Ka Lei Momi, Volume I, Number 2, 22 June 1893 — Untitled [ARTICLE]

Ke pahola aku nei KA LEI MOMI i kona hoomaikai a nui i na poe a pau i hookipa aloha mai iaia ma ko lakou mau home. HE NUI a lehulehu wale na ninau imua o makou no ka mea e pili ana i ko makou kahua e ku nei, a kakele aku imua o ka lahui, no ka hoohuiaina paha, a i ole ia, no ke aloha aina paha? No makou iho, aole loa o makou makemake e kokua i ka aoao e hoano ana e kamakaia ia oe e Hawaii aloha, ka aina i eha ai ka ili o na kupuna i hala aku aka, aia mau makou ma ka aoao e kakoo ana ia oe e Hawaii, ka aoao hoi e aloha ana i ka Moi ka Aina a me ka Lahui NO NA manawa lehulehu ae nei i hala, aole manawa oi ae o ke kupikipikio i ike ia e like me keia au e nee kupilikii nei, a he au hoi i ike nui ia aku ai ke komo kuhohonu ana mai o na olelo like ole me ka manao ana e lilo i mau alii moku a i mau luina no ka moku kaulana o ke Aupuni Moi o Hawaii, a ke la welaweia nei na pono a pau o ua moku la me ka manaolana ana e hookele ia aku i ke awa a lakou i manao ai he pono iki, pono nui a pono e pomaikai pu ai. I ka hakilo akahele ana, oiliili ae ana he ui hanehane, - "He oiaio anei hoi pela?" PEHEA nae hoi ua hookuu ae anei ke Kapena mua a me kona mau aliimoku i kona pono maluna o kona moku ponoi mai ka po mai? Aole paha ea? Ina pela, alaila heaha ka pono io o ia hana ana? He mea ku i ka noho ana Kristiano io ka hookipa ana mai i na malihini kipa ma na home noho na launa oluolu ana ma na alahele, a pela no ka waiho ana aku i na mea ai e oluolu ai lakou. Pela hoi i hookipa ai o Alerahama i ka ahola a pela no hoi o Lota, a ua aai loa ia hana he hookipa i na ewe Hawaii oiaio a pau. A heaha hoi ka hana kupono a ka mea i hookipaia e hana aku ai i ka mea nana oia i hookipa? E ku anei oia iluna mahope o kona maona ana i ka ai a kamaaina a hehi aka iaia me kona kuekue wawae e like me esuruna, i ka manawa "wiwi", hopepe; i momona ae ka hana aole i kanamai ke peku. O kekahi mea nui a makou e nana aku nei me ka hopohopo

ana, oia hoi paha, oiai keia mau hana ina e lanakila io ana keia hana hookahuli aupuni ma Hawaii nei, a o ka hemo ana no auanei paha ia he puka nui no na aupuni moi e ae a pau ma ka ili honua i ano like ko lakou mana aupuni me ko Hawaii nei, e hookahuli hou ia aku ai. Ina pela, alaila ua kokoke mai anei ka hopena o ke ao nei? O ke aupuni wale no i hai hoailona ia mai, oia ke Aupuni o ke Kahikolu Kiekie Loa, o hoohuli ia mai auanei ko ke ao nei a pau e lilo i mau Kristiano oiaio wale no, mamua o ka hiki ana mai o ua la nui weliweli la o ka Haku. ie pau no ka honua nei i ke ahi, a e hoomanao ia ua hoea mai ka hopena o ke ao nei. AKA NAE, ke kau mau i ku nei ko ka lahui makaala ana me ka hoomanawanui malie ana, me ka halalo malie ana, malie paha o na hana keia a ka mea ikaika o ka lewa, i kauoha ia mai ko ke ao nei "E kiai oukou me ka makaala loa i ka mea e noho na iloko o ka luakini o ke Akua me he Akua la ke ano e hooha like ana iaia iho me ke Akua." Mai pulale i ka ike a ka maka, e nihi ka hele ana, a "e ku'i ka hele ana a ka naau haahaa."