Ka Lei Rose o Hawaii, Volume I, Number 5, 15 April 1898 — Page 4
4
Na Olelo Hookaau.
Pomaikai ka mea hookuli aku i ka wahine manuahi, no ka mea, aole o kau ke lilo aku.
Pomaikai ka mea i kapaia he hunona, no ka mea, e olelo ia auanei oia, he hoohoihoi makuahonowai.
Pomaikai ka oe i kapaia he kuli, no ka mea, o lakou kai kapaia he hoolono (hio-)
Heaha kekahi laau lapaau e lohe ai ke kuli: Haina. O ke kula lima.
Pomaikai ka poe i ha'ina kua puu ia, no ka mea e hoohalike ia auanei lakou me ka lei palaoa.
Pomaikai ka mea i kapaia he luahine, no ka mea. Hookahi no kiaha, hoolapa ka luahine.
Pomaikai ka mea i kapaia he makapaa, no ka mea. He makapaa ike ole, i ke ope ia.
Heaha ka mea i hoihoi ia ai ke aloha i ka mawae; no ka mea, penei ka ka poe haku mele i hooheno iho ai:
E hoi ke aloha i ka mawae
I ka owe a ka wai o ka piula.
Heaha ka mea i olelo ia ai o ke aloha he hooheno; penei e akakaai.
Hoohena mai ana ko aloha ia'u nei
Me he kui houhou la i kuu poli.
Heaha ka me i olelo ia ai ka makamaka e neenee mai a pili: Haina, penei ka hoalu ana.
Neenee mai a pili
E ka ihu o ka makamaka.
Heaha ka mea i kauoha ai ka makole, e hele i kai o piheka; Haina. I pau ka lihilihi i ke Akua, penei e ike lea ia ai.
Ma kole makole akaei
Hele i kai o piheka,
Heaha ka ai e ai ai
He lihilihi pau i ke Akua.
Owai kahi wai kaulana loa o ka mokupuni Oahu nei no ka hookele moku: Haina. O kahi wai o Kapena ka mea na na e hookele ka moku.
Owai kahi ia kaulana loa o Hawaii nei, i ka ai no ami, ai no ami?
Haina. O kukui i-namona.
Na Olelo Naauao.
"Imua ou kou ike, imua ou ka manao. Heaha hoi ke kau baona kupono, no kou imi ana i kona mea io a me kona waiwaiio? Keboma."
Mai hana iki oe i kahi, me kou noonoo mua ole i ka pono a me ka hewa: Cooper.
Ina e hoonani oe i ka mea manaloa, e wehe ae oe i kou mau kamaa, a e moe iho oe imua o kona alo ihiihi, oiai, oia no ka Haku na na i hana i ka lani a me ka honua: Siva.
Elawe ina olelo maikai e naauao ai oe i rula, a mai hoopoina hoi, he mea ia nou e mahalo ia ai e kuu keiki: Hindus.
E lei no au ia oe i pono no kou hanohano, a o kou mau mea maikai a pau, oia no kou mau mea makamae: Koran.
E aloha aku i ka mea nele, mai pi hoi i ka mea e noi mai ana ia oe i kou wa waiwai, no ka mea, e kau mai ana no ia mau mea ia oe, i ka wa ike ole ia: Hundred.
E hana aku me ka oluolu i ka mea i inaina mai, oia wale no ke poi wai e pio ai ke ahi lapalapa o ka inaina iloko o na: Tooqsyth
Mai mahaoi wale mai mumule hoi, aka, e kamailio ma ke kaulike: Ever green.
Hookahi la pono, a hookahi la hewa, aka, he mea ia e naauao ai ke kanaka ke hookuku i ka maikai a me ke ino o kela me keia la: Ambros.
Mai hele wale mawaho o ka pololei, a ku mawaho o na rula: Selb.
Mai kaua aku i ka mea i ku i ka pono ole i kou mau hoa'loha, o lilo ke aloha i mea ole: Hanna.
He uuku wale no ke aloha, aka, he ukana ia e luuluu ai ke kanaka: Jonpus.
Mai haawi wale i ka olelo maikai i ka hupo, aka, e haawi aku iaia i ka olelo i ku i kona kulana oiaio, ua pili no ka olelo i ko ke kanaka kulana: Mohabca.
He uuku ka manaoio hana, aka he mana nae oia ma ka ikaika: Komance.
E kau i kou mau maka iluna i kahi wa, a e nana i lalo i kahi wa: Frees.