Ka Malamalama Hawaii, Volume I, Number 14, 1 September 1898 — Page 12

Na Nuhou Kuloko.

                Ua pau ke keena oihana kanikela aina e i keia Poalima iho la.
                Ua pani ia na keena aupuni me na halekuai kulanakauhale nei i ka la huki i ka hae Hawaii ilalo.
                Eia kekahi laau ke hoolaha ia nei o Doau no ka maneo o ka ili, kepia o ke poo, ka meeau, me na ano mai a pau ma ka ili.
                Ma ka Poaono i hala, ua make iho la o Kamoa kalaiwa kaa o Peck, mamuli o ka haule ana o kekahi puu lanahu maluna o kona poo.
                Ua ike iho makou ma ka nupepa Star e waiho aku ana o Loio Kuhina Kamika i kona keena oihana aupuni, a hookaawale mua ke akule i ka hohonu.
                Ma ke Poaono i hala, i waiho ia aku ai ka palapala kue hoohuiaina e E Johnson kakauolelo hui Aloha Aina, imua Peresidena Dole i pau me Kuhina Amerika Sewall.
                Ma ka la 13 o kela mahina aku nei, oia ka la i kipaku ia ai o ka Aha Elele hana Kumukanawai e Kamehameha V. a hoopau loa ia ke Kumukanawai o Kamehameha III.
                Ua haule pahu aku kekahi mau keiki uuku ma ka uwapo o Poka i ka Poaono i hala, a ua pakele mai lakou ma ke aloha o kekahi puuwai Hawaii ma ka lele ana iloko o ka hohonu.
                Ua haawi aku la ke Kuhina Kalaiaina King i ke koena o na waiwai kumu pili kahiko o ke au aupuni Moi i na kahu waiwai o Bihopa. Ua manao makou, ua ahona e haawi ia ae ia mau waiwai kumu hoomanao o Hawaii nei i na hoa o ka Hui Naua.
                Ua lauahea ae na lono ma ka la huki hae, ua kono ia aku ka Moiwahine Liliuokalani e hele ae e nana i ua hana o ka la, aka, aole nae oia i naue ae malalo o ia kono.
                Eia na luna hoohiki i na luna hooko o ke aupuni aupuni hou:
W L Wilikoki, C Peterson, no ka Oihana Makai
W L Stanley, J A Hassinger, J W Girvin no na Luna paa. Oihana Aupuni me na Loio
Ma ka hale hookolokolo mai ka hora 2 pm a ka hora 5 pm.

S. M. Raaukai
ANA AINA

Keena hana: Kihi o na alanui Moiwahine a me Nuuanu, ma ka papahele elua iluna.

FOOK ON & CO.
NA POE KUAI I NA
kamaa Buti me haahaa
O na Lede me Keonimana.

311 alanui Nuuanu. Pahu Leta 267

J. T. WATERhOUSF

Mea Hookomo mai a Kuai aku i na Waiwai o na ano a pau.

Alanui Moiwahine, Honolulu