Ka Leo o ka Lahui, Volume II, Number 1087, 16 April 1895 — HE MOOLELO KAAO HAWAII NO LAUKAIEIE. Ke Kino Kamahao Iloko O KA Punohu Ua-koko. Ke Kahulileol'a o ke Kuluaumoe o na Pali o Waipio Hawaii. [ARTICLE]

HE MOOLELO KAAO HAWAII NO LAUKAIEIE.

Ke Kino Kamahao Iloko O KA Punohu Ua-koko.

Ke Kahulilao'a o ke Kuluaumoe o na Pali o Waipio Hawaii.

Unuhi ia e Mose Manu no "Ka Leo" Ka huakai hele makaikai a Laukaieia me kana Aliikane - Lilo o Makanikeoe me Hinahelelani i mau alakai ma ka aina a me ka moana Ike ia na lua hohonu maloko o ke kai a me ka aina nei - Hele pu me na ohana ponoi - Hoonohoia o Laukaieleula i Ihikalani - Ulu ka ieie ma keia mau mokupuni - Lilo i mea hoomanao ia e ka Lahui Hawaii nei. Aia ma keia ike pono ana mai o ke kamaaina nana i hookipa aku ia Laukaieie a me kona ohana a pau, ua hoanoe ia na noonoo maikai o na Makaainana a pau e nana mai nei, a ua hiki ole hoi ia lakou ke uumi iho i ko lakou mau manao, a no ia mea, ua hooho ae la lakou me na leo nui o ka pihoihoi e wawalo ana i na paia o Kalewa elike me ke ano mau o keia lahui mai kinohi mai, a ke manao nei ka mea kakou moolelo aole e hoole mai ana kahi mea iike pono a lohe hoi i na leo honehone o na keiki aipohaku o ka Bana Lahui Hawaii Ponoi i puhi ai ma ea po Poalima o ka pule i hala ma ka Hotele Hawaii, e ikuwa ana na leo, e kani ana na pio, e paipai ana na lima, no ka nui mai keia o ka hauoli a me ke olohia ia. Pela no ke ano o ke anaina kanaka nui iikeia ma Ulukou Waikiki-kai i ka la i hiki kino mai ai ka mea nona keia nanea. Aia hoi ma ka aoao o na kamaaina nana i hookipa aku i ka huakai alii o Hawaii, ua ike @@ @@ @@@@@ @@@@ @@ @@ @@ @@@@@ @ @@@ @@@@@ @ @@ @@@ @ @@@@@@ @@@@ @@ @@ @@@@ @@@@ @@@@@ @@ @@@@ @ @@@ @@ @@@ @ @@@ @@@ @ @@ @@@ @@ @@@

a pau loa, ua hoonee pau ia mai keia mau mea a pau i mua o na malihini mai na mea i hoomoa ia a me na mea maka, aole hoi he mea e wae ae ai a ko lakou mau kiionohi e ike iho ai, ma keia lokomaikai o na kamaaina i na malihini kiekie, ua hoike maila o Hanele ua eha oia ia Keoni Bulu aia pu hoi imua o ko lakou ihu na manu aala o na lau lipoa o Kahaloa a me kekahi mau mea e ae he nui wale. I ka wa i pau ai o ka lakou ai ana, ua luana iho la na malihini me na kamaaina ma na olelo ana, a he nana wale mai no ka ke anaina nui e noho mai nei, a mahope iho o na kamailio ana ua wahio aku la o Laukaieie i kana olelo a pau i kona kaikunane Makanikeoe e noi aku i na kamaaina nana lakou i hookipa, e hookuu mai ia lakou e hele, e like me ka manao o Koiahi i olelo nui ai, a ma keia mea, ua hooko aku ko lakou kaikunane i ka Laukaieie mea i olelo aku ai, a ua ilo no hoi i mea maikai i na kamaaina, a ua haawi ia na alohe hope loa mawaena o lakou a pau. I keia wa e haliu nei ka huakai no ka hele, ua ike ole loa ia ka poe malihini i ko lakou wahi i nalo honua aku ai, mai na maka aku o na kamaaina, aia nae he Punohu ua koko ka mea iike ia aku e nee ana i luna o kaili kai ma Mamala, he kai hoi keia i haku nui ia i na mele a nona keia mau lalani mele. Nani Laeahi he maka no Tahiti, He inu ia no ka moku o Peleka[ne He ala hele okoa ia na ka haole Hele ala onaona iau kauka e Ho[nolulu, Noho mai Nuuanu i ka wehiwe[hi. Ma keia wahi o ko kakou moolelo e hoi hou aku kaua e ka mea heluhelu i ka mea nona keia nanea me kona ohana e holo no Waianae. A e nana hou kaua ia Makanikeoe i kona hele hou ana e huli i kekahi mau lua hou aku i koe ma Oahu nei, a oia hoi keia: I keia manawa o lakou ma ka ilikai o Mamala, ua nee malie aku ka huakai a hiki mawaho ae o Kahakaulana a me ke awa o Kalihi, aia i keia wa o Makanikeoe e nana pono ana ia lalo @ @@ @@ @ @@ @@ @@@@ @@@ @ @@@ @@@@ @@@@ @ @ @ @ @