Ka Lei Rose o Hawaii, Volume I, Number 5, 15 April 1898 — Page 14
14
NA KUHIKUHI
NO KE
OLA KINO.
Eia malalo iho kekahi mau laau kupono no ke pale ae i na ma'i hiki mai maluna o kakou, a oia keia malalo iho penei:
No ke Anu Haukeke.
Ina e loaa oe i ka haukeke, lia, a me ke anu, a ano fiva maoli, eia kekahi laau kupono loa.
E paila koke i ka waiwela, a ninini i lokp o ke pola ti, hookomo i hapalua nioi pala e like me ka wela kupono, komi ka nioi a palahe, hookomo i ke kopaa e like me ka momona kupono, inu aku me ka hoomanawanui i ka wela.
E pulou koke i ke kapa, aole e liuliu, o ka pau no ia o ka fiva. E hoomanao i ka wa e oluolu ai, e inu i ka paakai, ka huaale, a aila paha, a oia lia haukeke i loaa ia oe, he lena no ia.
No ke Kunu.
E wa-hi i ka puana-i me ka lole huluhulu mehana a hiki i ka wa e pau ai ke kunu, o ke kahe mau no o ka hou, oia ka mea e maikai ai, a i oluolu ke kunu, mai wehe wale i ka lole huluhulu i ka wa hou o loaa hou oe i ke kunu me ka ikaika.
No ke Poo Eha.
He okoa ka nalulu me ka eha o ke poo ma kekahi mau mahele i ko laua ano, a pela ka hoakaka a na kauka no ia mea. Nolaila, ina ku i ka eha o ke poo ma ke ano ua piha koko, alaila, eia ka kakou laau no ia mai:
Koho Lua, e hele i ka poe akamai i ka hana, a na lakou e 'o' mai i pau ke koko ino, ina aole, e inu no i ka laau noha, he lena no ia.
Ina noho hou ka eha iluna, e inu i ka lupepa hooluai, a na ia mea e lawe i ka lena, a e loaa no ka oluolu.
K. B. Ordway G. A. Ordway
Ordway & Porter
Na Mea Kuai Lakohale Helu-Ekahi
maloko o keia kulanakauhale.
Kihi o na alanui Hotele me Betela. mar
Paul Neumann
KEENA KANAWAI. 314 Alanui Kalepa
Honolulu.
Kualaku
Halekuai BIBI me KAMANO helu ekahi ma ke Kapitala o Honolulu nei.
E Kipa Mai a ike no oukou iho!
W. C. Akana Kalauki,
KA LOEA MAHELEOLELO Hawaii me ko Kina.
Makaukau hana Palapala Hoolimalima me Kuai, e pili ana i na Waiwai Paa me Waiwai Lewa.
Keena: Ma Kanaana, kihi alanui Moi me Alakea.
Kuai Emi
MA KE Kuike
NA KAA-PI'O, NA KAA-LIILII, a me na KAA UKANA, e kuai ia aku no me
KE KUMUKUAI HOEMI O KA HAAHAA LOA ma ka hale oihana holomua o
C. BREWER & CO., Alanui Moiwahine