Ka Lei Rose o Hawaii, Volume I, Number 8, 1 June 1898 — Page 12

Nuhou Kuwaho.
KA HOIKE A ADIMARALA DEWEY.

                Manila, Mei 1.—"Wanaao, i ke kakahiaka nui poniponi hoea aku la ko'u mau moku kana. Hoouka koke aku la au i ke kaua i ka enemi a kipu aku la i na mokukaua o na Sepania, Reina Cristina, Ulloa, Gen. Lozo, Duaro, Corres, Velaco, Mindanas, a me hookahi moku lawe koa, me na batari pu ma ka mokupuni o Cavite. Ma keia kaua, aole i hoopoino ia mai ko'u mau moku, he kakaikahi ko'u mau kanaka i eha. O kahi wale no a'u e launa aku ai ma ka telgarama o ke Keena Kanikela ma Hongkong." DEWEY.
                Cavite, Mei 1.—I keia la, ua lilo mai la ia'u kahi hoolulu moku o Cavite. O na papu ma ka nuku o ke awa, ua ulupa ia e ko'u mau moku a pau, a ke kiai la ko'u mau koa. O ke awa o Manila, eia malalo o ko'u mana, ua hiki ke lawe ia mai ke kulanakauhale ina wa a pau e makemake ia ai. Maikai ko makou ola a pau, aole i maopopo loa ka poino o na Sepania.
                O ka poe i ma'i a i eha iloko o keia kaua, o na Sepania, eia lakou malalo o ka'u malama ana. He 256 ka nui o ka poe i poino maloko ponoi o ko mahou laina. He nui ka pioloke o Manila nei. Ke malama pu ia nei me ka maluhia a me ka pono o na lahui e.
—DEWEY.

KA PAPA HOIKE HANA A ADIMARALA DEWEW.

                Poakahi, Aperila 25. Ua loaa mai ia'u ka lono a ke kukala kaua. Haalele iho la ina kai o Beritani Nui.
                Poakolu, Aperila 26. Holo makou no Manila me ke kuupau ia o ka holo.
                Poaono, Aperila 29. Hala ae la ihope na papu ma ka nuku o ke kaikuono o Manila.
                La Sabati, Aperila 30. Ua hoopiholo ia, ua puhi ia i ke ahi, a hopu pio ia na moku kaua Sepania, a kipu aku la ia ekolu batari pu-kuniahi.
                Poakahi, Mei 1. Lilo mai la ia'u kahi hoolulu moku. Hoopahu ia eono batari pu ma ka nuku awa. Oki ia ka uwea telegarapa. Paniku ia ke awa kumoku, a hoauhee ia na koa Sepania o Cavita.
                Poalua me Poakolu, Mei 2 a 3. Huli a kuekaa pono ia na mea a pau ma ka aoao hema o ke kaikuono a me kahi i hoomoe ia na topido. Hoomaka na kanaka. Hoomakaukaukau no ka makou hoike oihana.
                O ka poino maoli o na Sepania he 10 moku kaua, he lehulehu na moku topido, he 2 moku lawe koa, hookahi pa-kapili moku me 9 batari pu-kuniahi.
                O na poe i poino ma ka aina, o na poe i eha a make, ua like me 1,200 o na Sepania; o ka huina o na poino ma ka waiwai, ua like me $6,000,000 dala. Ma ka aoao o Amerika, 6 poe i hoeha ia, $5,000 dala ka poino o na moku.

KA MOKUKUA BALTIMORE.

HE 8 poe i eha o ka Baltimore, he 1 lutanela me 7 mau kanaka, oia no hoi ka moku i manuheu. I ka lua o ke kaua ana, ua nui na poka i ki ia mai iaia mai na moku Paniolo mai, a ua hoopoino ia kona mikini, ua hookuemi iki ia ka Baltimore e hana i kona mikini, aohe i liuliu komo hou mai la no oia i ke kaua, a hiki i ka pau maoli ana o ke aupmoku a me na papu o na Sepania i ke pio, akahi no a paa pono ko ka Baltimore poino.

KI POKA IA O CIENFUGOES.

Nu Ioka, Mei 5. Ua hai mai he lono, ua kipoka ia o Cienfugoee, e ka mokukaua Marblehead, ma ka auina la o ka la 20 iho nei o Aperila. Ua paniku ia ke awa, a ua kipoka ia na papu. Ua poino ke kulanakauhale a ua nui ka poe i pau i ka holo o pau i ka luku ia, he mau tausani ka nui mai loko aku o ke kulanakauhale.

KE KI PU IA ANA O KE KULANAKAUHALE O MANTANZAS

Mai kahi mea mia i ikemaka, ma ka aoao o ka poe Sepania, ua hai mai oia he ekolu moku kaua Amerika i komo mai iloko nei o Mantangas me ekolu mau moku liilii iho malalo o Adimarala Sameson.