Ka Makaainana, Volume I, Number 17, 23 April 1894 — Page 5

Ka Makaainana.

HONOLULU OAHU, POAKAHI, APERILA 23, 1804

            ke kane no a ka wahine. Nolaila, he mea makehewa loa ko Kahuakai hele ana e pule hoopunipuni i kahi o ke Aliiaimoku a e pono no e kapaeia mai oia mai ia wahi mai. Malia, he kiu paha kona ano e hele hooplaimaka nei imua o ke Alii. Kiola loa @naia!

            Noho nui iho nei na Pukiki a hookahi ka lualai like ana iloko o ka Ligi Amerika, a ike nui iho nei ka ua poe kauwa la o ka laweia ana mai i o kakou nei eia lakou ke poholaloia nei, wahi a ka oleloia, pipika nui aku nei ua poe la a hookaawale ia lakou iho mai ka Ligi aku. No keaha la hoi keia mahae? Ua lai ike hoi ka wale ana. Auwe no ka hoi oukou, e na mamo uwi waiu o Waikakalau ! Ina oukou e mokuahana ana, aole e loaa ana na apana palaoa a me na pine hoonakulu opu a hoohemo makani na oukou. Patauero !

            Liu wale ae nei na la i aui ae, aohe hoi he hoololi ae o ua poe eehaa nei i na inoa Alii o na alanui, e like me ka mea i kalahea wale ia ae ma@nua aku nei. Heaha la hoi ka hewa ke hoololi ia ae, a penei hoi kekahi mau hoololi a makou i makemake ai; Ia Alanui Moi i Kolekaaka, Moiwahine i Kumahumahukola, Kaahumanu i Hakipuu, Likelike i Lualii, Pauahi i Kukaeauli, Konia i Eikipihulu, Lunalilo i Kuauau, Liliha i Lehelehe, Piikoi i Pikoikoi, a pela aku a kuapapa nui wale. Hewa anei hoi ia la?

            Loheia mai hé elua no ka wahi kauna uhane i loaa a i puni i ka Kahikina Kelekona mau aupuhi ana ma Koolaupoko aenei. A malia, ua hei hou mai ne paha. Mai oi loa aku kona pono ina oia i waiho malie ia hana ekaeka a hookuu aku no hoi na kahi poe e ae e hana aku, a i ole hoi ia, e noho malie aku no e ai kamano me ka ohia, alaila, ola no keia mau la.

            Na kekahi nupepa o Kapalakiko i hoike mai nei i ke kumu o keia huli hoi ana mai nei o Kakina Lualii, no ka makemake ka o Kolekaaka e hoololi ae i kona Aha Kuhina, oiai, ke ike aku nei ka oia i ka poino aia mamua pono mai. O ua o Lualii nei ka i manaoia i Kuhina Kalaiaina, a o Kole Kaaka ae hoi, ia moopuna a Kauka Okolekala, i Loio Kuhina ma kahi o Kuauau. Auwe no ka hoi e, e mahae ana ka hoi ka pili ana o na kolohe o Waolani, ke oiaio nae hoi keia lono ae la.

            Ma Kapalakik@ mai nei, i ka la o ka Auseteralia i haalele aku ai no keia awa, ua iho ae o Konela Sona i kai o ka uwapo e haawi ai i kona aloha ia Lualii, a ua hele no ka hoi a paihi me kona aahu aliikoa hou. Ua ike aku nei ka paha oia i ka aoao kupono e kau ai o kana pahikaua, Iaia i hoea ae ai ma ka uwap@, ua hoohikileleia a hoopuiwaia hoi ka lehulehu, a namu aku a namu mai, a mahope iho o ka maopopo ana o au holoholo@a ohule la me na umiumi aoao loloa, ua maholo ae la he aka ano pahenehene mai ke@a a me keia pea, a pau pu me na poe o luna o ka makou. O kamalii hoi keia, ua haawi ae lakou he huro ana no@a. me he la ka ua hilahila ua o Lualii (koe o Kakina) i keia hoike o ka haawawa o ko lakou pukaua pookoi, a hoole paha aole oia ke poo oihaua ae o ua olalau la.

            Ea, huai e aku la no ka ike kea o ua ole loa la i hoounaia aku nei e ao ia ike, a hoike okoa no hoi ka hawawa o ko Waolani poe. e pahenehene wale ia no a e pono, he puni hooio me na aahu i kupono ole no ia holoholona a me na olohe e ae o lakou. Nui ko lakou pahenehene i ke au o ke Aupuni Moi, eia nae, o lakou nei ka oi loa aku o ka makahehi i na pilali, na molina, na pihi keleawe a me na mea e ae e paihi ai o na aliikoa. Ku iho la nae hoi ia lakou la, "niniu Molokai poahi Lanai" i na poo lolokaa o lakou.

            O ka hula Hawaii ne ka ka mea oi loa a ko Kapalakiko poe e hele nui la e makaikai i ke kahua Hawaii ma ka Midiwini Fea, a o ka mea ninau hookahi ia no ka ia e na poe makaikai ma ia kahua hoikeike. Mea ole ke ino, ka lapuwale a me ke ano pelapela o ia mea ia Lualii ma, hookahi no mea nui o ka hua e loaa mai ana no ko lakou pomaikai ma ia hana. Pouli okoa na maka o Lualii Kakina la, aohe hoi he nana ae i ke kue o lakou mikanele ia ano hano. E ole nae hoi ia, ola lakou, a ai okoa no i ka io ilio la. Mauu Hilo la !

            Kupaianahaha no hoi keia au, a no keaha mai no la hoi ka mea e ole ai. Ua haawiia ka ae i ka puali puh@ohe Pukiki e hanakuli ae i ka po La Pule i hala, ma ko lakou wahi ma ke kaona Waikakalaua malalo mai o Puowaina. Aole i ka auwina la, aka, i ka po, a ua hauoli ua poe kuapaa la a ka lahui Hawaii i uku ai i na uku moku @e lakou e hiki mai ai ianei e hokauwa nui ia ei. Oia nae paha hoi, no lakou nei ia poe uhaiaholo, nolaila ka @ea i aeia ai Aohe hoi a he eueu ae o na poe heinolele a me na ahahui lakou e kue aku. He halawai  kalaiaina hoi ka ua poe Ia ma ka halehao paikau ma Haimoeipo i ka hora 2 o ka auwina la o nehinehi, aohe no he eu ae o maikanele ma a me na ahahui e kinai, Malia no hoi ua puhiohe nui hou ae no i ke ahiahi nei, aohe nae hoi i akaka ia makou.

            P@l@lei ka Holomua i huai ae ai i kela poe i koho kue ai i ka olelo hooholo a Alii E. C. Makupolena, i waiho ai imua o ka Ahaolelo o 1892 ma ka la 2 o Iune, e pili ana no ko Kuhina Kiwini hoopuka i na olelo ka aiaina kue i ka hookoia o ke kanawai ma Hawaii nei ma ka la 30 o Mei aku, ka la hoohiwahiwa i na he kupapau, iaia i haiolelo ai ma ka ilina o Maemae e pili ana i ka hopuia o Wilikoki ma O ka wa ia e o-u ai i ka maka o ke kipi hookahuli a hoohui aupuni, eia nae puni aku nei na hoa Hawaii o ia kau Ahaolelo i na olelo kue a Buki, Nawahi, Kamauoha a pela aku. Makau lakou o huhu o Amerika Huipuia a pau ke aloha ana mai ia Hawaii nei, aohe nae hoi he hoike o ua poe aloha aina nui wale la i keia wa i ko lakou aloha aina oiaio ia wa. Halahu no hoi ua poe makapaa. Kakoo makou i ka Holomua ma ia manao, aole nae hoi i na olelo ano ole iloko o ia kukuumanao, a me lakou aku no ia.

            Imua ae o ka Ligi Amerika i ka po Poalima iho la o Kiaaina Wells i pau o ka mokuaina o Virginia kahi i haiolelo ai. Ua hoike oia i kona kokua i ua poe pakaha o kakou nei, a ma ke ano nui hoi o kana mau olelo, me he la aohe o Hawaii nei mau pono i kupono iki e wakahehiia. Ua ao aku no hoi oia ia lakou e lawe i ka hoohiki, oiai, aohe e poino ko lakou kuiana lahui Amerika ke lawe ia hoohiki. A ke pau ia, alaila, e kakali malie, oiai, aohe waiwai e loaa mai ana mamuli o ka pupuahulu aku. Ma@aoi no hoi nei kuewa, e like no hoi me ko lakou ano mau, o ka manao ana aohe o Hawaii nei mau pono. Hemu, hele pela !

            Piena loa ua wahine haole o ka Hui Hoole Waiona Kar@stiano Wahine i na loaa o ka mahele Hawaii o kela "Ahaaina o na Lahuil," i malamaia ai ano koke iho nei, la 13 me 14 nei, no ka mea, o ka hapanui e na dala, ua loaa mai mamuli o ke kuaiia ana o kekahi mea inu maina, Ua olelo ae he wahine haole nao ua hui la iua pela iho la i loaa ai ke dala ma ia mahele he mea pono no e haawiia no na Hawaii, i ka Home Makuahine Kapiolani, i mea ka no lakou e ai ai no i ka mea i loaa mai mamuli o na hana kuai waiona o ia ano ae la, a he mea hoi ia no lakeu e hilahila ai. Aohe ia he hewa, haawiia aku paha no ia home hoopomaikai i na makuahine Hawaii, a lolo nae hoi na wahine a ne na kane Hawaii i komo aku e kokua a e lawelawe pu i ka hana, e laa e Mrs. Haalelea, Keoni Kamak a pela a@u. I ke kokua wale aku no paha kahi, a laa ka makaia la !

            Po Poaono nei i pau ai ka lawe hoohiki a hoopaa inoa ana no ke koho balota elele i keia Poa kolu ae, Mei 2, a ua loaa he 1,508 p@e no keia apana o Kona nei. Ua pau na loea Pi Gi i ka hoohiki no ia lakou iho, a koe hookahi o Mama E@a Luse hana piula, mamuli o ka like ole o kona manao me ko@a mau hoa o ka poai pakaha like. Eu no ka hoi oia. Iwaena o keia heluna, he 400 paha a ke@ na Pukiki, malalo mai o 200 Hawaii, 200 paha poe paaua no ke Aupuni, 400 paha poe koa a kolea kauahua, a o lakou ma ae no noi ke keena iho. Iloke e ka hookikinaia o naHawaii e noho haua nei malalo o na haku Pi Gi ua ole l@a no ka hoi ka hauna o ka lakou maunu, a ua oi loa aku no ke, a loha aina, aloha lahui a me ke aloha Alii. Oia no ko kakaou peno loa.

            Hookahi la holookoa, i keia Poaha iho la, a na loea hemolele a pakaha wale o kakou i noho ai e hooholo i ka Bila Haawina, e hoomahuahua ana i kahi a e huemi ana hoi i kahi. No lakou iho, no na pilikana a me @a hanaiahuhu ka hoom@huahua. A i ka pule hoi i pau i ka la 18 nei, ua lilo aku he $12,000 o na @ona, a he $240 ka lilo no ia, a pehu hou ae la no I a aie lahui a ka huina o $3,432,459,87, a he $226,594,83 hoi no na lilo o ke Aupuni Kaikawa. Ai ie no i ka pakiko la, ai a ka manuahi, ai a ka puka ai a ka paa, ai a ka hemo, a ai a ka hewahewa ! Auwe hehene !!

            No ko makou ike no he pono a he maikai @a hana o ka halawai wakaai@ana o ka po Pokahi, la 9 uei, nolaila mai no ke kumu o ke kakou ana, aole no @a kumu e ae e like la me ka ka ohule poohina a me kamalii walen@a o " Ka Leo o ka Lahui." Ina i makemake Ka Leo e alake aku ia makou iloko o ko lakou paio ana me ka Holomua, ua @aka@kau mau makou a aole wa e hiki ai ia lakou ke hoopio mai. A ina o na olele pilikino kekahi @ea i @noiia, o ko makou huluaa @@a la.