Ka Lei Rose o Hawaii, Volume I, Number 4, 1 April 1898 — Page 9
9
naauao keia, a he poo manao hoi e pili pono ai na olelo a'o a Davies, ke lawe kekahi aoao kalai aupuni o kakou a noonoo me ke akahele, a hoomaopopo maoli iho no aohe he aupuni e ae maluna o ka pae moku o Hawaii nei, o ke aupuni Repubalika wale no, ua hala ke aupuni Moi a me kona mau nani a pau, aka, eia kakou malalo o ka malu o ke Aupuni hou o Hawaii nei i kapaia, ke Aupuni Repubalika o Hawaii.
E na hoaloha o'u ame kekahi aoao kalai aupuni, anoai paha, ua hewa makou i ko oukou manao no ko makou hoike aku i ko makou manao oiaio maoli maluna o keia ninau. No makou iho a mamuli hoi o ko makou manao ana he mea pono na makou ehoakaka aku i ko makou manao kalai aupuni oiaio a pololei no ka pono o na aoao elua, ka aoao Repubalika a me ka aoao Roealika (Royalist), nolaila eia ka makou e hoike aku, e hoopau kakou i ko kakou mau manao kue pili aupuni e hoihoi ia kakou iho i hookahi malalo o ka malu o ke aupuni Repubalika, ke aupuni nana e Rula nei me ka mana maluna o ka lahui Hawaii a me na lahui kanaka o ko na aina e, a ma kahi hea la kakou e hiki ai ke hoonanahuki ae ia kakou iho, oiai [1] aohe aupuni Moi i koe, [2] aohe he Moiwahine i koe, o ke pani ma ko laua makalua, [1] o ke aupuni Rebubalika, ma kahi o aupuni Moi, o Peresidena ma kahi o Moiwahine.
Nolaila, ke manao nei makou he poo manao ano pili kupono loa keia e i mai ana ia kakou e huli mai kakou a pau mai ko kakou auana ana a hoi mai kakou a pau i ka malu o ko kakou aupuni hou, e hoopoina ina mea i hala, a kikoo aku ina mea mamua.
Ku rimi Maile NO KA Ili
a me ka HOOLA I NA PALAPU-AHI
He hiki loa ke hoomaalili ia na ano ili eha, na huehue a me kekahi mau ano ma'i ili eha e ae,
50 Keneta no ka Omole.
Benson Smith & Co.
J. T. WATERHOUSE,
Mea Kuai i na Poe Waiwai o na ano hoolaua a pau
Alanui Moiwahine, Honolulu
Nuhou Kuloko
Eia iho ianei ke keiki o ka ua Lani-haahaa W. K. Hutchinson, e kukulu ana paha oia he oihana nana ianei.
Nui ka ino o ko Kauai mau awa ku moku, a he nui no hoi ka ua e like no hoi me kakou o Honolulu nei i keia mau la, pela no hoi o Hawaii a me Maui.
He nui ka nune ia no ke kaua o Sepania ame Amerika, aka, eia ae i keia mokuahi e maopopo loa mai ai.
Ua haalele ka Makai Nui o Kauai Carter i kona kulana, ua pani ia kona makalua e kona i ope ma ka oihana, a ua lohe wale ia e hoi ana oia i ka hanai holoholona i Molokai.
He wahi paiaa hoolaulea ka na keiki o St. George ma ko lakou hale hui.
Ua haawi ae o Mr. Theo. Davis he paina hoolaulea i kona mau lima lawelawe mamua ae o kona haalele ana iho ina kaiaulu o Hawaii nei maluna o ka Mokuahi Belgic no Enelani.
Ua lulu dala iho ka Ekalesia Evangelika o na Pukiki i ke Sabati nei no ka poe pilikia o Cuba, a ua loaa ia lulu ana he 40 dala, mai na hoahanau puuwai aloha wale mai no.
Ua make kekahi pake kamaaina o kakou nei o o Amana kona inoa, he kanu kalo kana oihana maa, a ua nui na hoa o ka aina pua i ukali aku iaia i kona home kino lepo.
Kuai Emi
MA KE Kuike
NA KAA-PI'O, NA KAA-LIILII, a me na KAA-UKANA, e kuai ia aku no me
KE KUMUKUAI HOEMI O KA HAAHAA LOA ma ka hale oihana holomua o
C. BREWER & CO., Alanui Moiwahine
Hui Metepolitana
Halekuai Bibi no ka hoolako ana i na Home a me na Aumoku.
Halekuai Bibi nana e hoolako nei i na Hui Mokuahi Osianika me Pakipika.
G. J. WALLER,....Luna Nui.
108 Alanui Moi, Honolulu.