Ka Leo o ka Lahui, Volume II, Number 1095, 26 April 1895 — EIA MAI AU. [ARTICLE]

EIA MAI AU.

1. Eia mai au o ke onaona, Ke imi aku nei a loaa oe, A he pili hemo ole no hoi kaua, I ke kohu paa o ka mauu laili 2 Kau aku ka manao o ka hiki mai, Oni kapalili ana i ka puuwai Kipu a ka ua kau mai iluna Noho paa ka ohu i na kuahiwi 3 O ka hana ana ia o ka hiu a paa He hoa pili nau no ka puakea Ke ike iho i ka ia he nopili Komikomi i ka welelau lima. 4 Palima kuu lohe ana mai I ka leo aloha hoopili malanipo Aohe kau a e hemo ae ai Ua paa i ka mana a ka Hawaii 5 O ka iwi hoolai i ke kaona Ua inu i ka wai o ka huailana Lana koi ke aloha ke hiki mai Mahamaha ana i ke alo piko Haina ia mai ana kapuana E hoi no maua e pili Hakuia e, J. M. WAIMAPUNAPUNA