Ka Lei Momi, Volume I, Number 21, 25 December 1893 — Page 3

Ka Lei Momi.

 

NA PALAPALA.

 

Aole o makou makemake e lawe i ke koikoi o na hala a me na hewa no na manao i hoopukaia malalo o keia poo, aka, maluna no o na poe nana i kakau mai.

 

O ka Aie Dala ke Kumu e Ulua@ ka Lahui. Mau ke Kuokoa, a Pii ka Waiwai o ka Aina.

Mr. Lunahooponopono:

O ke poomauao e kau ae la maluna, oia wale no ke kahua kahi e hiki ai ke hoouiuia ka Lahui Hawaii, e paa ai ke kuokoa, a e ulu mai ai ka waiwai o ka aina. E pono no kakou o ninau, i dala aha ia e aie ai? Ina o aie ana, i chia dala e aie ai? Ina e aie ana, pehea e hiki ai ke hookaaia ka aie? He mau ninau maikai keia, a e wehewehe aku au penei; --- No ka ninau ekahi, e wehewehe a o hoakaka aku au penei: 1- I mea e hooulu ai i ka lahui Hawaii oiwi, 2- I mea e e paa ai ke Kuokoa kuloko a me ke kuokoa kuwaho o ke Aupuni, 3- I mea e hoouluia mai a, ka waiwai o ka aina mai o a o.

No ka ninau elua, penei: E aie kakou i $8,000,000, oia ko kiekie, a o ka $5,000,000 ka haahaa, ina lawa ole na hoohanaia ana o ka $5,000,000 no ka lahui, ke aupuni a me ka aiua, alaila, pii aku kakou iluna, a o ka $8,000,000 ka pahuhopu.

No ke kolu o ka ninau, penei: - Ma ka okioki maikai ana me ka pakiko i na uku kiekie o kekahi mau luna aupuni, e hoomaka ana i ka mea ma ka nohoalii, na kuhina, na lunakanawai, ka luna hooia, na lunakanawai kaapuni, ka ilamuku, luna dute, luna leta nui, mai ia lakou a hala aku i lalo i na luna haahaa e hiki ai ke poke pono ia a ke hui pu ia me na loaa e ae o ke aupuni, na aina leialii, a ina hoi e ku ana na banako lahui, he mea pono e uku pu ia aku ia mau dala no ka pono o ka lahui, ko kakou kuokoa, a me ka waiwai o ka aina, i mama ae ai kekahi kaumaha o ka lahui a lilo ae na ke aupuni e auam@.

O keia ka’u mau pane no kela mau ninau maluna ae la, a e wehewehe au i ko’u manao lauia. O ka waiwai nui o keia aio ana i $8,000,000, 1--i mea e kukuluia ai ona mau home hooulu lahui, 2--mau haukipila, 3--mau hale mai lepera lala. 4--i mau home ilihune. 5--na kula. 6--hale hana paka kikaliki a kika paha, 7--i hale hana dala no ke aupuni, i hanaia no ko kakou mau dala gula a me sileva ponoi i Hawaii nei, a e kuai aku no ma ka auka a na ke aupuni no e hana me ke ku@iia no i ke kuni o ke aupuni Hawaii, i hele ai no ko kakou dala gula iloko nei o na kaiaulu o Hawaii nei me ka hele ole iwaho, a lilo i mau kumu waiwai nui no ka poe hoopukapuka dala, o like me Bihopa Ma e uku kuala mai nei no ke dala gula, he elima dala ka uku kuala no ka haneri dala. 8--no ko kukulu ana i banako lahui, me ka hoomana maoli ana no ma ke kanawai, e kauoha ana i na kanaka Hawaii a pau e hoahu i ke dala, 9--no ka hana ana i na awapae, 10--na alahaka, 11--na ala eli malalo o na pali, 12--na uwapo, 13--na alanui kaaahi, 14--na alahukimoku, 15--na pa kapili moku, 16--ka uwea telegarapa, 17--na uwea telepona a puni na mokupuni, 18--no ka eli ana i na luawai aniani, 19--ke kii ana e hoohuli ae i na wai o na kuahiwi no na wahi panoa wai ole, 20--ka pulu lama okolehao, 21--ka hooulu ana i na mea ulu, na hu a me na mea a pau e waiwai ai ka aina, 22--i mau kumu e kukuluia ai ona hale hookamakama ma ke kulamakauhalo nei, 23--i mau paipu wai e lawe ai i na ino a pau o ke kulanakauhale nei a me na kumu hoohana a pau e waiwai ai, 24--no ke kukulu ana i papa lapaau Hawaii. I mau kumu e makau ole ai kakou i ka aie dala, aole au e kii aku i kahi e a lawe mai ma ke ano hoohalike. Mai ka hookumuia ana mai o keia aupuni, ua hoohanaia no maluna o keia kahua hookahi, o ka aie ana i ke dala no ke kukulu ana i na kumuhana e pomaikai ai ka lahui a me ke aupuni.

Aole i pau.

 

Ua hoopaneeia ka noho ana o ka Aha Hookolokolo Kiekie ma ka banako a ka la apopo, mai kela Poalua mai, mamuli o ke ano omaimai o Lunakanawai Pekekona.

Pii ino ke kumukuai o na hua alani o na Kona mai nei o Hawaii, i hoea mai ma ka Malulani i ka Poalua i hala, mai ka $1. 10 a ka $2 o ka haneri, hookahi a i kai no o ka uwapo, pau i ka lilo. He ola ia!

Nui ka ka opiuma ma ke kulanakauhale, he $16 ke kumukuai o ke kini hapalua paona hookahi. Ua oleloia no hoi he iwakalua poe haole e lawelawe nei i ka hana hoopae a kuai malu. Ea, pehea keia palaka a palaleha o keia au hemolele? Malia, ua pau pu no i ka hawahawa.

Ma ka wanaao o ka Poalima, la 15 nei, ua hopuia o W. Kanaau, he hapa Pukiki, no ka aihue ana i kekahi puolo lole no kekahi mau Kepani kane me wahine ma ke kihi o na alanui Beritania me Maunakea. Ua loaa aku ka puolo ma kona wahi, a i ka laweia ana ae i ku Hal@wai, ua ike koke na Kepani o ko laua puolo ia. Ua ao oia i kona hewa imua o ka Lunakanawai Ap@na ia ao ana ae, a ua olelo ao no ka ona mai ko kumu o kona hana ana pela. Aia oia i Kawa kahi i hooluhi wale ia ai no mamuli o kona hana hewa. ana.

 

NA HAWAII KUEWA.

 

E Ole e Alohaia, Ike Hou na Maka i ka Aina Kulaiwi.

 

Ua hoike aku makou ma kela holu aku nei no ke ku ana mai a me ka holo loa ana aku o ka mokukuna Amerika Vine no Samoa, a me ka hoihoi ana mai nei he ekolu poe Hawaii hula. Ae, ua hoihoiia mai kela poe ekolu mamuli o ka ae oluolu ana o kona ona, oia o Mr. H. J. Moors, @ana lakou e hoihoi mai me ko lakou lilo ole. E hoomanaoia ua haalele iho ia Honolulu nei, he mau malama i hala ae, he eono poe Hawaii, eha wahine a me elua kane --- Jennie Kalai, Au@ie Grube, Pauahi, Pinao, Nakai a me Kanuku --- malalo o ka hoolimalima nui ia ana i poe hula ma ka hoikeike nui o ke ao nei ma Kikako.

Ia lakou i hoea nui aku ai a mahope iho, ua ulu ae la he hoopaapaa mawaena o na luna elua, eia e Foster a me Warren, a mamuli o ia ua mahae lakou, a ua lawe aku o Foster he ekolu, o na wahine a me hookahi kane, a olua i koe ih@ me Warren, oia o Kanuku a me Nakai. Mahope iho o ka alo ana ae i na popilikia, ua laweia lakou ekolu e Mr. Moors i oleloia, ka luna o na poe Samoa hula, a ua haawiia aku i hana na lakou. A mamuli hoi o ka Mr. Moors mea i olelo ai no ka hoihoi ana mai ia lakou, ua nui ko lakou mahalo, oiai, ua hooko oia i kana i oleio ai. O na poe ekolu i hoihoiia maila, oia o Kanuku, Nakai a me W@. Olepau, a ua palena ole na olelo mahalo a ka inoa hope no ka oluolu a me ka maikai o ka Mr. Moors malama ana ia lakou ma Kikako, ka aina makamaka ole.

E pili ana hoi no Fosler a me na poe me ia, o ka mea hope loa i loheia no lakou ua hui aku la lakou me kekahi puulu hope aku nei mai ia nei aku, oia o John Maipinepino, John Epwards, Kahikina Kahulu, Duke Kahanamoku a me Bennie Jones, a ua pau nai aku la no Nu Ioka. Ua paa ae keia hoohui ana ma ka la 31 o Okatoba, ka pau ana o ka Pea ma Kikako.

Mahope o ko ka Vaine ku ana a waiho aku i na poe Samoa ma ko lakou home, e holo loa aku ana ua moku la no na Paeaina Solomona no ka imi hou ana aku i poe hula no ka Hoikeike Hooilo ma Kapalakiko. Na Mr. Moors i hoolunalima i ka Vaine no ka hoihoi ana aku i na poe Samoa, a maanei mai no ka holo ana mai me ua poe la he mau malama loihi i hala ae. Ile piha laau a me na waiwai o ae kana i lawe aku la no Samoa. Aohe hoi olelo ana i koe no Mr. Moors. oiai ua hooko oia ma na au@ apau i kana i aelike ai me kela poe.

 

KA LEI MOMI

NO 1894.

 

“Iluna no ka Ua, waelo o ke Pulu.”

 

I ola honua no, mahope iho o ka noonoo pono ia ana, ua hooholoia e like me keia malalo iho na uhao lanahu ana e hiki ai ke mau aku ka holo ana o ko makou wahi waa nei iloko o keia makahiki ae, a eia malalo iho na auhau ana i manao ia ai e loaa mai no he ola a he kanaaho, penei

UKU O KA NUPEPA.

No Hookahi Kope                                                        $          .10

No Hookahi Malama                                                               .25

No Ekolu Malama                                                                   .75

No Eono Malama                                                                  1.25

A ka, ina e hookaa mua ia mai iloko o ka malama mua o ka hapaha makahiki, a i ole ia, o ka hapalua makahiki a makahiki holookoa paha, alaila, peneia ka auhau ana:

No Ekolu Malama                                                      $            .50

No Eono Malama                                                                  1.00

No Hookahi Makahiki                                                           2.00

O ka iini nui nae hoi, o kela me keia hapaha makahiki (ekolu malama) ke hookaa mua ia, no ka mea, he oluolu ia, he maalahi, a he hiki olo loa hoi ke pale mai no ka nele loa o ka waihona. Aole no e lawe kekahi mea i ka nupepa, ina e ike ana i ka nele maopopo aia imua o na maka kahi i ku ai

E hooko pololei ia aku ana keia ae la maluna, a ke kauleoia aku nei hoi’ko na Luna Nupepa a pau hooko pono aku me ke kuemi ole a ewaewa ole hoi i keia kauoha maluna ae.

 

Aole no hoi o ke ola o ka nupepa wale no ka mea i manao hookahi ia, aka, o ka @uhi pu no hoi kekahi o na poe kokua a hooikaika aku i ka holomua o keia nupepa, a ua hoomaopopoia peneia iho:                 

UKU O NA LUNA NUPEPA.

5 Inoa                                                                                      .15

10 Inoa                                                                                    .20

Maluna aku o ka 10 Inoa                                                         .25

E hoomaopopoia o ka uku pake@eta ae la ia maluna o kela a me keia dala hookahi e loaa ana, a e hoomaopopoia no hoi he nupepa loaa wale ka na Luna a pau, oia hoi, na poe e loaa ana he elima inoa keu aku mawaho ae ona ponoi iho.

E hoolawe ae no hoi na Luna i ko lakou uku mai ka huina dala e loaa ana ia lakou no ka lakou poe lawe i hookaa, a o ke koena iho hooili mai, me ka lawe pu ae no i ka uku o ke kikoo leta. E hoolohe i keia, i pohihihi ole.

Aole no i pili keia ae la i ko Honolulu nei mau Luna, aka, e loaa no ia lakou e like me k@ mea i kuluma.

O na kauoha nupepa, na hoolaha a pela aku, e kakauia ae i ka Ona a Luna Nui; a oiai, oia hookahi no hoi ka Lunahooponopono, iaia no e hoounaia mai ai na palapala a me na manao no ka hoolaha aku. Aohe e hoopukaia kekahi manao ke ole e hoikeia ka inoa oiaio.

O na hoouna a kikoo dala ana a pau, me ka Puuku hookahi wale no ia, oia o Mr. F. J. TESTA, aole i ke kahi mea e aku. Aole palapala hookaa e mana, o kana wale no, a nolaila, iaia no e hoouna pololei ia mai @ na kala a pau.

KEENA HANA: Helu --- Alanui Moi, ma Kapuukolo, maluna mai o ka Uwapo a Haaliliamanu, ma ka huli Waikiki ma ka aoao makai.

KEENA PUUKU: Helu 15, Alanui Kaahumanu, ma ke keena oihana loio o ka Mea Hanohano A. Rosa.

W. H. KAPU,

na, Luna Nui a Lunahooponopono