Ka Lei Rose o Hawaii, Volume I, Number 8, 1 June 1898 — Page 5
5
KE KEIKI ALII
HANA A PUNI
Imi ina Mao pohihihi.
I ka wa a ke kanaka kilokilo i komo mai ai iloko o ke keena, ke noho nei ka Ahaolelo hanohano, ka Moi a me ka Moiwahine, na'lii a me na kanaka aauao o ka aina i ukali ia e ka puuku o ka Moi a me ka Ilamuku o ke aupuni, ua ku ae la na mea a pau iluna, a liuliu iki ua noho iho la ke anaina ilalo, a hoomaka mai la ke Komite huli keiki e kamailio i na mea a pau ke a kanaka kamahao kupanaha i kamailio mai ai i ke kanaka kilokilo mai ka mua a hiki i ka hope, i ka pau ana o kana kamailio ana, ua hooho mai la na mea a pau me ka olelo ana. E koho iaia i KuhIna! E koho iaia i Kuhina!! A ua piha na mea a pau me ka hauoli elike me na mea a pau ke Komite i kamailio ai imua o ke anaina o ka Ahaolelo, a pela no hoi i hana ia aku ai no ke Komike imi keiki, mahope iho o ka hookuu malaelae ia ana aku o na kanaka naauao o ka aina mai o a o, a he mahina paha mahope iho, ua pii hou aku la ke kanaka kilokilo e hui me ke kanaka kupaianaha "Makaike."
Iaia i kokoke aku ai e hiki, ia wa pipio mai la ke anuenue a uhi mai la ka noe, halii mai la ka ohu a hiki i kahi a ia nei e pii aku nei, ia komo ana aku o i nei i kahi a ka ohu euhi mai ana, a he kani ana no ka upoho o na eheu o ka manu nui a ke kanaka kupanaha lilo ana keia i ka lewa, aole i upu iho hiki aha keia i mua o kana kumu o makai-ke hahai aku la keia ina mea a pau mai ka mua a ka hope, ia wa i olelo aku ai i kana haumana e kuu haumana Ua ike au i na mea a pau e hana ia ana, mamuli o ko'u hoolei ana i ka lena ike a kuu maka a pa i ka mahina, a mai ka mahina, lele hou i ka honua a alakai malie ae la au i kuu ike a hiki i kahi i loaa ai ia'u ka hana a ko oukou Ahaolelo i ka i hookuu ai.
Ia pau ana o ka laua nei kukai olelo ana, ia wa no i olelo aku ai ua Makaike nei e moe laua ia po, a ia wanaao oia e hele ai e hooko i kana hana nui a koikoi, me kona hoomanawanui ana i na popilikia a pau e pili ana i kana huakai hele pahaohao me kana manu i kapaia o ka Pohaku "The Poak."
Ia po pono ia iho la ua kanaka kilokilo nei i ka aila hoano, a pau ia kuhikuhi aku la ke kumu i kana haumana i na popilikia he nui ma ko laua alanui hele ma ka lewa, e hiki ai laua i kahi i ku ai ke kumulaau hua gula, ia wanaao hora 4 paha ia, haawi iho la oia i kona aloha i kana kumu, a lele aku la laua nei me ka manu (Roek) i ka lewa, me ke kia pololei ana no na mauna Himela, oiai laua nei e lele ana me ka mama nui i ka lewa komo aku la laua nei iloko o na ao panopano uliuli, a olapa mai la kauila, kupinai ae la ka leo o na hekili me he kahua kaua la, he ku i ka weliweli na hana a ke ahi e lalapa ana ma o a maanei o laua nei, aka, iloko o ia mau pilikia a pau, he mea ole wale no ia i ka mana o ka aila Hemolele, oi hahai mai ke ao ua ia laua nei aohe mea a a loaa iki o laua nei, oiai ua oi loa aku ka mama a me ka ikaika o ka upoi ana o na eheu o ka manu.
(Aole i pau)