Ka Leo o ka Lahui, Volume I, Number 24, 15 May 1896 — KA HUI PIWAI PAUAHI. [ARTICLE]

KA HUI PIWAI PAUAHI.

(Hula) Kaulana mai nei a o Pauahi I ka hui pi-wai laua ka manao Manao mai loko a e hooko I ka la lealea a o ke aloha I aloha ia no a o Pauahi Kahi a na lede e luana ai Aia i ka lai a o Pauahi Ka iini pau ole a ka makemake Makemake aku au e ike lihi . Kuu lei pikake lei onaona Onaona na ma o kuu aloha I ka pulu i ka wai mahiehie Hoohie ka manao lia ia loko O ka ike lihi aku i ka pua ahihi Hoohihi ka manao i ka lanalana Kuu lei hoohie o ka po anu Haina ia mai ana ka puana O ka hui pi-wai o Pauahi. (Hula hoohilala ia me ekolu ku'i hapakue kapululu no more!)