kahu mamua o na mea e ae, a hoao mau mai la oia e hahai i kona kahu ma na wahi a pau ana e maaio ae ai mamua o kona alo.

 

            Ua kipaku mau ia aku la oia i na wa a pau ana e hoao mai ai e ike i kona kahu.

 

            Ua noho hoomanawanui iho la oia malalo o ka malama ana a ka ohana keiki liilii a ua kanaka nei, a oia iho la ka poe nana e malama ma ka hanai ana iaia ma na mea a pau.

 

Aole i pau.