Ka Makaainana, Volume I, Number 14, 2 April 1894 — Page 7

HONOLULU, OAHU, POAKAHI, APERILA 2, 1894. 7

no ke Kaleopatara iwaho aku o ke awa kahi i hekau ai.
            He 50 no koa malina i hoolele ia iuka a iluna o kekahi ahua kiekiena kahi i kakali ai, he mau mile mai ke kulanakauhale aku o Balufila. Ilaila lakou kahi i noho nui ai a aole i komo aku a ka po Poakahi. Mai ka hoea ana kau o kekahi mau moku Nicarabua malaila, ua ulu ae la he eneenemi inoino loa mawaena o lakou a me ko laila poe. Aohe wa a hakaka ae na oaao koe, aka, i ke ahiahi Poakahi i hakaka io ae ai ma ke alanui. O ka hora 5 paha ia o ke ahiahi a halawai ai na puali Nicaragua me kekahi poe Makika, a o ka hakaka iho la no ia. Ua hoauheeia na koa a kuemi hoe nui aku la a mahope iho hoi, na poe Makika i kipakuia ai, aka, ua huli hoi nui hou mai no me ka lako pono a hoomaka mai la i ke kiki ana. Elua mau Makika i eha kukonukonu loa a ua manaoia e u make aku ana.

Oiai keia kiki ana e nokeia ana iloko o ke kulanakauhale, o ka wa ia o ke Kanikela Beritania malaila i hoouna olelo aku ai i ke kapena o ka mokukaua e houna mai i mau koa no ka hoopau ana i ke kiki-pu a e hoomaluia hoi ka maluhia. A o ka wa no ia o kela poe koa he 50 i iho aku ai mai ka puu a lawe ae la i ke kulanakauhale. Ua kiaiia na alanui a ua kukala ia he kanawai koa a ao ia po. Ua lohi loa no ka hiki ana aku o na koa malina Pelekane, a ua aumoe loa mamua ae o ka hookaawaleia ana o na alanui a kiaiia.

Auhee ke Aupuni Hou o Beritania.

            Iloko o ka Hale Ahaolelo Makaainana I Maraki 13 nei i waiho aku ai o Hanale Labusea i kekahi hoololi i ka pane i ka haiolelo a ka Moi a e pili ana hoi i ka hoopauia ae o ka Hale o na Haku. Mahope o ka paio olelo ana a me ka uluku pioloke nui, ua kohoia ka hoololi a hooholoia e 147 kue ia 145, me ke kue ikaika no nae o ke Aupuni. I ka wa i hoikeia ae ai o ka hopena o ke koho ana, ua lilo ia i mea e hooho leo hauoli loihi ia ai, a ua panai hou ia aku no hoi i ka heluhelu hou ia ana ae o ka pane i ka haiolelo a ke Alii a me ka Labusea hoololi i pakuiia. Aka, i ka halawai ana o ka Hale i kahi la ae, ua hoike ae o Kuhina Harecuta e noi ana ke Aupuni e kapaeia kela pane me ka pakui a Labusea, a ma ke koho ana ua hooleia ua pane la me ka pakui, a hooholo aku la he pane pokole i waihoia aku e Harecuta.

            E lawe i KA MAKAAINANA, i ike ai hoi i na mea hou kuloko a kuwaho. Ke nele no, pouli na maka.

NA MOKUPUNI.

            Malalo o keia poo ae la e hoopuka mau aku ai makou, mai keia manawa aku, i na mea hou mai kela a me keia pea o ko kakou aina nei, ma ke ano he mau lono pili kuloko iho ia no kakou nei.

Na Anoai o Kau.

MR. LUNAHOOPONOPONO:
            Ua malama ae na hoahanau o ka Ekalesia Mamona, ma Naalehu, Kau, i kekahi hoike Kula Sabati nui. He nui loa na mea ai i hoolakoia, a he nui loa na malihini i puka mai e nana i na hana Kula Sabati. Ekolu Kula Sabati i hoike. O Naalehu ke kula helu ekahi, ma ka nani o na hana, o Pahala mai ka helu elua. Ua kipa ae na maka hanohano a he nui na Kalawina i hele mai e makaikai He elua malihini ano nui koikoi o Kau nei i laweia mamua iho o ka awai, me ka manaoia e mare hou ia laua, aka, ua hoopanee hou ia a hoike hou.
            Hilahila ole na luna aupuni o o Kau nei i ka hookikina ia makou e komo i ka hui puuwai eleele. Aole makou e puni ana.
OPUKOA OPIO,
Kau, Maraki 21, 1894.

Hunahuna Mea Hou o Kohala.

MR. LUNAHOOPONOPONO:
            Eia kahi mea hou o kuaaina nei: I kela mau la aku nei, ua maalo ae ka manuwa Kepani ma ka wanaao Poakahi, la 19. Ua hoolelelia mai ka malamalama o kona kukui uwila iuka nei, ua nui ka malamalama, a ua hoonaueueia na pukaaniani o na kauhale kokoke a me ko a wahi mamao, e na pukuniahi o luna o ka manuwa Kepani.
            Eia i Kohala nei ke Kanikela Iapana kahi i noho ai iloko o keia mau la.
            He oi aku ke anuanu o Kohala nei i keia mau la, no ka paa mau no hoi kekahi o na kuahiwi i ka hau o Maunakea a me Maunaloa, no laila mai kekahi kumu nui loa o ke anu.
G. W. KAUHANE,
Mahukona, Hawaii, Ma. 27.

No ke Kula Sabati o Pauoa.

MR. LUNAHOOPONOPONO:
            Me ka minamina nui au e hoike aku nei umua o kea kea no ke Kula Sabati o Pauoa, he mea hoi i ike ole ia i na makahiki i hala. No ka mea, mahope iho o ka pau ana o ka halawai ahiahi o ka apana o Pauoa, ua noho iho la lakou e noonoo no na mea e pili ana i ko lakou hoike Kula Sabati. Mamuli o ko lakou noonoo akahele ana, ua hoholo iho la lakou e hoike no ko lakou Kula Sabati ma ko lakou apana iho.
            O ke kumu i ulu mai ai o keia mau mea, mamuli no ia o ka hooneleia ana aku i ka mana koho ole no na Luna Nui o ke Kula Sabati o Kaumakapili o keia makahiki. Oia ka mea maa mau i na makahiki i hala, o ka hui pu mai o na kumu Kula Sabati o na apana ma ke koho ana i na Luna Nui o ke Kula Sabati, a i keia makahiki hoi ua hooneleia lakou ia mana koho. Nolaila, ua hoholo lakou i ko lakou hoike Kula Sabati ma ko lakou apana iho no, me ko lakou manaolana no nae na ka Hake no e hoonoho mai i Hope Kahu Kula Sabati kupono no ka Ekalesia o Kaumakapili, e hookuikahi like ana hoi i na Kula Sabati Apana a pau. Ua makemakeia hoi i Hope Kahu Kula Sabati piliwaiwai ole e kue ole ana hoi i ka maluhia o ke Sabati.
            Mamuli o keia kumu ua hooneleia ka Ekalesia o Kaumakapili me ka Papa Kula Sabati o Pauoa, he mea hoi i ike ole ia i na kau i hala.
HAUMANA KULA O PAUOA.

Ua Hala aku la ma Kela Ao.

MRS. HELELOA.

            Me ka palanehe a palamimo launa ole, ua kikaha iho la ka anela o ka make a o-u ae la i ke ola makamae o Mrs. Heleloa Mikikai mai ka poli pumehana ae o kana kane, ma ka hora 7 a.m. o ka la 7 o keia Maraki iho la. No eono mau la wale no ke kaa mai ana a hele wale aku la.
            Ua hanauia oia ma Kapulena, Hamakua, Hawaii, na Mr. Kaiai a me Mrs. Nemulani. Ua mare ia oia me kana kane i Iulai 9, 1878, e Rev. Makua Remona, ma Waimalu, Ewa, Oahu: a nolaila, ua piha ia laua na makahiki he 15, 9 malama a me 6 la o ka noho ana iloko o ka pohai mae o ka materemonio.
            Ua hala aku la ia puuhonua o ia home e lualai pu ai me na kini a pau e kipa aku ai me ke aloha nuiia. He ohaoha a he puuwai hamama hoi i na wa a pau a ke noho u nei na kini a pau nona. Aloha wale.
MISS AMOE.
Halawa, Ewa.

MRS. PUAKOMELA HERRING.

            Ua make o Mrs. Puakomela Herring, ma ka la 7 o Maraki, hora 12 o ke aumoe, ma Hilo. Ua like me 20 makahiki a oi o kona ola ana ma keia ao. Ua hanauiia oia ma Hawi, ka Makani Apaapaa o Kohala, Mokupuni o Hawaii, i ka la 2 o Aug., 1873.
            Ua hala mua aku no kona mau makua ma kela ao, oia o Kuaana (k) a me Mrs. Kahannui (w). He mau makahiki loihi i kaa hope ae nei a ukali aku la ka laua kaikamahine mahope o ko laua meheu.
            He kaikamahine o Puakomela Herring i aloha nui ia e na hoa’loha a me ka ohana a me na makamaka no ka heahea a me ka lokomaikai. Ua male oia i ke kane, oia o Mr. Herring a a hanau mai na laua hookahi pepe kane e ola nei, a waiho iho la me makou ka ohana e noho u ana me ka minamina mokumokuahua o ka manao nona.
            He kaikamahine oia i hooonaauao maikai ia, makaukau hana, a ua mahalo nui ia oia e na poe a pau i kamaaina iaia. Pela makou ka ohana e noho nei me ke aloha paumako nona.
JAS. K. KUKONA. Jr.
Kalia, Mar – 1894.

HE BEBE UUKU.

            Ma ka po o ka la 18 o Maraki i loaa mai ai he lono ia’u, no ka make ana o ka moopuna a E. Helekunihi, nona na malama ekolu. Ua makeia ka mamuli o ka pauhia loa ia o ka makuahine i ka nono o ka pukaihu. Minamina wale ia opio. E ao mai ana kei amai palaka e like me keia wahine.
C. K. PA.
Makawao, Maui.

Kela Limakoko Hou pahi.

            Imua o ka Aha Apana i ka Poalua a me ka Poakolu iho la kela kuke Paniolo hiena hou pahi, a mamuli o na olelo ike a Kaouli a me kahi poe e ae, ua hooholo ka Aha i kona hewa ma ke degere elua o ka pepehikanaka a ua waihoia aku no keia kau kiure ae o ka Aha Kaapuni. He kumu hoopii e ae no kekahi iaia, no ka hoeha ia Kaouli me kekahi mea eha e make ai. Ua pale ae oia i ka nienieleia imua o ka Aha lalo, a hookahi ka waiho ana me ka hihia mua. Aole no ua hiena la i ano oluolu loa i kona hoea ana ae imua o ka Aha me ka paa no o ke poo i ka wahiia. Ua hoea ae no kana wahine imua o ka Aha me ka hele makawalu o na kulu waimaka no ke kane, a no ua wahine la hoi ke kulana poupou puipui a ano maemae no o ka nanaina, a ma ka oleloia mai he wahine Pelekane oia. O ka inoa pololei loa o ka ua hiena mua ae hoi o ka noho ana o ka Aha i ka Poalua, ua noho na kiure o ka Aha Kolonelo e noonoo i ko Kauhane kumu i make ai, a ua hooholo lokahi ia i make no i ka houia ana i ka pahi e kela hiena limakoko.

            Ua haule a pepe liilii i ke kaa a make loa ma ka la 13 o Maraki iho nei, ma ke kahawai o Kaulupala, e kokoke aku ana i kahi o R. K. Naipo, ma Kohala, Hawaii, he Iapana.

            I ka Poalima Maikai, oiai ua kaawale aku o Sam. Kanoe i kana hana mau a i ka pule hoi kana wahine ia la, ua komoia ae la ko laua halenoho mauka aenei o Kamakela, mauka iho o ka pa o ke Kulanui o Sana Lui, e kekahi piko pau i ka i ole, a ua lilo aku la he $150 a laua i hoomakaulii ai mawaena o na hora 9 a.m. a me 3 p.m. o ia la.