Ka Makaainana, Volume III, Number 3, 3 May 1888 — Page 1
KA MAKAAINANA.
BUKE III. HONOLULU. OAHU. MEI 3, 1888. HELU 3.
KA MOI ATA,
--A ME--
Kona mau Naita o ke Pakaukau Poepoe.
He Moolelo Kahiko no Wale.
BUKE IV.
NO SIR TIRISITARAMA. MOKUNA II.
[NO KA AOAO ANA O KA MAKUAHINE KOLEA O TIRISITARAMA E HANAI LAAUMAKE IAIA, A NO KONA HOOPAKELE ANA IAIA MAI KE AHI MAI, A NO KONA KALA ANA AKU.]
[A ua hoea mai hoi he manawa mahope o ka hala ana o ehiku makahiki ua lawe hou ae ka Moi Meliodasa i wahine hou nana, a mare aku la oia ke kaikamahine a ka Moi Howela o Beritane. Ua lili hoi keia moiwahine hoi ia Tirisitarama no ka pono a pomaikai hoi o kana mau keiki ponoi, a ua hana i ka laaumake no Tirisitarama e inu ai. Aka, mamuli o kekahi ulia ua inu kana keiki ponoi i ka laaumake a make aku la oia. Alaila ua hana hou no oia i ka laaumake maloko o kekahi mea inu no Tirisitarama e inu ai; a] mamuli hoi p kekahi ulia kamahao ua loaa ke kiaha i ka Moi Meliodasa kana kane me ka waina maloko i awili pu ia me ka laaumake, a oiai hoi oia ua makewai loa no ka malohaha o ka puu, ua lalau aku i ua kiaha la no ka inu ae, a ike e mai la nae hoi ka moiwahine, a me ka awiwi loa oia i holo mai ai a kaili ino aku la i ke kiaha mai iaia aku. Ua komo koke iho la ke pahaohao iloko o ka moi nokeia hana a kana wahine, a hoomanao ae la oia no ka make awiwi a emoole ana o ke keiki a kana wahine me ka laaumake. Alaila, ua lalau aku oia iaia ma ka lima, a olelo aku la iaia, penei:
"E ka wahine kipi hoopunipuni, e hoike mai oe ia'u i ke ano o keia mea inu, a i ole, e pepehi no au ia oe a make."
A me ia mau olelo a iloko o ia wa koke no ua unuhi ae oia i kana pahikaua, a hoohihi paa iho la e pepehi no oia iaia a make, aia ka pakele a hoike mai i ka mea oiaio loa. "A! e aloha mai, e kuu haku," wahi a ka wahine, "a e hoike aku no au i na mea a pau loa."
Alaila, ua hoike aku oia no kona akenui e make o Tirisitarama, no ka mea, i hauoli ai hoi kana mau keiki maluna o ka aina.
"Maikai," wahi a ka Moi Meliodasa, "nolaila e loaa no ia oe ke kanawai."
A nolaila, ua ahewa ia oia ma ka ae lokahi ana o na barona e puhi ia oia i ke ahi; a ua hoomakaukau ia he ahi nui, a oiai hoi oia maluna pono iho o ke ahua wahie a o ke kuni wale ia aku no hoi koe o ke ahi a halawai la hoi oia me kona hoopai ua kukuli aku ka opio Tirisitarama imua o ka Moi Meliodasa, kona makuakane, a nonoe aku la aiai e ae mai i kana noi. "E ae no au," wahi a ka Moi.
'Alaila, ua pane koke aku ka opio Tirisitarama, "E haawi mai ia'u i ke ola o kou moiwahine, ko'u makuahine hou hoi."
"He noi kupono ole loa ia e Helu," i pane aku ai ka makuakane, ka Moi Meliodasa, "no ka mea, mai make oe iaia me kela laaumake, alaila, o ka hooko ia ana paha ia o kona makemake, a no kou pono wale no keia manao ana o'u" e make oia e pono ai."
"E ka makua," wahi a Tirisitarama,"no ia mea hoi eia au ke nonoi aka nei i kou oluolu e kala aku oe iaia, a no ko'u aoao hoi, na ke Akua e kala aku iaia, a pela no hoi me a'u, a oiai hoi ua makemake kou kiekie a me kou ihiihi e ae mai i ka'u noi, no ke aloha o ke Akua ke pule aku nei au ia oe e malama oe i kau i ae mai ai ia'u, kau keiki."
Oiai oia ae la kou makemake," wahi a ka pane a ka moi, "ua makemake au e lilo aku ia oe kona ola a ke haawi aku nei au iaia ia oe, a e hele aku oe i kahi o ke ahi a e lawe aku iaia, a e hana aku i ka mea au i manao ai e hana."
Nolaila, ua hele aku, ka opio Tirisitarama a kahi o ke ahi, a, ma ke kauoha a ka moi, ua hoopakele aku iaia mai ka make aku. A mamuli hoi o na manao maikai o ka opio Tirisitarama ua hoiliwai like aku oia i ka moi a me kana moiwahine a ua maikai hou ko laua noho ana kane a wahine.
MOKUNA III.
NO KO SIR TIRISITARAMA HOOUNA IA ANA I FARANI, A UA
HOONOHO IA AKU KEKAHI MEA MALUNA ONA I KAPA IA O GOUVERENAILE, A NO KONA A'O ANA A IKE I KA HOOKANI HAPA, KA HOOLELE MANU, A ME KA UHAI HOLOHOLONA.
A i kahi wa mahope mai ua hoomana aku ka Moi Meliodasa i kekahi keonimana naauao; o Gouverenaile kona inoa; a ua hoouna aku ka moi i ka opio Tirisitarama me ua Gouverenaile Ia no Farani, no ke a'o ana i ka olelo, a me ke a'o ana i na ike a pau e pili ana i na lako kaua. A ilaila o Tirisitarama no ehiku makahiki a oi. A i ka wa ona i hiki ai ke kamailio ma ka olelo, a ua lehia hoi ma na ike a pau o ia aian, alila, ua huli hoi hou mai la oia i ka home o kona makuakane.
Ma ka hookani bapa o Tirisitarama ke pookela mamua o na poe e ae, a aohe no hoi he mea ma kekahi aina e like aku ka makaukau me kona, no ka mea, ua punihei mau oia no ka hapa a a me na mea kani e ae mai kona mau la opiopio loa mai, a ma ia mau mea hoi kona hooikaika loa i ke a'o ana a me ka hoohala paulehia ana o kona mau wa kaawale a pau. A mahope mai, e like hoi me kona ulu ana ae iloko o ka ikaika nui ua hoomau aku no oia i ka hele uhai holoholona ana, a pela no hoi me ka hoolele manu ana, a aole no hoi he keonimana e aku i lohe ia ke kaulana e like la me ia ma ia mau haawina a pau o ka ike o ia mau la.
I nehinei ka Lunakanawai Hoomalu i waiho aku ai i ka hihia apuka o Ah Fook, o Ching Hook kekahi inoa ona, imua o ka Aha Kiekie no ke kau kiure ae o Iulai.
Imua o Kokua Lunakanawai Pelekona ma ke keena i nehinei, ma ka hihia hoopii koi aie a Mele Lee Sun a me kahi poe e ae kue ia S.W. Mahelona no $185.25, ua haawi ia ka pono no ka aoao hoopii no $148.25. J.M. Kaneakua no ka aoao hoopii, S. K. Kane no ka aoao hoopii ia.
S.K. KAEO
.
Loio! Loio! Loio! Loio!
E lawelawe ana imua ana Aha a pau o keia Aupuni.
Keena Hana ma Alanui Kaahumanu, Helu 9. apl. 25,'88-tf
ANTONE ROSA
(AKONI.)
Loio a Kokua ma ke Kanawai. KEENA HANA: Helu 15, Alanui Kaahumanu Honolulu.
nv1-'87, tf.
J.L. KAULUKOU.
Loio a Kokua ma ke Kanawai.
KEENA HANA: Kihi o na Alanui Moi me Betela, ma ke keena mua iho nei o ka nupepa ''Ke Alakai o Hawaii." ian. 21,'88-tf
SAMUELA K. KANE
Loio a Kokua ma ke Kanawai.
Imua o na Aha Hookolokolo a pau o keia Aupuni. KEENA HANA: Kihi o na Alanui Moi me Betela: Honolulu.
NV1'87-tf.
PAUL NEUMAN (PAULO NUMANA) Loio a Kokua ma ke Kanawai. KEENA HANA: Helu 44, Alanui Kalepa,
Honolulu.
nv1-'87 tf
JOHN M. KANEAKUA
Loio a Kokua ma ke Kanawai.
Imua o na Aha Hookolokolo a pau. A he mea unuhi ma ka Olelo Hawaii a me Beretania. KEENA HANA: Maluna ae o ka Baneka o Bihopa: : Honolulu.
nv1-'87. tf.
HALE PAI KII O AYIN.
HELU 12, - - - Alanui Moi.
KA AUHAU:
No na Kii Nunui, 41/2x61/2 iniha, o ke kino holookoa, he $4 no ke kakini hookahi. A no na Kii hapa hoi, he $5 no ke kakini hookahi.
No na Kii Nunui ae, 8x10 iniha, he $8 no ke kakini.
E naue nui ae e na makamaka, a e ike no oukou iho.
nv16 '87-9ms.
FRANK GERTZ,
ALANUI PAPU.
Mea Kuai Kamaa o Na Ano a pau. Mai ko na Kane, na Wahine, a me ko na Kamalii.
E loaa mau mai ana no hoi na waiwai hou ma na mokumahu a pau mai Kapalakiko mai.
E kipa nui mai e na makamaka,ae ike no oukou iho. (mrk 16-6 mhn)