Ka Lei Rose o Hawaii, Volume I, Number 6, 30 April 1898 — Page 11

11

                Na Temple, kekahi o na kanaka kilohoku i hooiaio mai, mamuli o kana hakilo ana i keia mau hokulele, he pukui a huina nui okoa no e lele puukiuki ana, me ka hele ana a puni ka La. Aka, ua maa ka olelo ia, ke poai nei lakou a puni ka La, aohe nae i maopopo loa ka oiaio. A eia ka rula mua: O na mea kino lani a pau iloko o ka solar system, ua hoopaa ia lakou a pau malalo o kela kanawai paa o ka ume kikowaena.
[Aole i pau]

(Mai ka aoao 6 mai.)
NO KA HAPOPO O KA MAKA.

                Aole au e olelo ana no ka makapo maoli a hapopo maoli ana o ka maka, aka, o ka paa o ka maka i ka ula, a paa ka maka me na aa ua hele a ula, a ano laolao, a e hele aku ana e ano hapopo mai, he piha koko ke kumu oia hele ana mai o ka maka e hapopo.

NO KA MOKU PAHI

                Ina e moku oe i ka pahi, a kiki mai ke koko aole i kans mai, me he mea la ua moku ke aa-koko he nui no na laau, o ka oi aku o ka ikaika. Oia no ka lau niu opiopio, ka paakai, ku'i a ninini; ua nui ka poe i moku ino, a ua pau i ke ola.

Kuu Aina Hanau.
1

                                Nani wale o Waikapu
                                Aina hanau o nei kama
                                I kahiko mau ia e ka Uhiwai
                                E ka ohu o ka malu ao

2

                                Aina o'u mau kupuna
                                Aina o ka nui me ka lehulehu
                                O'u mau makua i hala aku
                                Me na keikipapa o ka aina

3

                                Aina o ka nani i noho ai
                                I haiamu ia e ke onaona
                                O na la i aui ae nei
                                O kuu aina hanau

4

                                Hanohano kona mau kualono
                                Lipolipo i ke oho o ka palai
                                Kilakila kona mau kuahiwi
                                A huli pono i ka hikina a ka La

S. E . LUCAS,
He Mea Akamai i ka hana i na
MAKA-ANIANI

e ike ai na maka o ka poe nawaliwali o ka ike
hapopo, a e hele aku ana e makapo.
Ua hiki ke Lapaau
i ka pilikia o ka maka, a he haumana i a'o pono
ia ma keia ike mai ke Kula Nui mai o Lacroix,
Parisa.
Keena Oihana: Ma ka halepohaku o Love, alanui Papu, Honolulu.
Aohe uku no ka nana ana i ka maka, pela pu hoi me na kukakuka ana.
Na hora hana, mai ka hora 8 a 10 A. M.

ROBT. LEWERS. F. J. LOWREY. C. M. COOKE.
Lewers & Cooke
LUI a me KUKE.
Na Mea Kuai LAKO KUKULU HALE
o na ano a pau

Na Pena like ole  Na Pepa-paia Hale
Na Aniani  Na Moena, etc.
Keena: 444 alanui Papu, Honolulu

John A. Baker
Lunahooponopono no na Waiwai Paa
Luna Ohi me Agena Hoohana.

Keena oihana: Ma ke alanui Kalepa me A. G. M. Robertson, Loio, ma kekahi aoao mai o ka Hale Leta.