Ka Lei Rose o Hawaii, Volume I, Number 7, 15 May 1898 — Page 9

Ua ki pu ia aku ke kulanakauhale e keia mau moku inehinei i kela la aku ma ka auina la, he 72 poka i ki ia aole i manuheu iho ke kulanakauhale aole no he mea hookahi i make a i e'ha hoi, he hookahi wale no mea i make he piula (kekake) ua haule iho no kekahi mau poka pahu iloko nei o ke kulanakauhale e na mokukaua Amerika, ua piha kui na alanui o ke kulanakauhale i na kanaka e kaihukai ana me ke kani ana a na bana.

PUIWA O RUSIA.

Wahi a ka nupepa Standard o Moscow, ua lilo i mea hoopuiwa loa ia Rusia ka lohe ai ana aku ua hoohui ae nei o Amerika me Beritania, e ahewa ana ia Amerika i ka lokoino.

E KIPU HOU IA ANA O MANTANS

Wahi a ka mea kakau o ka Herald o Wasinetona, e i ana penei: E ki poka hou ia aku ana no o Mantanza, i na e hoao hou mai ana o Gen Blanco e kukulu hou mai i na wahi o na papu i nahaha ma ke kipoka ia ana e Adimarala Samson. Ua loaa mai na lono pili aupuni mai a Adimaral Samson i ke keena kaua moana, e hoike mai ana ke kukulu hou la no na Paniolo ina papu, a ke kau la i mau pu nunui maluna o na papu, a me kona manao he mea pono e hoohiolo ia ua mau papu la a no.

UA POHOLO EKOLU MOKU AMERIKA.

Madarida Apr. 29—Eia ke Capitala iloko o ka pihoihoi nui, ke upo ia aku nei he kaua hahana ke hoea mai ana, a e hooili ia ana kekahi kaua hahana moana mawaena o na mokukaua o Sepania a me na mokukaua Amerika mawaho ae o na mokupuni pilipine i na wa a pau, iloko oia wa hookahi no, ua manao ia ua hooili io ia no ke kaua mamuli o ka lohe ia ana aku o ka leo naloko uina o na pukuniahi, ua lohe wale ia ua poholo e 3 mokukaua Amerika ma keia hooili kaua ana, aole nae i hooia pono ia mai keia mau lono oiaio o ke kaua.

Na olelo Hookaau

                Helu inoa aina ma ke ano hookaaua a ka poe loea o ka wa kahiko o Hawaii ma ke ano paanaau Oahu nei.
                E oluolu mai kou kiekie. Elawe hele aku makou kolamu i keia mau wahi ukana e kau ae la maluna; he mea e pomaikai ka poe paanaau ole o keia helu. O keia helu inoa ma ke ano hookaaua aka loea.
                Ekolu no ano hana e kohu ai keia helu 1. oka ukeke. 2. oka pu kaula me na lima palanehe. Oke kanaka akamai, olohe pu kaula, 3, Oke kino pohaku ame eae E wehewehe iki aku au i maopopo ai ka waiwai o keia helu ana; O keia heluna he mea hookaau olelo, he mea hookapeke olelo, he mea hoohelehele olelo, he mea hoomaikai olelo, he mea hoopilipili olelo, he mea hoohiehie olelo a pela wale aku.
                I ka wa e ukeke ai kekahi mea e lewa ana ka pauku kino o kekahi wahine iluna—a kane paha.
                2. I ka wa e paa ana ke kanaka akamai i ka pukaula, e lawe palanehe ana kona mau lima i ke kaula pu, me ka hiehie nui, aia ma kona waha keia mele kahi i helu ia ai imua o ke anaina pu e akoaaoa nei, a pau ke mele ana—hai mai oia, eia ka paa eia ka hemo—a mahea oe? E like me kou makemake. Oiai kela e hoomau ana no i ke mele. Aia a pane aku ka hoa pu, ma ka hemo au, ia manawa ka loea me ka palanehe, a lilo ae la ka hemo i paa, a o ka paa i hemo.
                3. O ke kino pohaku, hua noni, a hua kuikui, alani a pela wale aku. Elua no kanaka nana keia helu ma ke kaapuni ana ia Oahu nei a puni kane a whine.

J. D. HOLT, Jr. D. H. LEWIS
Lovejoy & Co.
Mea hookomo mai a kuai aku i ka

WAINA a me na MEA INU o na ano a pau.
Ua loaa mau ia makou na Waina Kaleponi maikai loa Gini Wisike Bia a me na ano mea inu a pau.
He Agena no ka Bia kaulana o Seattle, a ke kono ia aku nei oe e kipa mai ia kakou Hawaii, a kuai ia aku me ka oluolu.
O na ano Rama maikai me ka Bia Pauma, aia ma ko makou hale Anchor Saloon, kihi alanui Moi me Nuuanu.

W. R. CASTLE [Kakela]
A ME
LIMAIKAIKA (Opio)
HE MAU LOIO MA KE KANAWAI.

Ua makaukau loa i ka huli ana i na palapala Alodio—He Akena no ka Ahahui hoopaa Ola Liona keena Oihana—Makai iho o ka hale Leda.
HONOLULU