Ka Lei Momi, Volume I, Number 2, 14 August 1893 — Page 2
This text was transcribed by: | Sandy Murdoch |
This work is dedicated to: | Awaiaulu |
KA LEO O KA LAHUI.
"E Mau ke Ea o ka Aina i ka Pono."
HONOLULU, OAHU, POAKAHI, AUGATE 14, 1893
(page 2)
Ka Mauna Tabora.
"A hala na la ewalu, lawe ao la oia ia Petero a me Ioane a me Iakoba, a hele aku la i ka mauna e pule." --- Luka 9:23
O ka mauna o Tabora i oleloia oia ka mauna i hoopahaohao ai ko kakou Haku imua o kekahi mau hauinana ana ekolu.
E. ku ana keia puu kiekie o Tabora ma ku aoao hikina o Esedoraelona, he elua leguo ma ka hema hikina o Nazareta, a kokoke no e like me iu ka mamao mai ka muliwai mai o Ioredane.
He mauna nani a walohia no ka mauna o Tabora ke nana aku ma kona mau aoao a pau, aia na pohaku ma kona piko e kiekie pahuku ana, a e ku hao ana hoi mai kekahi mau manua @ ae o Palesetine. He like ole ka hoike a ka poe kakau moolelo no ke kiekie o Tabora, mai ka eha mile a i ka hookahi tausani kapuai. Wahi hoi a Bakahada, ua hoike mai oia i ke ku kilakila ana o ka moo mauna o Tabora me he puoa la e oili ana iwaen o na ao o ka lewa.
Ma kona piko, he palahalaha maikai nona ka ili he hapaha mile paha ke akea, i uhi ia e na pohaku puna, na pohaku paakiki (paea) a mailaila mai kekah mau pohaku i lawe ia mai ai no ke kukulu ia ana i kekahi mau hale, na luakini a me ua halekupapau.
Ma na aoao o Tabora, he mau ana i hana maiau ia na paia me na pohaku paakiki. Maanei ka ike ik ana o Mose, Iesu Kristo, a me Elia e na haumana ekolu e kamakamailio pu ana no kona make ana a me kona ala hou ana mai ka make mai-
Wahi a Poco@e: "He keu keia a ko puu waiwai nui o Palesetina i hoolukoia me na pohaku maikai no ke kukulu ana i na hale, a ma kona kumu hoi na laau oka, na pua nani o ka na helo."
KIPOKA IA O MANAGUA.
Ma ke kakahiaka o ka la 24 o Iulai, ua hoolei poka pahu ia kulanauhole o Managua o na poe kipi no eha hora. O na mokuahi elua o ka poe kipi ua ku laua iwaho o Managua a kipoka mai la i ka hora 4 o ka wanaao, a hiki i ka hora 8, a ua hoopoino ia ka hale aupuni a me na hale noho, ua make elua kanaka.
Aole i hoike ia ka lohe i ko ke kulanakauhale poe no keia hana, a hoomaka koko no ka hoolele ana i na poka me ka loaa ole he manawa i na wahine e hoopakele ai ia lakou. Ua lele, aku kekahi poka a na enemi a kokoke i ka hale o ke Kuhina Amerika e noho ana me kana mau kaikamahine.
Ua lawe ae kekahi waapa o na kipi he hookahi pukuniahi a Krupp nona ka ikaika o hiki ai ke h@olele i kekahi poka n@na ke kaumaha he 75 paona, a he hookahi pu a Armstrong.
Ua nui ka pioloke o na mea a pau o ke kulanakauhale. Ko hookaawale ia la na wahine me na keiki ma kahi o maluhia ai, i ole ai e poino i ka wa e kipoka mai ai na papu i na enemi. He uuku loa ka poino o na enemi i na koa aupuni, he mokuahi i poino, a ua make elua make elua loina.
Ua holo aku na moku o na poe kipi, a aole i ike hou ia.
Ke manao la na poo e noho la ma Managua e haalele iho ia wahi no ka makau i ka make. malama iho ua. Ua luna aupuni he halawai no ke noi ana aku i na kipi o hoopau i ko lakou hoopoino ana i ke kulanakauhale.
Ua loaa mai kekahi lono aole ae o na poe kipi i ka hoomalu ana a ke kanawai lahui.
Na Moku Heihei.
O ka heihei moku moana loihi mai Kapalakiko aku a hiki i Kuimitona, ua hiki mai i ka hopena. Ua ku mua aku ka moku kalepa Pinmore i ka la 17 o Iulai, o na moku Kalepa Kulanakauhale o Atenai a me Lochee, ua ku laua ma ku la 25. Ua lilo ka pili i ka Pinmore he hookahi tausani dala. He mau moku Beritani wale no lakou.
Mau Luina Hou no ku Akamu@.
Ke hoomakaukau ia la ma Mare Ailana e hoouna hou mai i mau luin@ hou no ka mokukana Adamu e ku nei ma Honolulu nei. A ua manaoia e hoounaia aku ana ka Adamu no Sam@a ae pani ana Ka Piladelepia i ka Bosetona i ka wa e hoi ai oia no ka hoomaemae hou ana i kona iwikaele.
Ke Kanikela ana Kapalakiko.
Ua loaa mai ia Mr. Waila mai Peresidena Kalivalana he palapala e ap@no mai ana iaia ma ke ano he Kauikela Kenerala no ke aupuni kuikawa ma na mokuaina o Oregona, Wasinetona, Nevada a me Kaleponi. Ua kakauinoa ponoi ia e ka Peresidena. Aole a Waila mau olele no na mea e pili aua no ka hulihia o ke aupuni kuikawa a me ka hoihoi hou ia ae o ka Moiwahine. "Aole loa he kana e ala mai ana ma Hawaii," wahi ana i kekahi mea kakau nupepa. "O ke aupuni kuikawa i keia wa, ua lawa oia me ka ikaika e hiki ai ke ku no umi makahiki," pela kana olelo.
Ua olelo ia o ke gula maemae loa he 24 karala.
O ke dala gula o Beritania he hookahi hapa umikumamalua ka nui o na metala like ole iloko.
He dala hao ko Sparta, aole he aeia o kekahi ano e ae-
O ke dala o Amerika Huipuia, ekolu keneta, ua hanaia i ka 1851.
Ua kukuluia i ka 928 ka hale hana dala o Enelani o Athelstane.
Mai ka 1828 a hiki i ka 1845, iloko o ia ke dala o Rusia.
Ia Bruchner ka loaa ana o ka meki nikana da@a mua loa i ka 1558.
HALE PAI
KA LEI MOMI
KAULUWELA HONOLULU
W H KAP@, L@@@ Nui
@ TELEPONE @ALE HELU 627
Ua makaukau makou e lawelawe i na hana e pili ana i ka ma kou oihana, e laa na
PALAPALA KONO
PAPAKUHIKUII
NA PALAPALA HOOKAA O NA ANO AP@
A pela aku, a pela aku, a pela aku.
Keena Hana@ @@ kahi noho, Alanui Kul@