Ka Lei Momi, Volume I, Number 9, 1 July 1893 — Makemake o Mataafa i ka Nohoalii o Samoa NONOI I KE AUPUNI O AMERIKA E KOKUA. [ARTICLE]

Makemake o Mataafa i ka Nohoalii o Samoa

NONOI I KE AUPUNI O AMERIKA E KOKUA.

Wasinetona, Iune 15 - Ua loaa aku i ke Kakauolelo Gresham he mau lono kaua e pili ana no na Pae Aina ma Samoa, no ka kue ana i ke aupuni e noho Moi ia nei e Maliatoa. Ua loihi ka manawa o ko Mataafa kaawale ana mai ka nohoalii mai a me na hooponopono aupuni ana no ia mau paemoku. Ua hoiko ia mai i keia wa, ua hoi ae oia no Samoa no ke ake ana e lilo iaia ka nohoalii o Samoa. Ua hoike ae oia i ka ikaika o kona manao no ia moa me ke kue aku ia Maliatoa. Ua hoohalahala o Maliatoa no keia hana kue ona mua o na makaainana, me ka noi e malama ia ka maluhia o kona kino i kulike ai me na kuikahi i hanaia mawaena o Amerika, Beritania a me Kelemania, a e kokua iaia ma ka hookaawale hou ana aku ia Maaafa mai ka aina aku. O ke kulana o keia aupuni i hiki aku ai imua o ka Peresidena a me ke Kakauolelo Gresham, ua lilo ana me he la he mau lunakanawai nana e hoooponopono i ke kulana nohonu Moi ma keia kumuhana. Ua ae ke aupuni o Amerika e haawi i na kokua no keia mau paemoku, aka, no keia manawa, he mea paakiki loa iaia ka lawe ana mai ia apana hana a hooko koke aku. O na mokukaua Boselona a me Adama e ku nei ma Hawaii na moku kokoke loa i Samoa, aka, aohe he mau leta mai ianei aka e pili ana ia mea. Nui ka hoowahawahaia o na hana a kekahi mau kahunapule hookamani e na hoahanau iloko o keia mau la. He lohe maoli ia aku no ke ke—o na kanaka Ma na lono i loaa mai, aia o Lahaina ke uluwehi mai la i kauapaupili, ke huea mai la na pauku piha - a i kai o Puumoa, ua haualele na nalu o Uo i ka Maa.