Ka Lei Momi, Volume I, Number 30, 27 July 1893 — Page 3

This text was transcribed by:	Punahele Todd
This work is dedicated to:	Awaiaulu

KA LEI MOMI

KULA A ME K@@@

Hoopoluluhi na ao kaalelewa i keia kakahiaka.

Ua hala aku o Pete inehinei no Makaweli me 24 iona lanahu no ia mahiko.

E holo aku ana ka Mikohala i ke kakahiaka o ka la apopo no Lahaina. Maalaea, na Kona a me Kau.

Ke ku makaukau nei ke aupuni me eha haneri koa i keia wa, ua lako me na mea kaua Eleu no.

Eia makou ke naue malie aku nei imua o ka lahui iloko o ka nui o na hoino ia, aka e hoomanawanui ana makou.

Oluolu maikai ka la, pa konane o ka mahine, a he makani mai kukulu akau mai i ka ponei me na ao hakumakuma ua.

Ua pau i ka mahaka ua luina o ka mokukana Adamu. Ua manao ia ua hala kekahi poe maluna o Kalaudina no Maui i ka Poalua nei.

Ke pii mau ae nei ke ohohia ia o KA LEI MOMI i keia mau la, ka helena iho la no ia o ka maunu maikai, i ka piko no oe lihaliha.

Eia ka hoomaemae ia nei ka uwapo o Waikahuluia, a ina e paa ana ka papahel hou, alaila e mau aku ana no ka holonui ana o na lio maluna o ka uwapo.

Owai la hoi nei ipo manuahi a ke Kuokoa e hoolaha nei i ka makau i ka makuahonowai? Owai la nei mau hua kepau e kiai hewa nei?

E lawe koke i ka LEI MOMI i ike oe i ke kaeaea o ka hekua o lio keokeo, hololio i ka wa hooilo a me ka ui maalo i ka wa kupulau. Mone Tikero ke Akua lapu o ka po.

Lokoino maoli oe e ke hoa, i ko lilo i ka ulaia. Aloha ole iho no hoi oe ia makou e au aku nei i ke kai loa-o ko haalole iho no ka ia me ka pane leo ole iho. Ua hiki hoi paha. Na makou no ia e alo hoomanawanui aku i nei mau kai loa a kaa aku i ko ao malamalama.

E loaa mai ana na paa oukou o na koa o ke aupuni me keia ku ana mai a ka Mariposa.

I kula sabati iho e haawi ai o Mr. Keohe i kona ae a me kona hoele no ka hoi i ke kula Kahunapule imua @@@ hoahanau o ka @@@@@ o P@@@@.

Eia ke hoopuka ia aku nei ke koena o ka hoike a ko makou mea kakau o noho la i ke huikau o Ladana, e pili ana i ka mare hanohano o ke Duke o Ioka me ke Kuina`lii May o Toka.

I ka awakea onehinei i ka mai ai ka Rio Janeiro mai Kina mai, o ke ahiahi ana iho no Kapalakiko me ka lawe pu ana aku i na ukana, na eke leta a me kekahi holona nui o na ohua.

Aia o W. B. Olesona i noho iho nei i ke kula o Kamehameha ke kue loa la i ka hoohui ia o Hawaii nei me Iapana, a ke hooikaika la @@@ hana koke o Amerika i kekahi keehina e hui koke ai o Hawaii nei me ka Aeto.

Mamuli o ke owelawela loa o @@@noi, ua hele aku la kekahi wahi keiki kolohe a lawe mai la he e@@, ipu aimake a ka Pako ma Waikiki a ai iho la. Ua hopu ia nae ua wahi keiki kanaka nei a oia ke noho nei i ke kakela Kalakaua.

NA LONO TELEGARAPA.

Ua olelo ae o Hanlan, ina e eo ka heihei Waapa pukahi mawaena ona me Gaudaur ma ka la 22 o Iulai, no ka hookahi tausani dala o ka aoao hoome ka inoa moho o Amerika, alaila e ao ana oia e heihei me Stansbury ma he kai o Amerika no elua tausani elima haneri dala o ka aoao hookahi.

O ka mokukaua Beritania i hookai ai me ka Viloria, oia ke Camperdowa, ua huki ia iluna o ke alahuki moku no ka nana ana i kona mau wahi i poino. Ua ikeia ua noha ia o mua o ka ihu o ka moku ma kahi kokoke i na puka topido he eiwa kapuai ilalo. O koaa nuku hao na pelu ma ka aoao akau o ka moku, a me eono papaa hao, ekolu ma kela a me keia aoao, ua poino.

Ua poino ia kekahi @al@@@ hana keaka ma Midway Pl@@@ sauce i ke po o ka la 13 o keia mahina, i ke tiga. Mamua o ka hemo ana ae o ka ke tiga puliki ana iaia, ua wehi @@@@ kekahi mau walu o kona k@@ a e kaheewai ana ke koko ma o a maanei. E a`e ana oia i na holoholona la i kona wa i hoopoino mai ai, a o na hoa e ae ona na pau i ka holo @@@ @@@ makau.

Nui ka hanaino ia o kekahi misionari Amerika me Shantung. A pela pu no hoi a e kekahi poe misionari e ae, aole o olakou makemake ia ma ia walu.

Ua holo aku ka mokuuhi Falcon mai Potolana aku no Ainaomaomao, a holo loa aku ka huli welau akaa.

Ka Waiu a me ka Koli

Heaha la ka mea i oleloia no Anihi? Eia: I ike ole @@--

“He aloha no o Anihi

E nihi kua kole

O ikeia mai u@”

Heaha ka mea a Ewa e hoolohe ai? O ka leo o ke kai o Waialua, no ka mea, ua olelo ia,

“O ka aukuku nalu kai a ke koolau

I Waialua ka po ina a ke kai

He leo ka kai o Ewa e hoolono ai.”

Heaha ka mea i like ai o ke ao me kekahi i`a o ke kai? No ka oleloia na ma ka nane.-Keu i`a nona ke ao: He liao. Oia maoli no ka pololei-akamai.

Owai ka aina i kapaia no ka kaahaa o ka na? O Hana, Maui.

Owai hoi ka aina ilalo lilo loi? O Keei, no ka mea, ua olelo ia, “Keei a ka lalo lilo.”

Heaha ka meu i like ai ke kanaka me ka mai`a? No ka mea ua olelo ia, @@ a ia no hoi kau, he @@@@ kanaka a ka la e huaai. Nolaila, mai au a oe i kau mea nei.

No ke ha ka mea i olelo ia ai e ka @ahiolo he Muh@@@. No ka mea, @@ holo@@ a h@@ hope.

Pehea i like ole ai ka namunamu a na poe @h@@e, u@k@ kahi a nui hoi kekahi? @ai no hoi, he uuku na @@i kahi mahina, e like me liilo nei @@@ ka @@@ @@, a o Mahealani no hoi. La nu@@ @@ @@@@. @ka-@@ akamai @@@ i a loi oe?

Owai ka ele@@ ia he pupue`i ke k@i @@au? O ka wili`i ka i hooheno ia ma ka m@@@ @@@@@.

Alawa iho au o ka wililii

E nupue ana i ke kai @@@@.

Ua loaa nei i ia oe ka inoa o kekahi laau i hoohalike ia me ka @@@@ ai? Ae Heaha? He Ohe, ka mea i olelo ia, “He ipu no he po`i, he ipu no he po`i, pu i ka lani.”

LEI

MOMI

Ke pii mahu-ihua nei ke @k@ hia ia o ka Momi iloko o keia mau la mamuli o ka hoo@@a puuwai maoli o kona @@@@@ olelo.

Aole hoi oia wale, aka, ua nei aku na mea heluhelu e hoopukaia nei ma ona mau, kola, ma i kela a me keia la.

A@@ KA LEI MOMI ma kaa@@ o kakoo @@@ no ka pomaikai a me ka holomua o @@ @@@@ Hawaii a pau.

E lawe ia no ka pepa ma @@ ipuka hale no ka hookahi (1.00) dala o ka mahina i na poe a pau e makemake mai @@@. He iwakalua-kunamalima @@@ ka pule.

LEI

MOMI