Ka Lei Momi, Volume I, Number 11, 16 October 1893 — Page 2

Ka Lei Momi.

HONOLULU, OAHU, POAKAHI, OKATOBA 16, 1893

 

Ua Loaa Hou.

 

            O Keoki Mataio, ke kanaka i piholo ai iloko o ke kai ma o kona au ana e kii i kona papale i ka auwina la Sabati, Okatoba 8, ua loaa hou aku kon kino e lana ana iluna o ka ilikai ma ka auwina la Poalua nei i Keloa, he keiki hoehoe waapa no ka uwapo.  E hoe ana keia keiki i kekahi poe no ka moku poino Miowera, a ike aku la nae oia i ke kino e lana mai ana i ka ilikai.  O na helehelena wale no o ka mea make kai inoino, aka, o ke kino he oia mau no ka maikai.

 

Kuu ka Luhi

 

            Ma ka auwina la Poakolu nei, hora 1:30, ua haalele mai la i keia ola ana o Mrs. Nua Kane ma Kauluwela, a hele aku la i ke ala hoi ole mai.  Ua haalele iho oia mahope nei he kane me na keiki elua, a me ka ohana he nui e noho u aku nona ma keia aoao o ka muliwai eleele o ka make.  A ma ke ahiahi Poaha nei i manele ia aku ai oia no kahi mau o na mea a pau, a hoi aku la ka lepo i ka lepo a o ka uhane i kona mea nana i hana.

            Me ke kane i hoonele ia i ka wahine ole a me na keiki opiopio i hoonele ia i ka makuahine olo, a me ka ohana a pau ko makou kumakena pu ana.  E hoomanao, "Nana no i haawi mai a nana no i lawe aku, e hoomaikai ia o Iehova."

 

KA OPIUMA

 

            Ma ke kakahiaka Poalima i hala, au hopuia iho la o E. Devauschelle a me Isaak Cocket no ka hewa he malama opiuma.

            Ua luaa aku he 49 hapalua tini opiuma nona ka waiwai io he $18 o ke tini hookahi ma ko laua rumi.

            O Devauschelle, he luna kiai no ka hale dute iloko o olua mahina ae nei i hala, a me he mea a i ka wa o ka mokupea S. N. Kakela e ku ana i ke awa nei ma kela huakai mua aku nei ana au pii aku keia haole a ninau i ke kamana in a he opiuma ko luna o ka moku. Ua ae koke mai la oia me ka olelo pu mai he 50 tini, a kipe mai la i ka makai kiai me $100, aka aole i ae ia aku kana haawi. Ua olelo uku nae keia haole kiai in a he $800, alaila ae oia e hoolele ia mai kela mau tini opiuma me ka hoopilikia ole ia.

            Ua n@i mai la ka haole kamana e haawi i manawa nona e noonoo ai no kela heluna dala mahuahua, a ma ka po ana iho na pii hou aku la no ua makai nei o ka hale dute iluna o ka moku no ka hakilo aha i ka opiuma. A ma kahi nae o ka hopu aku i ka opiuma, ua lawe mai ia oia a malama i ua kupua la ma kona home. Ma ke kakahiaka ae hele hou aku la oia a hoike imua o ka mea nana ka opiuma aole oia e lawe i ke dala.

            Ma ka la 17 e hookolokolo ia ia laua imua o ka Aha Apana no ka malama i ke kupueu.

 

Hunahuna Mea Hou o na Aina E.

 

            He 8,500 ka nui o na loio ma Enelani.

            O Luna Senate White, he luina moku kona kulana i ka wa mamua.

            Aia ma Nu Ioka he 3948 mau makai.

            Ua hanaia na omole aniani i ka A. D. 10.

            He 157,680,000 hele ana o ka poka o ka uwati i ka makahiki.

            E hoala aku ana o Iapana i 14 mau alahao kaa ahi.

            He 60,000 mau elepona ma Ladana.

            Ua hiki aku i ka hookahi tausani dala ka waiwai io o ka ili o ka ilionae eleele.

            Mailoko mai o ka ili o ka laau e hana ai na Ilikini i kapa huluhulu no lakou.

            Ke holoholo nei ma na ale kawahawaha o ka moana Atelanika he 1000 mau moku.

            Ke hoohanaia nei ma Beritania Nui he 900,000 piano o ka makahiki.

            Ua hiki na hale hana keaka o Enelani ke moni ia 12,000 kanaka makaikai.

            He amii iole i hana maiau ia me ke gula ka ke kaikamahine alii May, wahine a ke Duke o Ioka.

            O ko Beritania Nui waiwai io iloko o na alahao o Amerika Huipuia ua hiki aku i ka $500,000 000.

            Ke uhi ne ka hui teleopona o Kikako-Nu Ioka ia 950 mile.

            Eia iho na kohokoho hope loa no ke ana o na moanawai nui elima o ke ao uei. Pakipika, 71,000,000 mile kuea; Atelanika, 35,000,000 mile kuea; Iniana, 28,000,000 mile kuea, Anealika, 8,500,000 mile kueu, Alika, 4,000,000 mile kuea

            Ke hoolako nei o Se-pania me Polugala ia Amerika Huipuia me na pani huewai,

            O ka waiwai io o na mea ulu ai a pau o Amerika Huipuia iloko o 1890 he

£779,000,000; o Rusia £563,000,000; o Farani £460,000,000; o Geremania he £424,000,000; o Auseturia he 331,000,000 paona, o Beritania Nui he 251,000,000.

 

Haina Nane

 

            Mr. Lunahooponopono,

            Eia mai ka haina o ka nane a Sam. W. Naukana i puka ma kou helu 9 a'u hoi i nana ai me ka'u ohe honouiike e noho mai ana iluna o ka eheu o na manu a ia'u i hookuu hou aku ai i ka ikaika ume o ua ohe nei a'u, ike aku la au i ua mau huapalapala nei e@no e milikaa ia mai ana e na ale hanupanupa o ka moana, a na ke aheahe lau mai kani i lawe mai ia'u a hoike mala i ka inoa o ua lei nei o kuu makamaka, oia hoi o "Pupupu."

"Pa no ne i i ka miloholu o

Waiakea,

E o ana i ka nahele o Malio,

Ilaila au ninipo i ka noe,

I ka hana kaulana a na kupuna."

DUKE o 527

 

            [Ua knlike kau haina nane e ke Duke 0 527 me ka haina e waiho nei me makou. L.H.]

 

VABINE-MIU-LANA.

 

Nani wale oe e pua Miu-lana,

Kuu hoa hoi o ka uka iuiu,

Pehea hoi oe e ka Vabine,

Hoa kakele o ka Poni Moi,

Elua maua alo i ke anu,

I ke kehau wai o ka mauna,

Alo aku maua i ka ponei,

Halii paa la o mua i ka ohu,

Ua puni paha olua la-ea,

I kahi manu Kolohala o ke kaona,

Ho ae kakou i ka waokele la,

Pukukui i ke anu me ke koekoe,

Aloha ole no hoi olua la,

I nei mau pua laha ole la,

Ua laahia maua ia mau pua,

Ka anoi no ia a ka inakemake,

A ka lai maua a o Kilohana,

I ka home kakela a ke aloha,

Mea ole wale no ia loa la,

I ka pili koolua ia me ke hoa,

Ulu mai ka manao hana e loko,

Aiwaiwa lua i ka puuwai,

Waiwai olua na maua la,

No ka la nui a hiki mai,

Hiki mai ke aloha kupouli,

Hana mao ole i ka puuwai,

Lilo olua i ka holo a ka hulupala,

Poina ke aloha mahope nei,

            Haina ia mai ka puana,

            Eono - eha lawa na lei,

            Puana maua o mai olua,

            Elima - eha lawa na lei.

            PONI MOI - LALANA.

            Oct. 14, 1893.

 

            Aohe hewa ke haawi ka Puali Puhiohe Lahui i ahamele hoolaulee no na Luna Aupuni malihini o Amerika Huipuia i o kakou nei ke hiki mai hoi i ka la apopo. Nawai anei hoi e ahewa aku ka hoene a na oho kaili puuwai a ia poe kupaa oiaio? Aohe mea hookahi e ahewa, oiai, he ola kahi ilaila.

 

PUA KIELE.

Nani wale oe e KA LEI MOMI.

Kuu lei kahlea i ka nani

O oe ka'u i kui ai a lawa

I ke ano liula ahiahi

Kau aku ka manao la e inu

Ka alohi wai o ke kiaha.

Elua kaua la i ike

Na mea huna o ke kuikele

I kolu i ke kiaha kini

Helu ekahi o ke onaona

Auhea wal oe e ka Noio

E ka manu nuku uli o kai

Huehue oe a umi tausani

A kau pono i ke aki

Hooheno oe e KA LE MOMI

I ka lawe no a hanaio

Ku ai no ko kaena

Onipaa ke aloha aina

Pehea oe i manao ai

Ehui Hawaii me Maleka

Ua sila no oe a paa

Na mana nui o ke ao nei

Hookahi Hawaii i ka piko

A Maleka e upu mai nei.

            Puana aku au o mai oe

            Eiwa pua rose lawa kuu lei.

                        LULUHIPOLANI

 

            Huro! No Sweet Carnation ke aloha pau ole, hoa kakele @ ka lau Vahine. Mai poina oe e pua Miu-lana, eia mai no @ Lalana kou hoa pili.

 

HALE AINA.

 

SAGAMIYA

 

Ai poi mo @ipi           5 Keneta.

Ai raiki me @ipi          5 Keneta.

mu kope me     5 Keneta.

mu ti    5 Keneta.

 

            Alanui Moi kokoke i Haaliliamanu uw@ pa. Helu 6.

 

            10 tf w.

 

HOOLAHA.

 

            Ke papa ia aku nei na mea a pau aole e hele wale malun o na palena kai @waia o Haoaloa a me Waikele, o hoop@i ia e like me ke kanawai, a o ka poe he@ wale malaila ma ka po, e akahele o ki ia i ka pu, a e lilo keia i kumu ao.

            SUNG CHUNG LEE,

 

KA@KA YONG KAM PUNG

 

APANA

 

Helu 81           Alanui Maunakea

 

KAUKA LOEA O KA AINA PUA

 

            Ua hiki ke hoola ia kela a me keia, ano mai mai ko na wahine a me ko na kane a me ko na keiki liilii. Ua hiki ke hoola ia na ma'i hano, na ma'i a paio ke akemama koko ino hu'i na wahi a pau o ke kino. N ma'i wahine o kela a me k ia ano. N ma'i wahine o kela a me k ia ano. Na ma'i Lele, oia ka Fiva Lenalena, Hebera, ke Kolela, a me kekahi mau mai e ae he nui wale. Ua hiki no h i ke lawelawe ma na lapaau oki ana i na palapu o kela a me keia. O na ma'i koko paa a pehu ua hiki loa ke lapaau ia me ka uku h ahaa loa.

            E kip uni ae e na makamaka, ka poe hoi i loohia me na ehhaeha a ka m@ e loaa no au ia oukou me ka hauoli e kokua @ ku i na mea a apau me ka auh@ mama loa.

            O na pilikia a pau e pili ana i ka hanau keiki, ua hiki loa ia ia'u ke hana@ aku a h ohemo, me ka ehaeha ole a @ ka oluolu no hoi.

            I na e hemo ke keiki e inu hou i ka laau i mea e hooma kai aku ai ia loko @ ka waihona keiki, a me ka hoopau @ no hoi i ka maeele o ke kino.

            Me ka malama pono no naei na @ a'u e kuhikuhi aku @f. a nolaila, e hela mai mai ke nui a ka liilii. A mai Hawaii ho'i a Kauai.

            YOUNG KAM PUNG.

            22-3m