Ka Lei Momi, Volume I, Number 2, 22 June 1893 — E IMI I KE ALOHA. [ARTICLE]

E IMI I KE ALOHA.

Ua oleloia, o ke ola o ke kanaka, oia kekahi mea nui loa malalo iho o ka la a ke Akua i hanu iho ai maluna o keia ilihonua mawaho ae o ke ola o ka uhane, he mea nae hoi ia i ike ole ia; a oiai o na mea i ike ia ka hana nui a ke kanaka nona iho, nolaila ke ui a ke ninau aku nei makou i na poe puuwai aloha aina oiaio a pau, auhea la lakou? Ma na aina o ke kukulu akau loa, he hau anuanu ka hoa noho o kolaila kupa: ma ka hikina hoi, he noe kolaila koolua noho kuahiwi: o ko ke komohana he liula ka hoa kaunu o kolaila kini; a o ko ka hema nei hoi, o ke aloha aole hoi o ka mohai. O keia mea o ke aloha oia ka o a me male o ka noho na o ke ewe a me ka io o ko Hawaii nei kupa. A oiai o ke aloha ka mua a o ke aloha ka male e ko kakou noho'na, nolaila, o ka imi, ka nowelo, ke kukulu, ka hookupu ka hoomohala a o ka hoonipaa i ko kakou a me ke ewe o ko kakou aina oia ka mea nui i ko makou umauma. Oiai, akahi no makou a hoea aku imua o ka lahui ma keia oihana a makou e lawelawe nei, aka nae aole makou i nele i ke

aloha ia mai mamuli o ko makou hooikaika pauaho olo ana. Na keia mau haawina i kona mai ia makou e hoomanawanui, e koa me ka wiwo ole no hoi. A maluna ao o na mea a pau. ke imi nei makou i ke aloha ou e Hawaii no Hawaii.