Ka Lei Momi, Volume I, Number 21, 17 July 1893 — "I OLA NUI NEI." [ARTICLE]

"I OLA NUI NEI."

Ma ko makou umauma ka eha ha, ma ko makou puuwai nae kanaolana e hauoli mau nei, ma ka kaua malie ana ae—"I ola nui nei." Keia ka mea a-a me he lama la ma ka umauma o ka poe e like me makou nei a me na Hawaii i eha me ka menemene nui no Hawaii, ka lahui aloha, a me ko lakou Moiwahine i aloha nui ia e haliu ana ma kahi malu, me ka waimaka imua o ke Alii Kiekie Loa o ka Lani o na Lani, "Ho mai I Ola Nui Nei," no Hawaii Lahui a me ko Hawaii nei kuokoa Aka, aia no ma ka umauma o kela a me keia puuwai aloha aina oiaio, ua ikea ka Moku Ao o ka uaholi a me na kukuna la o ke ola e o ae ana maluna o na awawa olino a me na puu uli mau. —Ae, ua mau ia pu ana ana pela, —"E ola mau loa oe e ke Alii." E ola o Hawaii a kau i ka pua aneane.