Ka Lau Oliva, Volume IV, Number 3, 1 March 1874 — Untitled [ARTICLE]

A iloko o kana huakai, ke kulou hoomaikai iho nei nmkou, a puana ae me ka leo noi, " ma na ale o ka nioana, ma na kakai, na kuahiwi, ma na wahi no a pau, e ka Haku ! 0 oe pu ma kana huakai." Ma ka moku mahu Kihiueii ko kakou Moi e holo aku ai ma kt*ia huakai. Ua hala i hope ka nialama o Fel>eruari me kona mea kaulana. Ua paa ia mau mea a pau i ke kaha ia, me he kii akaka loa 'la ma na papa hoomanao o ka lahui Hawaii ; ua kalai ia a ua kohu, ua paa mau loa maluna o ke kia hoike oiaio o ka Buke Moolelo. Ma kahi i pono ka hana ana, ua pomarkai ka aina ma ia mea, a ua hanohano ka poe i lawelawe ma iamau hanapono. Ma kahi hoi i hewa ka hana ana, ma kahi i ku i ka hoopoioo a me ka hoohiiahila, he mea hiki ole ia kakou ke kii hou e hoopono[x>no a hoololi paha elike me ka makeinake Ua pau, ua paa ka mea i hana ia. O ka inihi ka mea hiki ia kakou no na hana poao ole ; a o ka hoonaauao ia kakou iho no na mea i hana ia, oia kekahi. E lawe mai kakou i kela mea hookahi, ka hauuaele o ka la 12 o Feberuari, a e ninau kakou : " Heaha ka ia hana e ao mai nei i ka lahui ?" Ua hala i hope ia mea. He mea kaumaha a he hilahila ka noorjoo ana. Aka, me he mea la he leo, a eia ka ia leo e pane mai nei : 1. He mea e poino ai ka hahai ana i ka poe alakai ma ka hana hevra. Aole kanaka hookahi iloko o kela haunaele i nele i ka ike he hewa ka pepehi kanaka ; a he hewa no hoi ka wawahi hale-, a me ka hoopoino i ka waiwai Aka, no ke kono ia mai, ua haalele kekahi poe i ko lakou noonoo kanaka, a me ko lakou

Ē hoolilfTvkftfeou ia ia i elele Koapuni i waena o kakou, me ka piha a kona waihona i na mea e lana ai, a e ai na Ekal»'sia, a me na mea a pau e' poho ana ma keia Pae Moku Hawaii. ! I hookahi o kakou manao, i>ia keia: " E lanakila ke Aupuni o a e ola ka Lahui Hawaii ma keia Pae Aina." I hookahi o kakeu umauma ma ke kue ana i na puali o ka jx>uli ; a i hookahi ko kakou hauoli pu ana ma ka lanakila ana o ka j)ono a ioe ka malamalama. He mau la pilikia no keia a kakou e noho nei; aka, īnai paupauaho kakou. E hooikaika, a e hookanaka, a ehanapono. E ala mai ka poe palaka ; e eleu ka poe manaka ; a e lawelawe i ka hana me na lima eleu ka poe palaualelo. Mai hele me ka hookulou, me ka pilihua o ka manao, me he mea 'la ua pio ka manao lana. A«he i pau ka pono. Ke koe nei no ka lani maluna ; ke koe nei no ke one hanau malalo; ake waiho nei ka noonoo kanaka iloko o oukou. Aole i pau ke aloha o ke Akua—he mea pau ole ke aloha. E naauao kakou ma na mea i hala mahope. Pela e piha ai na makahiki ame na kau o mua aku nei, me na pomaikai uhane, a me na waiwai kino, no ka poe a I>au e ao ana i ka hana pono.