Ka Makaainana, Volume I, Number 19, 7 May 1894 — Page 3

Ka Makaainana.

 

HONOLULU, OAHU, POAKAHI, MEI 7, 1894    3

 

laua.  Nolaila, o na mea i hanaia ma kela halawai, aole i hoihoiia e kekahi poe, a i oi loa aku e na wahine, mamuli o ka hoikeia ana mai e hookaawale i hui okoa ka lakou, a e kaawale ka hui ana kane, pela lakou i kue ino loa ai a pela me ka lehulehu.

            Eia malalo iho nei pa inoa o na Hawaii Ponoi a me na hapahaole i kakau i ko lakou ma@ inoa no ke Aupuni Pi Gi, a penei e ikeia ai, e hoomaka ana mai ka Oihana Makai, Oihana Hale Dute, a me na poe mawaho ae.

OIHANA MAKAI.

            Ben H Brown, Kapena Makai; Enoka Brown, Keanohou, Keaomakani, Mahaiula, a me Kelekoma, na makai.

OIHANA HALE DUTE.

Chas. Notley, Luna Dute; Lyman, jr. a me Kahaule.

NA POE E AE.

G. W. A. Hapai, Lunakanawai Apana; Todd (huro), hana ili; O. W. Rose, hana piula, W. C. E. Brown, J. Herring, hana wati; Chas. Moore, Jno. Moore, Laupai, hana halekuai; J. Holo Kahoomana, Pali, Hoanuili, Honolii a me Hama Elderts.

            O keia poe ae la ka i haawi pio i ke Aupuni Pi Gi, a mawaho ae o ka oihana makai, he 4 makai i koe aole i kakau i ko lakou mau inoa, a mai loko ae o keia huina, he elua no mau mea i manaoia aku he mau Hawaii oiaio laua, o laua no ke waiho aku ana a o laua nei ma iho, aole i akaka loa.  Nana aku no hoi kakou la !

            Eia hou no ua "awaawa Ahuna."  Ua hoea kino aku o Nihoa imua o Kauka Fanny o Hilo nei no ke kii aku i laau no ka mai o kana wahine.  Eia nae, ua koi koke ia mai oia e kakau i kona inoa i loaa mai ai ka laau.  Ua hoole aku la oia, u'oki oe e nemo ana.  Mahalo ia oe, e ke kanaka Hawaii kupaa oiaio.

            Aperila 25, ua loaa mai la ka'u nupepa MAKAAINANA, ilaila iho wau i baupa iho ai i na kohi kelekele o na mea hou makamaka loa o ka manawa, a o maua pu no ia e luakaha nei i ka nani o Hulei.

ST. IKA@ONA.

Waiakea, Aperila 26, 1894.

 

Na Mea Hou o ke Kahua Ma'i Lepera.

MR. LUNAHOOPONOPONO:

            I ke ahiahi o ka la 13 o keia mahina, ua ala ae la he paio hahana mawaena o ka Hope Luna Nui o ke Kahua Mai Lepera nei, A. K. Hutchison, a me Thos. K. Nakanaela.  Ua ulu ae no ia mamuli o na mea a ka inoa hope i hoike ai iwaena o na mai lepera, no na hana a ka Hope Luna Nui, a me ka ulumahiehie o na mai ma ke kakauinoa ana e hoopaa hou ia Kauka Goto, i kauka no ke Kahua Mai nei.  Ka lua, o ke kakau hou ana o na mai i Hale Leta no ke Kahua Mai lepera nei, ame kekahi mau mea e ae a nui wale aku.

            O kahi i ala mai ai o keia paio ana, ma ka halemai no ia o Kauka Goto.  Ua lohe na opio o ua home nei, a me na poe mawaho ae, ua puka me na olelo pilikino.  Ua puka mai no ia mai ia A. K. Hutchison mai.  Ua pau kona kulana keonimana, ua hele pu i ka olelo ole.  Ke noho nei laua ma ke ano, aole he mau boa'loha maikai.

            Ma keia mau hana a keia mau keonimana, ua lilo ia i mea @une no na ma'i.  Ma ia ahiahi no, ua hoopau @ai la ua Hope Luna Nui nei ia T. K. Nakanaela mai ka noho ana i luna no ka Halemai o Kauka Goto, a hookohu mai la kela ia Mr. J. K. Kialoa i luna no makou, aole nae ma ke ano maikai - aole loa !  Me ka inaina pilikino no, a o ka lehulehu na hoike no ia mea.  No ko Nakanaela noho ana mai i luna no makou, aole mai ka luna mai o ke Kahua Ma'i nei, aka, mai ke kauka mai no ia, oia no ka mea nana e hooponopono na mea a pau a ke kauka.  Ma ka la i hiki mai ai o Kamika ma, ua waihoia aku ia mea imua o lakou.  Eia nae, ua kapakahi ae la o Manuia, o Keokoi ka moku.

            Me na olelo hoolana a Kamika e noho laua me ka maikai.  Ua waiho aku kahi iki ulu o Waialua i na olelo oolea, aole ia e noho okole malalo o kekahi kanaka, oia kana mau olelo uahoa, i oki oe la e hopu ana i ka laau a ke alii, ua pa pono aku la i ka ihe laumeki a Kaikipaananea.  Ma ka Poaha mai ua waiho mai la i ka ha@a, ua haalele hou mai la ia makou kana mau keiki.  Ke noho nei na keiki me ka hoomanao mau iaia, no kana mau hana maikai a hoonaauao i na opio a Kauka Goto.  No ke kauka, aia oia ma Honolulu, aole oia i ike i keia mau hana.

            Ma ka la 17, ua hiki mai la na kauka hoopala maia.  Ma na hora kakahiaka wale no, ua nana ia na opio a Kauka Goto, me ka manaolana hauoli e nana pono ia ana la makou me ka maikai, eia ka auanei aole !  Ua nanaia me ka pupuahulu me ka olelo a na kauka aole hookahi wahi keiki loli o ka ma'i, a pela iho ka lakou olelo ike.  Auwe no hoi ka pono ole o keia p@.  Ma ka ike a Kauka Mourita, ua loli ka ma'i, ia lakou nei hoi, oia mau no a nui hou ae, a pela okoa iho la no lakou nei ma.  He uuku na keiki i nanaia, o ka nui aole i nanaia.  Ahu iho la ka hoka i kap kai.  Ma ia ahiahi no, heo a@ lakou la no Honolulu me @a ala o Kaueleau.  Pau kela.

            Ma ka la 20 o keia mahina, ua hoalaia he ahaaina piha makahiki no ka Hui Hoolewa o Kalawao, malalo o ka noho P@residena ana o P. Kiha.  @a akoakoa na lala o ka hui ma @a halenoho o ka makua Kina, malaila pu ae o E. J. Crawford a me Hiram Kuhano.  Na keiki puhiohe, malalo no ia o ke alakai ana a ka bana puhiohe o ka hui, nona ka inoa e o ia nei ka "Hui Hoohanohano o na La Hope."  Ua kai mai ka huakai me na mea kani a hiki ma ka hale hui, ua noho e paina i na mea i hoomakaukauia, a ua ai a o@o i na k@hi kelekele a ka Puukolu.  Malaila pu ae na eueu a Kauka Goto, ua ai lakou i ka lokomaikai o na poe nana ka papaaina.  He mau olelo hoolana ka na keiki o ka Home a me ka makua Kiha, me ke kaui o na mea kani a hookuuia me ka maikai.

J. B. M. KAPULE,

Goto's Hospital.

 

Na Anoai o ka Ua Loku.

MR. LUNAHOOPONOPONO:

            Ma kela mau mahina aku nei, he papaa la loa makou nei, a i keia wa, ke hana mau mai nei ka iho makawalu ana o na pakaua o Kulanihakoi, a ke piha hauoli nei na kupa o ka aina i ka uliuli lipolipo mai o na lau kalina uala o ua ae one kaulana nei o Mahamoku, nona ka pua rose.

            Eia hou keia, ma ko'u kilo pono ana aku i na hana o na Papa Nana Koho Balota o ka Apana o Hanalei nei, ua ike iho la au ua haalele mai o S. P. Kaleikini i kona noho lala ana no ia papa, o ke kumu, no ka like ole o kona noonoo maikai ma keia mau hana a keia Aupuni manawa.

            Nolaila, nui ko'u mahalo iaia no kona kupaa no ke aloha i kona aina hanau a me kona Moiwahine.  He keiki opio oia, o kona noonoo nae he kanaka makua.  A hala ae ia, i holo aku kuu hana ma Kilauea, ua haalele hou no kekahi lala o ko laila papa, oia o George Mahikoa, he keiki opio no keia nona na makahiki ma kahi o ke kanakolu, a he kanaka lawelawe hoi malalo o na haole, nona ka uku la mawaena o ka ekolu a me elima olokaa o ka la.  Nui kela.  Auwe ka mea minamina ole i kela uku nui o ka la a hoopili aku la hoi malalo o na haole, aole nae.  Nui ka mahalo no olua, e na opio Hawaii, no ko olua naauao a me ke kanalua ole, a ma na ano a pau o laua, he like loa ko laua mau Seta kekahi a me kekahi.

            Aole o keia makakila wale kai mahalo no olua, aka, o ka poe noonoo naauao hoopono pu kekahi.

            Nolaila, o ka'u e kalokalo ae nei i na Lani, e hoomau i ko olua kulana, a ma ka hua o ka laau e ikeia ai ka pono a me ka hewa.

            Eia hou no keia.  He wa ilihune loa mai nei keia o @a one kaulana nei i ka i a ole.  He mau mahina nui keia o ka i-a o kela ano a me keia ano, a me ke Kinau ai pua hala, eia nae, he neo ia la.  Ka i nohoi o ke puhiia ana iho nei o na mea hoomanamana, he mea la hoi ia e ola ai ka aina, eia ka he make loa.

E. KUAPUHI.

Hanalei, Kauai, Apr. 19, 1894.

 

Piholo Iloko o @ahawai.

            Ua piholo iloko o ke kahawai o Nuhelewai, i kakahiaka La Pule i hala, Aperila 15, he keiki haole uuku o ekolu makahiki a me elima malama.  Ia kakahiaka, ua hele aku o Mrs. Kidder (Kida), he moopuna na Ioane Pahua o Leleo aenei, me na ke; ikikane ekolu i kahawai e hoauau ai.  Ua komo na keiki nunui elua a haalele iho hoi ka makuanine i kahi mea uuku ma kae o kahawai e noho ai, oiai oia i huli hoi aku ai i kauhale no kekahi mea i poina, a i kona huli hoi hou ana no kahawai, aole ke keiki uuku.  Huli ma o a maanei, aohe i loaa, aka, i ka nana ana aku iloko o kahawai, e waiho mai ana ilale o ka papaku, ua pau ke aho.  Ua lele awiwi aku la oia iloko o ka wai a lalau aku la i ke keiki a hoihoiia no kauhale.  Kauohaia o Kauka Petesona, ua hala nae ka wa pono.

 

            E lawe i KA MAKAAINAA, i ike ai hoi i na mea hou kuloko a kuwaho.  Ke nele no, pouli na maka.

            Ua loheia ua lilo kela pa ma ke kihi akau o na alanui Papu me Beritania, mauka ae o ke kahua kahiko o ka luakini o Kaukeano, i kekahi haole malihini o Oregona mai nei no $15,000.

            He $4,244.53 ka huina nui o @a loaa o kela Ahaaina o na Lahui, he $1,265.46 na lilo, a na koe iho he $2,979.07.  Maheleia iwaena o eono mau ahahui kokua aloha, a he $496.50 ka me@ i loaa pakahi aku.

            I ka Poakahi i hala i kua@ kudala ia ai ko Hanal@ F. Pua wahi ma Kapiolani Pa@a, he elua ia mau pa ma ka a@ai, a ua lilo no $2,500.  Ua manaoia he kumukuai maikai l@ ia no keia manawa hune.

 

J. K. KAHOOKANO

LOIO a he Notari no ka @

KEENA HANA:  Alanui K@

Honolulu.        @

 

F. J. TESTA (Hoke),

NOTARI LEHULEHU.

KEENA HANA Helu @ Alanui Kaahumanu, me ka Mea K@