Ka Lei Rose o Hawaii, Volume I, Number 5, 15 April 1898 — Page 10
10
Mai ka aoao 7 mai.
O KA MEA OIAIO E KAUA ANA NO
Ua hoole loa o Sepania, aohe e ae aku ana o Sepania i na e ike aku sna o Amerika ia Kuba he aupuni kuokoa, ke upu wale ia aku nei, o keia hoololo ana i ke kaua ma ko Amerika aoao, he haawi wale ana aku no ia ia Sepania he wa pono, e hoonee pono mai ai i kona mau aumoku liilii e hiki mai ai i ke kahua o ka hana, na hookuha'u nui ia na pohai o na kanaka, makaukau kaua moana mamuli o ka houlolohi ana o ke aupuni a hana ole me ka eleu e hana ia kahi mea, noleila, o ka hoololohi ana pela, ua hakalia ole ko Sepania aumoku i ka hiki pono ana mai i ke kahua o ka hana me ka hakalia ole.
I ka wa e keia lono i lohe ia aku ai; ua haalele iho la n mokukaua Sepania, ua puiwa loa ke keena kaua moana o Amerika, aia wale no paha ka pou o keia pihoihoi a hiki kino mai ua moku la i Porto Rico.
KE AUMOKU TOPITO SEPANIA
Mai ka nupepa New York Herald mai, e olelo ana ua hoike mai o Sepania i kona hiki mua mamua o Amerika ma ka hoea ana mai nei o kona mau moku tobido ma keia aoao o ka moana Atelanika, mamua ae o ke kukala ia ana o ke kaua mawaena o na aupuni elua, i na e hiki mai ana keia mau moku a pau i Port Rico, alaila, ua like me 13 mau moku tobido o Sepania ma ua mokupuni la, he hoike ana mai hoi i ko Sepania makaukau nui ma na moku o keia ano, he ekolu o keia mau mau moku, o Don Morie, De Motino, Morzuis de le Vi8tolia a me Don Aloaro de Bazau 825 ona pakahi no lakou ka mama holo he 30 noke knot "He mile a oi iki paha" i ka hora.
O ke ano moku tobido Distroyer he eono moku ko lakou nui, oia o Furor Ferror; Auduz, Oxada, Pluton a me Prosperina, he 400 fona pakahi no lakou ka mama holo he 30 noka "Mile a oi." O na lono e pili ana no ka holo ana mai o keia mau moku, he mea hoohikilele hauli no ia i na poai o na keiki kaua moana a me na poai kaua aina, oia hoi he mea pono e lohe e ia mai keia mea, oiai, eia no keia mau aupuni hoa'loha, aole hoi i kukala ia ke kaua. He mea oiaio i ka wa e hiki mai ai keia mau aumoku o Sepania, alaila, penei na hoonohonoho ana i na manao ia elike me ko lakou mau kulana pakahi ma ka ikaika, a me ka holo mama ana.
He eha moku ikaika paa i pale ia me ke kila, o ka papo 1 o na "Cruiser." he ekolu mau moku torpedo e lawe ana me na pu, ua kapili wale ia no keia moku me ke kila, ke upu ia aku nei e hiki ana i Port Rico na moku kaua o ka papa helu ekahi o Sepania, "Cristobal Colon a me maria Teresa" a me ka moku alualu tobido Desi hoouna ia mai mai Sepania mai, i mea e hoopuipui i ko Sapania ikaika kaua moana, i ka wa e hiki mai ai keia mau moku e olelo ia nei, alaila, e loaa hou ana ia Sepania he mahele aumoku kaua ikaika o na papa ekahi; me ekolu moku lawe pu a me tobido maoli. A i mea iho, o piha hou ia mai ka heluna moku me he mea la, e hoouna pu ia mai ana paha ka moku (Cruser) Victoria a me ka mokukaua pale kila Alfanso XII, a me na moku e makaukau ana. Ke ike e ia aku nei no ke hoonui mai la no o Sepania i kona ikaika kaua moana ma keia aoao o ka moana Atelanika, me he mea la oia no paha ka mea o Sepania e houlolohi nei i ka kaua, o keia na mea e noono wale ia aku nei e ko Amerika aoao elike me na lono i loaa mai,
HOOLE O SEPANIA
Ua hoole o Sepania i ka manao e koi ia aku ana e kuai ia Cuba me Amerika, aole no hoi he oiaio iki o ia mau lono wahi a na nupepa Sepania, oiai, aohe he mau kuka pili aupuni no ia mea mawaena o Sepania a me Amerika.
NO KA AINA ELI GULA KILONDYKE ALASKA.
Ua hili kaula ia kekahi mau kanaka o Wm. Wellinglton a me Hanson ko laua mau inoa no ka aihue ana i kekahi mau lako a pono kino no kekahi poe, a o ke kokoolua, ua holo mai ka lima aku o ka poe nana oia i hopu, ia wa, ua alualu ia aku la oia mahope a hiki i kahi i loaa ai, a ki ae la oia iaia iho me ka pu a make iho la. O ke kokoolua, ua lawe ia a hili ia i ke kaula, o ka hoopai i hooholo ia ai he 60 kaula, aka, he 17 wale no kaula i hiliia ai mamuli o ke keakea ana a ke Kauka, ua haawi ia aku iaia kona lole, a me ka ai kupono e maona ai oia ke ai iho, a mahope o kona kua, ua kapili ia kekahi apana pepa (kakauia me na hua nunui AIHUE, ua ukaliia aku la oia a hiki i kekahi wahi i kapaia Dyea, hookuu ia me kona hoi hou ole mai i ka aina eli gula.