Ka Leo o ka Lahui, Volume I, Number 9, 23 April 1896 — Page 3
| This text was transcribed by: | Dion'e Tomaselli |
| This work is dedicated to: | To my kapuna - Ahonui naleo nahenahe mauana! |
KE KULA PO O KOLEAKA
-----
Ua ike lihi aku makoa ike kula po’o Koleaka, a o ka makou mau mea i ike aku eia lakou ke ao ia nei noa na euke kalepa a me ka ike kanawai himeni a me kekahi mau ike e ae ua mahalo aku makou no ia mau ke manawalea. Ua makemake pu ia no hoi na kaikamahine 14 makahiki pii aku. e komo nui ae malaila. me ka hookaaawale pu ia no okolakou mau rumi e ao ai, mai ko na kane aku. Eleu no ka hoi.
-----------------
UA HALA IA MAKUAHINE
----------------
Ma ka malu lau niu o Waikiki, I ka nalu ha-I mai o Kalehuawehe, i kii ae aika Anela o ka make ma ka home noho o Luhea (w), a lawe aku, ma ka la Sabati nei, Aperila 19. He luaui oia no ko makou makamaka Adam Kaeo e noho nei ma ka Halekuai o Kakela ma.
He 64 ka nui o kona mau makahiki, a ua make oia malalo o ka ma’I he palupalu mai. Aloha wale na luaui e kaualako mau ia nei iloko o ka luakupapau. Me kana kamalei he keiki a me ka ohana a pau ko makou u pu ana.
______________________________
……………APERILA……………
______________________________
______________________________
Sabati 5 12 19 26
Poakahi 6 13 20 27
Poalua 7 14 21 28
Poakolu 1 8 15 22 29
Poaha 2 9 16 23 30
Poahma 3 10 17 24 ---
Poaono 4 11 18 25 ---
______________________________
NU HOU KULOKO
______________
No ko makou malihini i na Luna pepa o keia Keena, ua ko hoia aku o Mr. D.M. Punini i Agena lawelawe no makou ma na mea pili i ke dala a me na pepa.
O ka poe makemake ana i mau Buke Lapaau Hawaii, e hoeuna mai i na kauoha ia makou. *
O ka poe a pau he mau koena aie ko lakou i ka Buke lapaau Hawaii, e hoouna mai ia T. P. Spencer ma ke Keena o ka Leo. *
Ke hoouna la ke aupuni o Taranavala, Apeaika, i kana kauoha i Enelani, e hoouna mau i 1,500 mau koa kiai no ko lakou maluhia, aia na koa ma ke ala moana maluna o ka mokukaua Makani Puahiohio, nona ka holo 34 mile i ka hopa. Eleu no keia moku lawe kauoha o Enelani.
No ka Aina o ka Ehaeha.
_________
Me ka naau mokuinokuahuahua o ke aloha, i awaiaulu ia e na kipona o ka waimaka, pela wau e hoike aku nei i ke akea, i ike mai ai na kini makamaka o kau Sela aloha e noho mai la i ka aina kaili la o lalo e.
Aia oia i ka Aina o ka Ehaeha, ka heana hope loa o ke kahi hapa o ka lahui Hawaii a ka manao hilii makawela wela a kona mau enemi e kanai aloha ole nei.
Me ka aneane hiki ole ia’u ke kaohi i na waimaka no ka nui o ke aloha. oiai au ma ka oneki o ka mokuahi Kelauea Hou, no ka ukali ana mahope o kuu Sela i aloha nui ia.
He na mai e ae ma ia huakai, he mea ehaeha ka ike’ku i ka pupue mai i ke anu a kekiowao, mamuli o ka ikaika o ka uhi ana mai a na huna kai, i kakoo pu ia e ka huihui o ka moana, he ku i ke aloha ka ike aku i na mai ua hele a pulu kahi aahu, me ke anu o kuu Sela aloha kekahi i lohia iho e na huna kai o ia alamoana. Luuluu wale!
Ma ka hora 8 a.m., Poalua, na ku ka moku i ke awa o Kalaupapa, a hoolele ia aku la na mai, a owau pu kekahi ma ia huakai mai ka moku aku, ma ia huakai a kuu Sela aloha.
Ua hoihoi ia kuu Sela no Pauahi Home, a mamua ae o kun Sela nee ana nku no kona wahi hou mai ka uwapo aku, he mau sekona kela o ka ehaeha a me ke kupilikii i ke aloha, oiai e wehe ana ka pili hooko-o ia loko. A o ka mana o ke kanawai mare ua lilo i mea ole.
Owau kau e ke aloha
I loaiele
Ua kuewa i ka oneki
o ke Kilauea
Ma kela wa, aole au e hiki ke uumi iho i ke aloha no kuu hoapili he wahine, no ka mea, o ke aloha o ka wahine, aole e pan a hiki i ka moe pu ana i ka hale hope o ko ke kanaka ola ana. Ma ka hora 9 ae, haalele ka moku ia Kalaupapa no Lahaina, a ma ke Kinau mai no Honolulu nei.
Me aloha nui.
W. m. Ringer,
Ohua Eemoku.
Kukuluaeo. Aper. 23, ’96.
-------------------
I ka po nei ka Miowela, Onene kaua no Kahikiku.
Kohu Akualapu oe i keia la.
La hanau keia o S.B. Dole.
He 6 mau sela i lumai puia ilalo o ka hoonu o ke awa o Kapalakiko, mamuli o ke piholo ana o ka moku kalepa hao Beritana Blairmore.
Ua hookomo mai ka moku ahi Rio laneiro.
Kakahiaka apopo niau aku ka Rio Kamelo no ke alamoana.
I keia la e holo aku ai ka mekukaua Amerika Coneord.
E ane lilo aku ana paha ia Beritania ka Rula ana o ke aupuni o Transvaal. Aohe no he mea hiki ole ia Enelani ke hana.
O na poe holokaa huilaelua ma Peteroboro, Rusia, he poe make lakou ke kuwalawala a ha’i ka ai, ua hooholo ia he rula paa ma ia kulanakauhale ke paiia o ke kua me ke kii o ke poo kanaka mawaena o na iwi i opea ia, a me ka papaa huahelu nui moakaka e hoohewahewa ole ia ke ikeia ma na wahi a pau ana e holo ai. Maikai ke kau ia i Rula pela no ko Honolulu nei poe. Hu paha ka aka.
AINA KU AI
___________________________________
Chas P. Colburn Carlos A Long
HUI IMI WAIWAI O KA NOHONA
PONO.
________________
E na makamaka a
me na hoaloha.
Welina kakou:-------
UA KUKULU ae nei ka mea nona ka inoa malalo iho nei i HUIMALAMA WAIHONA DALA A IMI POMAIKAI no na nea a pau e komo ana iloko o keia hui i kapaia ma ka inoa. KA HUI IMI WAIWAI O KA NOHO’NO PONO elike me ka mea i hoikeia maluna.
NOLAILA, ke kono a ke poloai aku nei au ina makama a me na hoa loha a pau e makemake ana e hui pu a e komo like mai e lulu a hoiliili ina wahi lala uuku a kela a me keia mea ma ka waihona o ka hui i mea e hiki ai ke hapai i kekahi haoa nui e holomua a e pomaikai ai ma poe a pau i hookahi iloko o ke apo o ke aloha a me ke kuikahi i loaa ai ia kakou ka noho’na kuonoono o keia mua aku.
NA mea a pau e makemake ana e komo mai iloko o ka hui i oleioia malluna ae, e looa no ia lakou ka ike a me ka hoonaauao ia ana aku no na kumunaka, na aiakai hana ana a me na hoolala a pau pei’i ana i ka hui, mamali o ko la. kou hele kino ana mai e hui a e kuka pu me ka mea nona ka inoa malalo iho nei, a nana e wehewehe aku i ke kulana, ke ano a mo na mea a pau i makemakeia hoohana i mea e holomua ai, a e pomaikai ai ka hui.
____________________________________________________________________________________________________________________________________________________________
William C. Achi.
----------------
HE MEA LAWELAWE MA
KE KANAWAI
----------------
BOROKA O NA WAIWAI PAA
----------------
A he Boroka o na Waiwai Lewa
Olelo Hoolaha
------------------
I ka manwa e hiki mai ai o na mokumahu e ka Hui Mokumahu Waila. ( i kaunalenaia) aole e ae ia kekahi mea e pii aku iluna o ka moku a pau moa ua ohua iuka ka aina. mai ke Keena aku; ke ole hoi ua loaa ka ae ia e ua luna moku.
C.L. WIGHT,
Peresidena o ka H I Moku Waila.
jun12 tfd.
----------------------------------------
NA IWI PALAOA.
-------------------------------
E laa hoi na balaki niha na aniani lima na Kahi lauoho, na pahu luhi, a pela aku.
Na Lako Dala!
Na Hua Pupu Momi Maelii
Na Lole Silika,
Hainaka Silika!
Na Lole Keokeo Iapana,
Na Paoale Helemeta mama loa
Na Silika Maua.
Na Pakana Wahine emi no----$ 1.50
Na Moena Iapana nani,
Na Kookoo me ke au dala,
Na Huewai waihooluu
Like ole.
Na Pola a me Kilu—ai,
Pa hoioi lima.
Na Kiaha i kahiko
Lau ia
Me ke gula @
Me na mea he lehulehu wale.
E kipa mai ma ko’u Halekuai ma ka aoao Ewa iho o kahi o Daimana, Alanui Moi.
- BARNES,
Iulai 15. 1895. jul 15 1mo
NA WAIWAI EMI
______________________________________________________________________________
Kuai hooemi, kuai manuahi. a i ole he haawi wale aku no me ka nana ole ia o na lilo iloko o keia wa hune, a nele hoi o ka aina, eia ma ka halekuai KALAHIKI, penei na kuai ana, na Alapia huluhulu pelu palna o 39 iniha ka laula, he .35 keneta wale no o ka I-a, 30 iniha laula. 25 keneta o ka I-a, 26 iniha laula .10 keneta o ka I-a, na papale kaleponi oloele o na ano a pau $3.00 mamua, a i keia wa $1.00. na papale malino $1.00. E kipa, e komo, e wae nou iho, i ike pono i ka nani uluwehiwehi o KALAHIKI. he ole hoi ka lohe pepeiao. E ike ia kakou hoa kanaka. mai kipa hewa ke aloha i ka manu Kolaka, ua like ia me ka manu Kolea, uliuli ka umauma, o ka hoi no ia i Kahiki, o ia ono ai.