Ka Lei Momi, Volume I, Number 13, 30 October 1893 — Untitled [ARTICLE]

Nui ko Hoa-Senate Emeluka makemake e pau aku na luna aupuni i k'a hapai pu aia ke ano he poo koa, pela oia i hoohanini ae ai i kona lole iloko o ko lakou ahaolelo i ka Poaha i halā iho la ma o kekahi olelo hooholo la. Ua kueia keia manao e"Kikila Balaunu, no ka mea, aole loa ia he mea pono, oiai, malalo o kela olelo hooholo, ua pau na poe a pau, aohe -mea e koe iho, pau ka opala, ke unu, ka ele, ke kea, a pela aku, a pela aku, a pau pu me na kumukula wahine, a pela wale aku no hoi. Huai ka ike kalaiaina o keia paaua hana piula, a huai pu kona iini nui e hapai ae kela ame keia i ka pu e like la me ia, ahe kohu wahi holoholona huelo loihi kona nanaina mo kona aahu koa i hemo mai na ululaau hihiu o kekahi mau aina a kakou i ike ole ai, koe wale no ma ka lohe pepeiao ame ka ike palapala. Ua hoomakeaka no hoi keia wahi Pi Gi oehaa.