Ka Lei Momi, Volume I, Number 1, 21 June 1893 — HOOKOLO IA I KA NUI MANU O KAKOU. [ARTICLE]

HOOKOLO IA I KA NUI MANU O KAKOU.

I ko makou mau kini "oiwi" Hawaii e noho ana mai ka la hiki a ka la kau, mai ka la kau a ka la komo, e ahonui mai— "E komo hale wale ka malihini. I ike ia Kaukini he lawaia manu. I pau pono na mea nani o Piiholo. I ana pono ia ka loa a me ka laula o Kapaa.—Oia la hea ia mai." Me ke kunou haahaa, ke hookuu aku nei makou i ka malihini hou e hookolo wale aku hoi i kona mau kini makamaka he nui mai kela a me keia pea o na moku, a mai kela huli-lau a keia huli-lau o ka Pae Aina, e huli ana hoi mai hikina a ka la a ke komo ana o ka la, a me na manaolana ulumahiehie maikai me ke akahele, ke puana ae nei no makou, "E apo io mai ana no oukou e na Hawaii oiwi a hookipa aku iaia ne ka hauoli." E lilo ana hoi oia i hoa luakuha no kona mau kini a pau, oiai ina iho na ono a ka manao e hene iki ai me ka hoohauoli a hoonanea ia ai ka noonoo o ka mea e nuu pono iho ana.