Ka Leo o ka Lahui, Volume II, Number 1096, 29 April 1895 — KA PUA VIOLETA. [ARTICLE]

KA PUA VIOLETA.

Aia i ka lai o Honokaa Ke ala o ka pua violeta. Ilaila au a i ike maka ai, Ia pua hunehune lei onaona, A he lei kohu ia no ke ahiahi, He moani ke ala i ke aumoe, Onaona ia pua na'u i lei, I ka hoope ia e ka huna wai, Na wai no oe e ole ke koii ia, He maapu a ala honi na ka ihu, Ua nani ke kiina a oia pua, A loaa i ka uka o Kamomoku, Ilaila kuu upu kuu hiai, I ka uluwehiwehi o na pua, Ua sila iho au i kuu manao, He lei kohu ia no ke kaona, Nani wale ia pua a ke onaona, Ipuia i ke ala waianuhea, Anuhea ia pua a ka malanipo, Ka nenee i ka uka lai a ka manu, Aloha ia uka hone a ka manu, Ka uhene i ka pua o ka lehua, Haina ia mai ana kapuana, No ke onaona pua violeta, Haku ia e M. K. K. Kawaiahao. Apr. 26,th, 1895.