Ka Lau Oliva, Volume II, Number 4, 1 April 1872 — He hoike no ka Baibala. [ARTICLE]

He hoike no ka Baibala.

Iloko o ka makahiki 1791, ua hiki ae kekahi alii no Aferika i Enelani Ua hoike ia aku ia ia ka Baibala e ka mea nona kā hale kahi ana i hookipa ia'i, me ka hai ia aku o ka olelo ia ake Akua. I kona ike ana i ke ano o na mea iloko o ia buke, o kona hoou&o koke no ia a paulele me kona naau a pau, o ka olelo io ia a ke Akua, Mahope iho, ninau ia kela, heaha kou mea i paulel« loa ai i kela buke no ke Akua mai ia ? P»»ie mai la kela. " la'u i ike ai ika poe maikai a pau e hoo?ohe ana i na olelo o kela buke, a e hahai ana mamuli o na mea i ao ia malaila ; a ike pu no hoi aū o ka poe ino a pau, ua hoole a hookuli i na olelo o kela buke, ua hooiaio koke au i ka olelo a ka poe maikai, eka olelo ia ake Akua." Ua akamai kela i ke koho ana i ka laau ma kona hua.