Ka Lei Rose o Hawaii, Volume I, Number 4, 1 April 1898 — Page 15
15
O ke dala ka mea oi ae i ka mea puni waiwai, aka, i ka la o ka make, ua lilo ia i mea ole—Obed.
Mai hoopanee i ka mea hiki ia oe ke hana i keia la no ka la apopo.—Uphan.
Ina he lehulehu kou mau hoaloha, mai kamailio ma ke kua i kau mau mea i mauao ai e kamailio nona, aka, e kamailio hookamani ole, oia kou mea e maikai ai imua o lakou.—Andrew.
E huli oe i ka naauao me ka ikaika me he mea huna la i ko mau la opio, a hiki mai ka wa pono, e hauoli no oe i kona waiwai, a e ai hol i kona momona me he meli la—Braman
E ai i kau hakina ai me ka hoomanao i ka haku, o kou ai ana, oia no Kona ai ana, e huli hoi oe i ka waiwai me ka hoomanao i ka poe ilihune, no ka mea, oia no ko ke Akua mau ohua ma ke ao nei.—Hundred.
Mai kuko i ka hai a lawe wale, mai kuko hoi e hoowalewale i ka wahine ui akou hoalauna—Rufus
Ua like ka olelo ino me ka nioi ka wela, a o ka olelo maikai, ua like me ke aheahe makani oluolu maikai.—Thomson.
E kamailio me ka oluolu, e hana me ka noonoo pono, no ka mea, oia ke alanui o ka naauao a me ka ike, a pomaikai hoi ke kanaka ke hahai ma ia alahele.—Unger.
E noho me ka makaala, e noho hoi me ka hoomanao i ka Haku, no ka mea, owai la kai ike i ka la o ka Haku?—Milton.
E ahonui, e aloha, e lokomaikai, e loaa no ia oe ka makemake o ka Haku.—Owen.
Mai haawi i kau makana a pau minamina hou iho, no ka mea, aole he haawi hemolele ana.—?
O ka mea noi haawi aku nana, o ka mea makee ia oe mai kaii ae, aka, e hoopiha iho oe i ka makalua o ka lokomaikai ma hana wahi, no ka mea, o kona ino nona no ia.—Couper.
NA HOOKAAU O KA MANAWA.
Heaha ka mea i kaulana loa o ka Ehu o Hakipuu. Haina No ka palaoa lawalu, a penei iho na hooheno:
"Kaulana mai nei a o Hakipuu,
Palaoa lawalu ono a ka ehu."
Owai kahi moku kaulana i hoohalike ia me ka mahimahi? Haina, o Kikila, a penei:
"Kaulana mai nei a o Kikila,
Mahimahi o ke kai a o Puaena."
Owai kai kauoha ia e ala mai ka hiamoe mai oiai, ua kau ka la i ke kuahiwi? Haina. O Pua-ka-ilima, penei ka hooheno ana:
"Auhea wale oe Pua-ka-ilima,
E ala mai oe moe loa nei,
Ua kau e ka la i ke kuahiwi,
Moku i ka ohe la hoi aku."
Pehea la i papa ia ai e ka poe haku mele, aohe make ho-oni? Haina—No ka mea, ua olelo ia penei:
"Mai no oe a hooni,
I ka wai ua lana malie,
O pii ae auanei,
Haalele i ka lau laau."
Owai kai olelo ia i ke komohewa? Haina o ka ohule. Penei ka mea i olelo ia: He ohule komo hewa keia.
Owai kai kaulana loa i ka hokai i ka ipukai, Haina—O ka Muumuu.
Owai kai papa ia e ke mele aole e hoouaua? Haina—O ka Bipi, a penei ka hooheno ana:
"Auhea wale oe e ka Bipi,
Lawe nanahu o Nuuanu,
Mai hoouaua aku oe,
O moku ke kaula i ka ihu."
Owai ke kanaka i kaulana o Lahaina ke hookahi no maka. Haina—O makahi.
Owai ka ohule kaulana loa i ka huai no ke kuamuamu ia i ka ohule. Haina—O Elia.
Heaha ka olelo kaulana a ke Kepani no ka maikai o ka hana ana? Haina—Guru hanahana.
Owai kahi wai kaulana i bilibi ole ia? O Alekoki, a penei ka hooheno ana:
"Aole i bilivi ia,
Kahi wai a o Alekoki."
Mamuli o ka papa hoike a ka Lunakanawai Wilikoki imua o ka Aha i keia kakahiaka, he 10 poe ona, ua hookuu ia no lakou a pau.
Ua nui ka mahaloia o Miss O'Moore, he wahine opio noeau loa hoi ma ka hookani Vaiolina i ka Poaono iho nei kona hoike mua loa ana i kona ike a me kona akamai maloko o ka Hale Mele Opera.
O ka huina dala no na mea pili i ka pono o na alanui hao o ka makahiki i hala, i hookomoia mai iloko nei o ka aina. Na kaa ahi he 159 a me na kaa alwe ko, ua like me 9,865 dala 6.126 na alahao ua like me 9,273 dala me na pono e ae, mai na aina e mai a me Amerika i hiki aku ka huina dala i ka $8,338.