Ka Leo o ka Lahui, Volume I, Number 18, 6 May 1896 — Page 3
| This text was transcribed by: | Judy Vierra |
| This work is dedicated to: | Rosalie Vierra |
KA LEO O KA LAHUI.
"E Mau ke Ea o ka Aina i ka Pono."
NU HOU KULOKO
Halawai ka ka Papa Ola i ka auina la onehinei.
Keaka lio ko keia po he kui poi ka hoolalo kumuhana.
Iwaho o Waikiki kekahi poe mele inehinei kani i hoonanea ai i ka auina la!
Ua loaa mai ia Porotesa@ Koebele he 1,500 mau moo Iapana ai makika. Pela paha.
Keia Ioakahi ae omo@ hou ke kao-eli-lepo ma ka uwapo a Hooliliamanu.
Ua anai ia iluna o ka pahoehoe Honuapo, Kau. Hawaii, he kaikamahine ui o 18 makahiki, a ua lilo i ke kai a make, o Mano ka inoa. Aloha wale oia.
E hoomanao ana na Keiki o Sana Keoki i ke 77 o na la hanau o ka Moiwahine Victoria, ma ka la 24 o Mei nei.
Hip! Lo! Oia ka leo hooho a na poe kakele lio heihei e wawalo ana a puai ka Rina o loko o Kapiolani Paka.
Ke kiai la imua o ka Aha Kaapuni ka hihia o Iuno Davis no ka hoopai mai.
Maikai na helehelena o ka Moiwahine iaia i holoholokaa na ai inehinei, aia no ia iwaho o Waikiki kahi i noho ai.
O ka poe a pau he mau koena aie ke lakou i ka Buke Eapaau hawaii, e hoouna mai ia T.P. Spencer ma ka Keena o ka LEO.
Oiai ua waiho maikai mai o Mr. D.M. Punni ia makou; ua kaa maluna o Mr. J.W. Mikasope ka lawelawe ana no makou me na luna pepa no na pepa aine ke dala.
Nui na leo nonoi o na kuaaina mai e hoopuka aku makou i pepa puka pule a e pai mau ia ka Hoike a Palauna, i ike iho lakou i na manao naaao o ka Moiwahine. O ke ku mu o ko lakou noi mai, ua ike lakou i kekahi pepa puka la a makou e hoouna nei.
Elua mau mea make ma Kamoiliili inehinei, malalo o na lapaau Morena ana. O na mea i make, o Mrs. Kulia, ka wahine i alohaia a @ a me Kalaaukapu. Pela no makou e minamina nui ai ia moopuna i hele a @ a Kuihelani i make ai i Kulaokuna, malalo @ o pa lapaau Moreniona a make wale no. He ola maikai ko Mrs. Kulia hiki ana aka a i ka lapapu ia ana make aku la.
NA LONO AINA E.
Ua loheia ae e haalele aku ana o haku Salisabua i kona noho ana i Kuhina Nui no Enelani.
He oi aku ke akeukeu ia o ko Palani Hastin e ko ka Hale Keokeo, Wasinetona, ma mua ae o kahi pou hoopaa lio Haki i hoouna hewa ia aku ai.
Ke mau ia no ka uluaoa ma Cuba, ua hookiia na hana kalepa, ke holapu la ka wi, a he nui ka poe i make i ka pololi a ka ai.
N hookuem hope ino ia ku na Matabele e na poe Beritania ma ke kaua i Buluwayo, Aferika Hema.
Ua hulihia mai nei ka Aha Kuhina o Farani, a ua kauoha aku o Peresidena Faure ia M Sarrien, Kuhina Kalaiaina o ka Aha Kuhina i pau, e wae i aha kohina hou, ua hoole loa mai o Sarrien.
He oia mau no na nune kaua ma Kukuluokahiki. O! e kala mai! Lei pohue la.
Ua make hikiwawe mai nei o Barona Hirsch, kekahi o na kanaka waiwai o Europa, a nana hoi kekahi mau miliona dala i lu a kokua i ka poe ili nune o ia aina.
Ua pau mai nei i ke kikipu ino ia e na poe Pelekane na poe Boea o ke aupuni lae hema o Taranavala, o keia ka poe i kaena ae na mohai ae lakou ia lakou me ke koko. Kani nae na hio i na poe o ka Akikahaulani.
Ua hoopaaia o Akana Pake no ka pupule.
Ua hoonanea ae ka poe mele o ke Quintete Club i na ohua hanohano o ke China ma ka Hotele Hawaii inehinei, nui ka makahehi o na poe malihini.
Ua hoopaaia o Moris Poulan no ka pepehi wahine.
Aia o Kekaulu i Kawa no ka aiheu ana $5.50.
Ua pau mai nei i ke ahi he 55 mau aka ko o Waianae, ma ke awakea onehinei.
He haole wahine aaua ke haawi haiolelo nei i keia loau po. Molaolao.
IMUA I NA WA A @ PAU
O MAKOU KA MUA. KUAI HOOHEOELO @ NANI PUKA
N.S. Sachs,
Helu 520, ma ke Alanui Papu, Honolulu nei
Na LOLE KUAI malalo o ke
KUMUKUAI EMI
HUKUHUKU PELUPELU, o na ano lehulehu a pau me ka maikai, no 12 i-a no $1.
NA LOLE KEOKEO. He mau kuai holopono loa, a o kahi oi loa keia o ka nui o na ano keokeo ma ke Kaona nei. Ka Vitoria Lana, 10 i-a no 75 keneta. Na Kiokeo Maikai kakauloa, pohaku a me kikokiko, ane maikai, 8 i-a no $1.
NA MAKALENA MAIKAI, o ua ki ano hou loa, ma ke ano o na pua a me na kakau ana.
HE MAU KUAI MAKEPONO MA NA ANO LIUILIHI A PAU.
Na Lihilihi ma ke kumukuai.
Na Lihilihi naui kupaa holoia, 12 i-a no 60 kenets.
Na Lihi’ihi holoiia, 5 iniha akea, he 15k wale no o ka i-a, a i ole he 12 i-a o ke $1.50. Mai hoohaule i keia kuai ana.
Ke kuai nei makou i na keokeo halenalena 20 i-a no @
Na Keokeo maoli ano maikai, 3 i-a laula 12 i-a no $1.
NA PAPALE O NA WAHINE, ua ike anei onkou i na papale paikiui hou
Lela o na Wahine.
Eia ia makou na Keokeo, eleele a me na ano e ae.
Na Papale i hanaia no na uku hoeini haahaa loa.
N.@ ACHS, 520 Alanui Papu
@
NA WAIWAI EMI
Kuai hooemi, kuai manuahi, a i ole he haawi wale aku no me ka nana ole ia o na lilo iloko o keia wa hune, a nele hoi o ka aina, eia ma ka halekuai KALAHIKI, penei na kuai ana, na Alapia huluhulu pela palua o 39 iniha ka laula, he 35 keneta wale no o ka I-a, 30 iniha laula, .25 keneta o ka I-a, 26 iniha laula .10 keneta o ka I-a, na papale kalepoui eleele o na ano a pau $3.00 mamua, a i keia wa $1.00, na papale malino $1.00. E kipa, e komo, e wae mau iho, i ike @ i ka nani uluwehiwehi o KALAHIKI, he ole koi ka lehe papeiao. E ike ia kakou noa kanaka, mai kipa hewa ke aloha i ka mnu Kolaka, ua like ia me ka nuinu Kolea uliuli ka umauma, o ka hoi no la i Kahiki, e ia ono ai.
KAUKA E. C. SERMANN
Kahunaiapaau Geremania
Keena a me Wahi Noho: 137 Al. Papa
Na hora hana: 9 A.M. A 11 P.M
2 P.M A 4 P.M.
7 P.M. A 8 P.M.
Telepona 181,
April24 @
Olelo Hoolaha.
I ka manawa e hiki mai o ne mokumahu a ka Hui Mokumahu Waila. (i ka@) aole e ae ia kekahi mea e pii aku iluna o ke moku a pau mua na ohua iuka ka aina, me ka loaa ole o ka palapala ae mai ke Keena aku; ke ole hou ua loaa ka ae ia e na luna moku.
C.L. WIGHT.
Presidena o ka Hui Moku Waila.
Jun 12 tfd.