Ka Lei Momi, Volume I, Number 61, 1 September 1893 — Page 1
| This text was transcribed by: | Kelly Murray |
| This work is dedicated to: | Awaiaulu |
KA LEO O KA LAHUI.
"E Mau ke Ea o ka Aina i ka Pono."
BUKE I HONOLULU, OAHU, SEPATEMABA 1, 1893. HELU 61
_____
NUPEPA PUKA LA KA LEI MOMI
W.H.KAPU,
Luna Nui a Lunahooponopono.
Ma Honolulu kona wahi noho.
_____
UKU PEPA:
No ka Makahiki $10.00
No ka Mahina 1.00
No ka Pule 25
o ke Kope Hookahi 10
KUIKE KA RULA
_____
E hoopuka mau ia ana i kela a me keia la, koe ke Sabati.
O na hooponopono dala a me na kauoha nupepa ana, aia wale no me ka Luna Nui.
Aia wale no me ka Luna Nui a Lunahooponopono na kuka ana no na mea e pili ana i ka uku o na elelo hoolaha, na kanikau, na mele inoa, a pela aku. Aole loa e hoopukaia kekahi o keia mau mea ke hookaa mua ole ia mai ka uku.
O na poe a pau e makemake ana e lawe i ka Nupepa KA LEI MOMI e hookaa nua ia mai ka uku, ina ma ka Pule a ma ka Mahina paha, Aole hoale."
E hoopukaia aku no na manao o na makamaka ma keia Nupepa i ku ike ano hoonaauao mai a me na moa hou o kela a me keia ano, kee na hoopaapaa pilikino ano ole. E hoouna mai i na manao i ka Lunahooponopono.
KEENA HANA: Ma kahi noho (no ka manawa). Alanui Kula.
_____
HE MOOLALO KAAE NO MONE TIKERO KA HOLOLIO I KA WA HOOILO KA UI MAALO I KE KUPULAU. A O KE KEIKIALII MARE MATINE KE KIAHA OPAKA O NINEWA.
_____
MOKUNA VI.
Ka ui Maale i ke Kupulau - Ke Kakele Pahikaua Akamai - Ka Makana a ka Pua Lilia o Zubieda.
Ua li'a a ua hakukoi ka manao o kela pua lilia o Zubieda i kela hololio i ka wa hooile, a no ia mea i puaua ae ai oia i kela mau olelo, a he mea oiaio, ina o kaua pu kekahi malaila e ka mea heluhelu aole no e nele ko kaua hoohihi i ua hololia la, oiai ua naui okoa maoli no - he ku na ke kanaka ui.
Nana kapakahi aku la ua keiki hololio la i ka kalealii, a ike aku la i kekahi mea e kiei mai ana ma ka puka aniani, a ia manawa no i nou mai ai ua kaikamahine la i kekahi wahi opuu pua a haule iho la maluna o ka uha e ua ui hooholo lio keokeo nei. A hopu iho la ua keiki la i ka pua i haule iho iluna o kona uha, a pane iho la: "Aloha ahiahi oe e ka mea nana keia pua, o kau makana ka keia ia'u e kela ui e ku mai la ma ka ipuka aniani."
Ia manawa i muki pakelu ae ai ua ui la i ke kupulau i ka pua lilia ana e paa ana, a nana hou aku la ma kahi ana i ike aku ai i ka mea nana i hoonou mai iaia e ku mai ana no ma kahi ao ana e ku ana.
Ia manawa i wehe ai ua keiki la i kona papale a ku@ aku la imua @ nani e ku ana ma ka ipuka @ ani, a ia wa i kiani mai ai ua kaikamahine la i kona hai@, me he mea la e kahea @ ana i ka mea hololio e maliu aku oia i kona p eahi hainaka ana a nolaila i kaohi iho ai ua keiki la i kona lio a huli papu aku la imua o ka mea e ku mai la ma ka puka aniani o ka halealii o Samanadala.
Iaia i hana ai pela, ua ahuwale aku la imua ona na helehelna o ua mea la nana ua pua nei ana e paa ana, a muki hou iho la i ka pua ana e paa la. Ia manawa koke no i wehe ae ai oia mailoko ae o kona ekeeke he wahi hua ohia a kona makuakane i haawi mai ai iaia, me kona umuhi ana ae i kau @ pahikaua a paa ae la ma kona lima akau, kiola ae la i ka hua ohia e paa la ma kona lima hema iluna, a o pololei aku la i ka wini oi e ka pahikaua iluna, a i ka wa i haule iho ai o ua hua ohia la iluna o ka maka o ka pahikaua, ua nou pololei aku la oia a haule iloko o ka puka aniani o ka pua lilia o Zubeida e ku ana. A no ia mea i hopu iho ai ua ui nohenohea la i ka hua ohia a honi iho la me ka minoaka pu ana iho, a pane ae la:
"Ke honi nei au i ka hua ohia makana a ka ui maalo i ka wa kupulau. A o ke aloha ahiahi no hoi kou e ka mea nana keia makana maikai."
Alaila, wehe hou ae la ua ui nohea la o Samanada i kona hainaka a ani peahi aku la i ka ui maalo i ka wa kupulau, a ua panai mai la hoi ka ui maalo me ke kunou ana aku imua.
Ua lilo iho la keia mau hana a ua ui maalo la i mea hoihoi loa i ka pua lilia o Zubieda, a ua koho iho la oia ua kupono loa na ka hololio i ka wa hooilo a me ka ui maalo i ke kupulau e lei i ka pua lilia mae ole o Zubieda (aole na Makalapua)
Mahope iho o ka laua mau nana pakahi ana o kahi i kekahi , i wehe ae ai ua keiki la i kana o-le a puhi ae la me ka ikaika no ekolu manawa, a i kona hooki ana iho, ia wa i naholo aku aina mea a pau e ike, heaha la ka hana a keia o-le o ke ahiahi e kani eni.
Ua naholo mai la hoi ua pualikoa no kahi o ke @ o-le e kaui ana, a ike ia aku la he kanaka ui opio ke kau mai ana iluna o ka lio keokeo, a e paa ana hoi oia ma kona lima akau he pahikaua, a ma kona aoao hema e ku ana he elua mau laau ihe. A i kona wa i ike mai ai i keia poe e kuku aku nei, ua hao ae la oia i na kepa ma na aoao e kona lio a hole aku la me ka nana kapakahi ana mai i na poe e kuku aku nei e makaikai i kana mau hana kupaianaha.
I kona hookokoke ana aku no ka ululaau ua puhi pakolu hou ae la oia i kana o-le, a ia manawa i hoohuli hou mai ai ua hololio la i kona lio ihope a kuupau mai la i kona holo no kahi a ka lehulehu e kuku ana, me ka paa ana ae i kana pahikaua makon alima akau, a i kona wa i kokoke aku ai ma kahi a ka lehulehu e kuku ana, wehe ae la oia i kona papale e ahuwale ae la kona mau helehelena imua e na mea a pau.
Nolaila, ua noke mai la lakou i ka uwauwa me ka olelo ana, "he keu kela a ke kanaka opio ui e kau mai la iluna o ka lio keokeo."
Ua lilo keia mau hana a ka lehulehu i mea no kekahi poe keikikane e nini loa ai no ka akena ia o ka nani o ka ui maalo i ka wa kupulau, oiai o kekahi poe o lakou he mau haoloha no ke Keikialii Hare Matine, aole hoi o lakou makemake e lohe ke kaikamahine alii Mozunadime i ka ui o keia keiki, mahope auanei lilo ia he mea e hoano e ai i ka noonoo o ua Mozunadime la.
_____
NA LUNA LAWE PEPA
Malalo iho e ike ai ko makou poe heluhelu i na luna a makou i hookohu aku ai no ka lawe ana i ka makou pepa, a ia lakou wale no e loaa ai ka pepa i na poe e makemake mai ana, a i ole ia, ma ke Keena nei no hoi.
C.B.Menese D.Kahaleluhi Samuel Kapua Sam Kaanaana S.K.Keawe.
Aole i pili keia i na luna mawaho aku o ke kulanakauhale nei.