Ka Lei Rose o Hawaii, Volume I, Number 9, 15 June 1898 — Page 4
4
Nuhou Kuloko
He keu ka nani o na pahu leta o ka hale leta i keia mau la, ua oi aku ka paa o keia mau paau i kona pahu mua, ua hiki no oe ke ike e aku ina paha he kau o loko o ka pahu, a aole paha, ua kapili ia aku o waho me ka papaa keleawe i kuni ia me ka manu aeto ai waenakonu o ke kii aeto ka puka ki.
Ua waiho aku nei ke kanikela o geremania Farani, ame ke aupuni o sepania ika lakou mau akeakea ma ke ano ua kue kakou ina kanawai lahui, mamuli o ko kakou kua ko ana aku ia Amerika; mamuli o ke ano he ninau aupuni? Eia ka mea pane ia mai e ke aupuni, E hana aku ana o Hawaiinei ina mea a pau e kokua ia ai ko Amerika mau hemahema ma na ano apau me ka mana ole ke kue ia ona kanawai lahui.
Ua lohelohe wale ia no, i na e ku mai ana ka mokukaua Mohikana, e noho paa ana ia moku no ke kiai ana ia Hawaii nei, oiai, hookahi no haawae lauhue o Hawaii.
He mare hanohano ka i malama ia ma ka hale kula kaikamahine o ka Waiahao, i ka hora 2 p m o ke poalua nei. Ua lawelawe ia ka oihana mare iloko o ka rumi nui paolor o ke kula nui, o ka Rev. H. Parker, ua hiki ae paha ma kahi o ka 200 a oi poe i akoakoa ae, malaila ke kamaalii Kaiulani, Peresidena Dole, ka Lunakanawai kiekie, Paul Isenberg, P C Jones a me kekahi mau hoa hanohano e ae o ka hale Ahaolelo. Nolaila, ma ka la 7 o Jiune 1898. Emma Mahelona Napoliana i io a i iwi ma ka hipuu o ka mare me ka mea hanohano O. N. Wilcox keiki lalawai o Hanamaulu Kauai. (O-ae nei)
Ke kukulu ia nei he ahahui o o ke ke'a ulaula (Red Cross) ma ke kulanakauhale nei, no ka malama ana i na koa Amerika paha, a koa Hawaii nei paha, ke pau i ka eha i ka wa e kaua ai ua mua no ka poe nana e malama.
Ke kakahiaka o ka Poakolu nei la 8 o Iune nei, ua holo ae la ka lono kaumaha a puni ke kulanakauhale nei, e iana, ua haalele mai la i keia ola ana o Mrs. Elizdbeth Moehau Hookano, wahine a ko makou hoa'loha a makamaka maikai J. K. Hookano i ke 31 o kona mau makahiki. Ua lohe ia mai he ma'i hoomailo kino kona no kekahi wa loihi, e ko makou hoa'loha e ae mai ia makou e u pu me oe me ka manaolana, na ka Haku e hoomama mai i kou kaumaha a me na keiki ka ohana i hoonele ia i ka makuwahine ole; nana no i haawi mai a nana no i lawe e hoomaikai ia kona inoa.
No Na Olelo Naauao.
E ku'i ka hao oi enaena. E ao hoi ina keiki i ka hana pono oi opiopio. Beelee.
E ke keiki, e aloha i kou makuakane a me kou makuahine i ko laua la kani koo, elike hoi me ko laua aloha ana ia oe i kou mau la opiopio—Pope.
Elawe i ka pono i alakai nou i kou mau la o ke ola ana, a e hoopiha ia mai no oe me na mea maikai mai luna mai Cox.
Eia ka haawi me ka oiaio, a me ka Hemolele. E haawi i kau me ka manao minamina hou ole iho mahope o kou haawi ana, mai helu aku i na mea au i haawi ai, e noonoo hoi no ia mea—Unger.
O ka mea hoopuka i ka olelo ino i kekahi, e ho-a noia i ke ahi o ka inaina iloko o kekahi—Wilcx.
O ka mea ku'i aku i kona hoa, me ka manao inaina, e kui mai no ke kanawai o ka pono iaia—Freer.
E hele me ka maloeloe, aole me ka hoopepe, he hoailonaia no ke kanaka ua hana i ka hewa—Maiami.
E puliki a paa i kou inaina i kou wa e huhu ai, o hana ka huhu a oi aku mamua o ko pono a poino oe—Davis.
E oluolu mau kou manao. E maikai mau kau mau olelo. E hana mau hoi i ka mea pololei. E lilo no oe i mea mahalo ia e na mea a pau—Uphan.
O ka mea hoowahawaha i ka mea maikai imua ona, oia ka i hoowahawaha i ke gula. O ka mea makemake i ka ino, oia kai makemake i ka momi, a e hehi ia e ka wawae o na puaa—Antonia.
E hooiliili i mahuahua: E holoi mau i maemae. e hana pinepine i loaa mau: E aloha aku i aloha ia mai. E kipa aku i kipa ia mai; E hanai aku i hanai ia mai: E lokomaikai aku i lokomaikai ia mai, E hoaahu aku i hoaahu ia mai: E hooinu aku i hooinu ia mai. O ka mea hana i keia, oia ka i hana i ka pono—Bramana.