Ka Leo o ka Lahui, Volume II, Number 1082, 8 April 1895 — KA PAPA KILOKILO O HAWAII NEI A ME KA NUI O NA AO KILOKILO [ARTICLE]

KA PAPA KILOKILO O HAWAII NEI A ME KA NUI O NA AO KILOKILO

[Kakau ia e D. M. Punini Jr. ] Pau ka oukou ike, ui ae la oia i na kuhikuhi puuone, oia ana no, i na Kakaolelo hoi. oia ana like no. I kela wa, ua ui ae la oia i ka papa kahuna, a ninau aku la a heaha hoi ka hoike o na iliili a oukou? Pane like mai la ka papa kahuna. ma ka hoike a ko makou mau iliili a me ka ke Akua, hookahi no ia aohe pilikia ou e ke Akua o ka Honua nei. I kela wa, ua kulu iho la kona mau waimaka, a kauoha aku la oia i ke alii Hoapili e neenee mai imua ona, a kokolo mai la o Hoapili a paa mai la ma na wawae o Kamehameha, ka huaolelo a kuu Akua, a hele ae ke kanaka. Pane aku la o Kamehameha, e kii oe ia *opolo i Maui a lawe mai, oiai ke ike nei au e make ana au, aole au e ola, aka, ua makemake nae au i kana hoike, o kuu lohe wale aku no ka hoi la, he ma-u paha ia. I kela po o Kukolu. ua hoomakaukau iho la ka waa o ke alii Hoapili no ka holo ana, me eono kauna, a me konahala oia ka nui o ka poe hoewaa o ke alii Hoapili, a hoomaka aku la e holo, aia ka pahu hopu o Keawaauhau ma Kipahulu ma Maui. E paani ana ka Bana Hawaii me na kaa paikau i keia ahiahi. Ua lilo aku i ke Komisina Hawes na paa lio eleele o Jim. Carty. Aole he mau nuhou ano nui i loaa mai, mai ka Hikina mai. Ua kuai aku o Chas. Hammer i kona Hale kuai hana ili-lio kaa ia Chishol*