Ka Lei Momi, Volume I, Number 65, 6 September 1893 — Page 1

KA LEO O KA LAHUI.

"E Mau ke Ea o ka Aina i ka Pono."

 

NUPEPA PUKA LA

KA LEI MOMI

W. H. KAPU,

Luna Nui a Lunahooponopono,

Ma Honolulu kona wahi noho.

UKU PEPA:

No ka Makahiki          $10.00

No ka Mahina                1.00

No ka Palo                       25

 o ke Kope Hookahi        10

KUIKE KA RULA.

 

E hoopuka mau ia ana i kela a me keia la, koe ke Sabati.

O na hooponopono dala a me na kauoha nupepa ana, aia wale no me ka Luna Nui.

Aia wale no me ka Luna Nui a Lunahooponopono na kuka ana no na mea o pili ana i ka uku o na olelo hoolaha, na kanikau, na mele inoa, a pela aku.  Aole loa e hoopukaia kekahi o keia mau mea ke hookaa mua ole ia mai ka uku.

O na poe a pau e makemake ana o lawe i ka Nupepa KA LEI MOMI e hookaa mua ia mai ka uku, ina ma ka Pule a ma ka Mahina paha, Aole hoaie.

            E hoopukaia aku no na manao o na makamaka ma keia Nupepa i ku i ke ano hoonaauao mai a mo na moa hou o kela a me keia ano, koe na hoopaapaa pilikino ano ole.  E hoouna mai i na manao i ka Lunahooponopono.

            KEEKA HANA:  Ma kahi noho (no ka manawa), Alanui Kula.

 

HEMOOLELO KAAO

NO MONE TIKERO

KA

HOLOLIO I KA WA HOOILO

KA

UI MAALO I KE KUPULAU.

A O KE

 KEIKIALII HARE MATINE

KE

KIAHA OPAKA O NINEWA.

MOKUNA VI.

Ka Ui Maalo i ke Kupulau—Ke Kakele Pahikaua Akamai—Ka Makaua a ka Pua Lilia o Zubieda.

Owau e kamailio aku ua paio au me ia a ua lilo ka’u mau kiina maka iho ana i mea olo imua ona, o ka’u mea e manao ai e hoohana ana aku maluna ona ua lilo ae la he mea paani wale no iaia, a nolaila ua hiki ke kaena ae ho ui maalo i ka wa kupulau a ho kaeaea ma @a mea kaua.

Ia manawa i kauoha ae ai ke alii oia hoi ka moi i na kueno e lawe mai i mau omole waina no lakou, a i ka hoea ana mai, ua hoopiha ia iho la na kiaha a ia manawa i kau ae ai na mea a pau a noi ae la ka moi e ino ia ke ola o ka ni maalo i ka wa kupulau a o ka pua lilia hoi o Zubieda.

No ia mea i menoaka iho ai ua pua lilia la a nana awihi mai la ia Mone Tikero, oiai no nae ua ui maalo la e nana aku ana iaia me he ipo la i ke alo pali.

A lilo ae la ia mau minute i wa no laua o nana aku ai kahi i kekahi me na hoomalie pakahi ana.  A he mea maopopo ua lilo uku la ka puuwai o na pua lilia la i ku ui maalo i ka wa kupulau, ka mea i makona aku iaia iloko o kekahi manawa i hala me ka hua ohia oloko o na ululaau o Poramuga.

Mahope iho o ka lakou mau kukai olelo ana a me na kike kiaha pu ana ua ku ae la ua kupueu nei oluna o ua kuahiwi o Hagara a pane aku la imua o ka moi a me kana kaikamahine e hoekepue mai ana me ka leha pu ana o kona mau maka maluna o ua pua lilia nei e haiamu ia ana e ka nohea.

“E olaolu mai oe e ke alii e hookuu i kona poe kauwa e hoi aku no ko lakou mau home mana, oiai eia ka la ke hele aku la i ka lolo a he mea pono e ike aku i ka maka o ka ohana e noho mai la me na keiki a makou e kali mai o ka ike nai i na maka o ka hoi aku.

“Ke ae noi au i ka oukou noi a ke hookuu aku nei au ia oukou e hoi me ke noi pu aku ia oukou, e hoomanao i ka mea nana i hookipa ia oukou iloko o ko oukou mau puuwai pakahi, a pela oia ia oukou.”

O ka ui Mozunadime, aia mau kona mau maka ke nana hoomau la maluna o ka ui maalo i ka wa kupulau, oiai ua keiki la e noho mumule wale la no aohe pune leo ne.

Ia manawa aia oia ke noho pono ole wale la no kona noonoo no ka haalele koke ana mai o ua poe kaeaea la o na ululaau ia wa pokole.

Nolaila i ku ae ai oia iluna a pane aku la imua o lakou me ka leo moakaka penei:

“Ke noi nei au ia oukou e kali ko oukou hoi a kekahi manawa okea o aku, oiai e haawi ia ana kekahi ahaaina hoohanohano nui no oukou i keia mau la iho, a ua makemake pu ia hoi e kukala aku e malama ia ana ia la he mau hana hookelakela ikaika, a e loaa aku no ka makana mai ia’u aku i ka mea nana ka lanakila o ia la.”

O ke kumu paha i hana ai ke kaikamahine alii pela, ua makemake oia e ike maka kona makuakane i ka ikaika o keia ui mualo i ka wa kupulau a me ka eleu o kana kiina maka ihe ana a me kana kaikai ana i ka pahikaua a hoomoe iluna o kona mau enemi.

He mea oiaio, ua kuahaua ia aku la a puni ke kulanakauhale a o ka honua no hoi a puni o ia mau la e kono aku ana hoi i na poe kiekie a me na poe hanohane mai ka ke kiekie a ka haahaa lilo i lalo me na poe lopa haahaa a puni ke ao holookoa o na mau aupuni la e hele mai mai kela poa a keia pea o ka aina e hele mai e ike a e nana i na hana kaulana a ke kaikamahine alii o Samanadala e haawi ana me ka puuwai waipahe o ka oluolu i piha me ka manawalea no ka pono o na kanaka malihini o na ululaau o Poramuga a me na kuahiwi kaulana o na pali nihoniho o Hagara.

Ua lilo iho la hoi ke aupuni o Samanadala ia manawa ma na hana hoohiwahiwa no ua la la e hiki mai ana, a ke nana aku oe i ua aupuni uuku la—.

Aohe hoohalahala a kaua naulu i ke kula,

He nani okoa no mai Kaena a Waialua.

Aia ma kekahi kula palahalaha o ku ana he halau nui e hiki ai ke moni i kekahi heluna kanaka nui, malalo no nae o na lilo o ke aupuni kona kukulu ia ana.  Aole he kaniuhu o kona makuakane no keia mau hana, aka, ke haawi mau la oia i na mahalo ana no ka ulu ana ae o kela noonoo i kana lei e hoohanohano aku i na poe malihini e naue mai ana ma ia la nui o kana lei.

E hoomanao mai o na poe hoo nuu o keia namea, e hoomanawa nui iho ka ono o keia la a puka hou aku.