Ka Makaainana, Volume I, Number 17, 23 April 1894 — Page 8

Ka Makaainana.

Honolulu, Oahu, Poakahi, Aperila 23, 1894.

 

Kela a me keia

Poaono iho e hoomaka ai keia kau kinipopo ma ke kahua ma alanui Piikoi, Kulaokahua.

He paikau kinaiahi ko ke AKemepiona i ka auwina la Poakolu iho la iloko nei o ke awa.

I keia Kakahiaka i hoomaka ai na kula Aupuni a pau loa, mahope iho nei o ka hoomaha ana no elua pule.

Na ka Eleu e hukihuki nei na pou uwapo makai iho o ka Hale Makeke kahiko, a ua like me he kauka huki noho la.

Iluna o ka Piladelepia o Kani-kela-Kenelala Mila i ka auwina la Poaha iho la, a ua nei main a pu aloha nona i ka hoi ana mai.

O keia ka la ku mai o ka Arawai mai na Punalaau Beritania ma ka Akau, a o kei ana paha kona ike hope loa ia ana ianei.

O ka moho elele hana kumukanawai o ka Apana 3 o Honolulu nei, oia o Kale Kaaka, kekahi o na moopuna a Kauka Okolekala.

Aole ae o na wahine o Waimea, Hawaii, i ka lakou mau kane e lawe i ka hoohiki a e koho balota, pela mai nei kekahi palapala ia makou.

Ma ka la 17 nei, Poalua i hala, i manaoia ai e mare o Konela Keoki Makapolena me Miss Alabu, ma ke ano malu, aole hoi i ke kuu akea loa.

Ma ka Auseteralia mai o ka Poaono nei i hoea mai ai o L.A. Kakina a me kana Ewa hou o ka mare ana mai nei, i hele pilalahi.  O Mama pu kahi.

Ua kai huakai ae he puulu nui o na Ukiki o Waikakalaua i ke ahiahi Poakolu iho la, no ka hoopaa ana i na inoa no ke koho balota elele ma Aliiolani Hale.

Ua hala aku nei o Kuauau aia i Hilo, ma ke Kinau o ka Poalima nei, no ka huli ana a loaa ka Ilamuku makakihi i nalowale mamuli o ka hoolanalana mai.

Ua holo makaikai aku o Adimerala Waka a me kahi poe lehulehu e ae ia lalo o Ewa I ka auwina la, Poaha iho la.  A hol nui mai no i ka molehulehu ana iho.

Ma ka uwapo aenei o Haaliliamanu i nehinei, ua hemo ia iho la kekahi huila o kekahi o na kaa e lawe ohua nei i Moanalua o ka Hui @ahao Hawaii.  Laki, aohe poe o luna.

Ekolu makai, Tom Abbie, C. Opunui a me Antone Bright, i hoopiiia no ka hoeha.  Ua oleloia i ka La Pule i hala i hapa ia ai keia hoeha.  Apopo lakou e hookolokolo nui ia ai.

Ua kipa ae o Adimeral Waka ia luna o ka mauuwa Farani mamua o ka aina awakea o ka Poaha iho la, a ua apoia me na hoohanohano ana iaia a me ka uina pu ae no hoi a na pu.

Oiai ka manuwa Farani e hookomo mai ana i ka nuku o ke awa nei i ka auwina la Poakolu iho la, ua pinana ae he poe kiu kiai iluna o na aleo o Iolani Hale, a he pala ka mea i loaa ia lakou.

Ua kipa ike pili oihana aku o Kuhina Wilisi ia luna o ka Piladelepia i ka auwina la o ka Poalua i hola iho la, a ua panaiia mai na ki pu aloha ana nona i ka huli hoi ana mai no kula nei.

Ma keia huakai aku nei a ka Auseteralia, ua hoomanao ae o F.W. Makapolena a me kana wahine i ko laua la mare ma ka moana i ka la 4 nei, oiai, he mau ohua laua ma ia moku.

Ua pae maalahi aku o Keo Kaaka a me kana wahine i Kapalakiko ma ka la 7 nei.  Na kekahi nupepa o laila i hoolaha ae no kona holo loa aku ma kekahi huakai malu i Wasinetona.  Pela paha!

He umi poe Moremona Hawaii i hoi mai nei ma ka Auseteralia malalo o Kekauoha, he aoo.  Iloko o 1890 ko lakou haalele ana mai, a no ka nui o ka pilikia a me ka hune ma Uta, huli hoi mai nei.

 Ua holo kipa ike pili oihana aku o Mekia Wadehausi, Kuhina Beretania, ia luna o-ka Piladelepia a me ke Dusafolo i ka auwina la Poalima nei, a ua haawiia mai na ki pu aloha ana nona iaia i huli hoi mai ai.

I ka Poaha iho la i hoomakaia ae ai e na haole pololi hana ka uwapo hou makai iho o ka Hale Makeke kahiko.  O ka pau aku paha koe o kela ahua kua nunui e ahu nei ma kahi kokoke i ke kahua o keia hana.

E like no ka hoi me ka poopo a lapuwale o na poe mikanele, pela no ka hoi i popopo ai kekahi aoao o mua o ko lakou mokukaua, ka Hoku Ao, a eia ke pahonohonoia nei ka ihu popopo i hanaia me ke kapalu.

He hookahakaha paikau ka na pualikoa Pi Gi o ka po Poakolu iho la, a no ka ua nui ana mai hoi ia la a po, ua malama ole ia.  Huhu paha o Kulanihakoi ia lakou nei.  A me he mea la i keia po paha ananei e uniki ai lakou.

Poakahi i hala i ku mai ai ka mokumahu Kina mai Kapala kiko o holo loa no ia ahiahi iho no Iapana a me Kina.  Aohe ana wahi pala i lawe mai nei.  Ua lawe aku oia i keia mau ohua: 7 Europa, 151 Pake a me 144 Iapana. 

Ua hookolokoloia ka mea nona kela hale piliwaiwai i hopuia ai o na haole eono i ka po a ao ae ka La Pule i hala, imua o ka Aha Apana i ka Poakahi i hala.  Oia pu no kekahi o ia poe eono, oia o Hare Seila, a i ka Poalua i hoopaiia ai e uku i $30 me na koiua.

Eia na aahu koa Pi Gi ma na hale humuhumu lole Pake o Alanui Nuuanu e hanaia nei, a he ikeia aku no hoi ke kakau mai.  He poe kue hoi na Pake, hanai ai nui no nae hoi la a manamakaia aku la ua poe haole humuhumu lole o lakou.  Ai io pahulu no la!

Ma ka Manowai aku nei i loheia mai ai no ka pephi ana o John Edwards, kela hapa-Paniolo o ka puu o uka aku o Waipiula, i kana wahine, he hapa-Pake, ma ke oki ana me ke koi.  O ka ona a me ka lili pu kekahi kumu e ulu ae ai o keia hana hoohilahila ia kakou ma ke kahua o ka Hoikeike-Hooilo Kuwaena ma Kapalakiko.  Ua lilo keia hana i mea e kamailio nui ia ai e kekahi mau nupepa o laila e olelo ana hoi kahi no ka makemake o ka wahine e anaana i ke kane, no ka lilo paha i na wahine haole olaila, eia nae, he mau imi apa a olelo wale ana no ia.

He 1508 ka nui o na poe i hoopaa i na inoa no ke koho balota elele, o ia ka panina i ka po Poaono nei, pau loa, aohe mea i koe.

He mau la kuaua a kikiao makani iho la na la i aui ae a hoea wale mai no i nei la, a me he la he mau hoailona no keia no ko Kalani mau ehu wawae.

Iloko o keia mau la e kani paapaaina nei o na leo o na pukuniahi o na mokukaua like ole, ua oi aku ke pohapoha o na leo uina o na pu o ka moku Farani.  Palevu Faranise!

Ua malama io ia no ka halawai makaainana ma Manana, Ewa, i ka auwina la Poaono nei, a me he la ua 100 a oi na oiwi Hawaii o ia apana kaalalawa i hiki ae e hoolohe i na olelo ao mai ia A. Rosa a me J.L. Kaulukou aku, a me kahi poe e ae no hoi o laila.  Ua kakooia na hana o ko luna nei halawai nui o ka la 9 nei.

Hoohuoi pinepine ia ka lilo a nalowale mau o na eke kopaa o na mokumahu o ka Hui Hooholo Mokumahu Pili Aina.  I ka wanaao Poakolu iho la i ikeia ai kekahi o na luina e aihue ana, a i ka huliia ana aku he elua eke i lilo e ka Pele.  Ao loa ae hoopukaia he palapala hopu no W. Bray.  Na Palakiko.  Have maoli no keia e hana nei mamuli o ka makee i ka pono o na haku.

Ua hoeha ae ka malamamoku o ka mokukuna Aekai Gula i kekahi luina me kekahi pauku laau a eha ma ke poo.  Oiai ka luina e pena ana ua puka aku he mau olelo mai ka malamaloku, a pela laua i kike olelo ai a hiki i ka uhauia ana me ka pauku laau, a e ole e akeakeaia e na luina e ae, ina la ua lilo i hana nui loa.  Imua o ka Aha Apana i ka Poaono nei, ua hoopaiia oia e uku i $15.

Ua hoomaopopo iho nei ke Aupuni he mea pono e hoopauia ke kumu hoopii i kela kuke oki pahi no ka hoeha ana ia H. Kaouli me kekahi mea eha, a ua hoopauia.  Koe aku la no nae hoi ke kumu hoopii pepehikanaka ma ke degere elua, a ua maano hoi ke Aupuniua lawa ia.  Ua hele ua hiena la a wiwi i ke ia wa, no ka pipili mai no hoi o ka mai iaia mai koua paa ana a hiki mai i keia wa e noho mai la i Kawa.

Piena o Pali i ka Poalima nei i ka welo ana ae o ka hae Amerika iluna o ko ke kinau kia mua a o ka hae Hawaii ma ke kia hope, a kuemi iwaho no ke paikii ana, mamua o ka hoio loa aua aku ia auwina la.  Nui kona kukahalake a kuiia he haole ano sahio ma ka waha, a e ole e akeakeaia e na poe e ae, ina la ua lilo i hana nui.  Hu no hoi ka aka i ko Pali i..aina, e hoike ana i koua aloha aina oiaio iloko no o kona olalau a ano pulepule.

            Ua oluolu loa ae nei na Pake eha i koe mai kela laau a lakou i luu ai i ke ahiahi o ka la 14 nei, Poaono, a make loa ai ekolu o lakou.  I ke ahiahi Poakolu iho a i loaa ai ka olelo hooholo a ke ki@ holonelo, mahope o ka lohe ana i ka Porofesa Laiana hoike no keia “popilikia ulia wale ma ka ai ana i kekahi laaumake.”  Aole i maopopo i ua Porofesa la ke ano a me ka inoa o ua laaumake la, oiai nae hoi, ua okiia na poe i make a uauaia o loko o ka opu.

            Ua mahae ae nei ka launa pili oihana ana o na Hoahanau Kakalaika a koe hookahi iho la ke kaikuaana.  A ua loheia ae no hoi e hui aku ana me ia o G.J. Rose, ka Luna Hooia i waiho aku la i ka oihana ke hoea ae i na la hope o keia malama.

            Pehea la i pikokoi loa ai ko Moanalua poe i ke kaa lawe ohua nui o ka aoao hoohuiaina, a haaleleia iho la na kaa o ka aoao aloha Alii?  Mai mua mai o ke kahulihia ana o ke Aupuni, ua kupaa ka luna nui o ka Hui Alahao Hawaii ma ka aoao o ka lahui me ke Alii.

            Aole i piha loa ka aha keaka ni ka hoolaulea a ko ke Kamepiona poe, no ka pomaikai o ka hui kokua aloha o na poe Berinia, i haawi ai i ka po Poalima nei ma ka Hale Opera Hawaii.  Ua oleloia e haawi hou ana lakou ma keia mua koke iho.  No ka nui loa paha o na keaka o keia mau po iho la kekahi kumu i piha ole ai.

            Ua hoolaulea ae o Mrs. S. G. Walla ia Adimerala Waka, ma kekahi papaaina ma kona hale alanui Kauka, i ka po Poakahi i hala.  Ma ia papaaina pu kela Alopeka a me Kolekaaka a me koua hoa kuilima pu, oia o Kumahumahokole.  Malia he wahi papaaina ano pelo paha keia a ua poe welo mikanele la i ka Adimerala, aohe nae lakou e mahinu aku i ko ia la laeula.

            He wahi keiki o 13 makahiki ka haule mai luna iho o kekahi kumulaau, he 15 paha kapuai a ka honua, i ka auwina la Poakolu iho la, a ua pau ke aho i ke kiiia ana aku.  O ke kumu mai o keia, i lalama i ke kii punana manu.  Iaia i hoihoiia aku ai a kauhale, a ma kahi hoi o ke alohaia mai, ua nokeia mai oia i ka nukuia e kona luaui, me ka hoike aku no hoi o kona helehelena i ka nui o ka eha.

            Ua hoopauia ko Hon. W. Kaimo Kawika noho kakauolelo ana no ka Papa Hoonaauao, mahope o ka hala ana o 29 makahiki a oi aku ma ia oihana.  Lehulehu na poe ole wale e noi nei no ia wahi, a ua oleloia iwaena o ia poe o Kauka Lokeke, H.W. Kevelaua, Kanikela Amerika i pau, a me kahi poe e ae i aneane e piha na kauna ekolu.  Ma ke keena loio o W.R. Kakela, Peresidena, i halawai nui ai na hinalea luahine o ua Papa la i ka auwina la Poalima nei, aohe nae he mea maopopo i hooholoia.

            Kakahiaka nui wale o ka Poaha iho la, hora 9, i holo ike pili oihana aku ai ke Komisina Farani hou, i hoounaia mai ai i ke Aupuni Kumukanawai, a me kahi Hope Komisina kahiko.  Ua hele laua a paihi me ua aahu o ko laua kulana, ke hele la a hiolo na pilali a me na molina gula.  Na kekahi waapa no o ka moku laua i lawe a noho iluna no hapalua hora paha, a i ku luna huli hoi ana mai ua uinaiua mai la he 11 pu aloha no laua.  Ia laua i kaalo ae ai ma ke alo iho o ka Piladelepia a me ke Kamepiona, ua hoohauohaue hapai pu ia mai la laua e na koa molina o ia mau moku.  Ua laukanaka ae na uwapo no keia kani kakahiaka nui o na pu.

 

J. K. Kahookano.

Loio a he Notari no ka Lehulehu.

Keena Hana.  Aliinui Kaahumanu

Honolulu. @