Ka Leo o ka Lahui, Volume II, Number 1204, 9 May 1895 — UA HALA O DANIELA PUHI. [ARTICLE]

UA HALA O DANIELA PUHI.

Ma ke kakahiaka o ka Poakolu nei, Mei 8, a he mau minute hoi ke paewa ae o ka hora 7, aia hoi, ua ku mai la ka mana Kahikolu i Kana o ka uhane a lawe aku la i ke aho, ke kukui o ko ka Makua Rev. Daniela Puhi kuleana ola ma keia ao ma kona home noho kuahiwi i ka Uhiwai o Pauoa. He 80 a oi ka nui o kona mao makahiki, a hoi aku la e hiamoe pu me ka makuahine honua, a waiho mai la na inea luhi o keia ao na ka poe i koe. Oia ka ka Buke nui i olelo ai me ke oiaio, aia he wa no na mea a pau. Ua waiho iho oia he wahine me na keiki a me na moopuna e u aku me ke kanikau nona ma keia ao me ke aloha aina oiaio oia i hala aku la mao. Ua hoonaauao ia oia ma ke Kula Nui o Lahainaluna, a oia kekahi o na haumana kahiko loa oia kula i mau mai kona ola a hiki iho la i ko la inehinei. Ua manele ia aku kona kino lepo a waiho ma ka ilina o ka luakini ma Pauoa. Ke komo pu aku nei ke Kapena a me na luina o ka nupepa KA LEO a me KA OIAIO me ka ohana i hoonele ia i ka makua ole. O ka lua kupapau ka ilina o ko kakou mau kino palaho. Ua ku mai ka Alameda mai Kapalakiko mai, a e holo loa aku ana no na Panalaau o ka Hema. He wahi kilihune ua liiiii ke hoopulu nei i ka lihilihi o na mea ka-| nu i keia mau kakahiaka. Ma ka la iho la o nehinei, i hoouna ai maluna o ka mokuahi Ausetalia, he palapala mai ke aupuni aku e ae ana no ko Mr. Fred Wanabaga hiki ke huli hoi hou mai i na kapa kai o ka Pakipika.