Ka Makaainana, Volume I, Number 22, 28 May 1894 — Page 2

Ka Makaainana.

 

HONOLULU, OAHU, POAKAHI, MEI 28, 1894

 

LAUOMIDIHAE

 

KA

 

UI I MOHAI IA I KE KOKO

 

KA

 

NANI I ALANA IA I KA OI O KA PAHIKAUA.

 

Ka Mea pohihihi i ka Maka o ke Kuikele

 

A O KE

 

KEIKI NUMAREDINA

 

KE

 

Komo Lima Maka Popoki.

 

MOKUNA X.

 

            Ka Aina o Livanone iloko o ka liuliu kaua – Na ala kai ana a ka Magoi Wahine – Ke Kokua a ke kaikaina i ke kaikuaana – Owai aku kela?

 

            Mahope iho o ko laua kukai olelo pokole ana i hoomau aku ai o Numaredina ma i ka lele ana i ka aina o Livanona, ke liolio la ko laua mau maka i ka ua mea o ka ikaika o ka makani e hele mai la mamua o lakou, a oia ka kahi luahine i pane mai:

            “I nui ke aho, e Numaredina, mai paupauaho.  Aia ka aina o Livanone iloko o ka liuliu kaua i keia wa, e kue mai ana hoi ia oe hookahi.”

            Aole o Numaredina i pane aku i kekahi hua olelo ia manawa, o kona mau kaikuahine nae, aia laua iloko o na manao kaumaha a me ka makau, no kela nmau olelo a kahi luahine i hoopuka mai ai.

            Ikeia aku la ke ao aina mamua o lakou, pa mai la hoi ka makani huihui o ua aina la, e iniiniki ana i ka papalina o na kaikamahine hoonua, o na keiki a kanaka.

            A i ua poe kamahele nei i hookokoke aku ai ma na palena aekai o u aina la, ia manwa no i pane mai kahi luahine:

            “Eia ka aina o Livanone e Numaredina, e kaohi mai ia Huneta.”

            Aole he ike pono ia aku o ua aina la, no ka mea, ua paa i ak ohu.  Pa mai la nae he wahi oaniani makani ma ke komohana mai, a i ka mao ana ae, aia hoi, e waiho mai ana ua aina la o Livanone mamua pono mai o lakou.

            Kuu iho la na kapuai wawae o Huneta ma ka aekai o ua aina la, a hoomaha iho la ua poe kamahele la iluna o ke one alialia o ka aina o Livanone.

            Hoomakaukau iho la lakou e paina i na mea ai i paholaia mai, e ke komo kupua onohi maka popokim a ia iakou i maona ae ai, laweia aku la ia mau mea a pau mai ko lakou alo aku.

            Me ka hookaulua ole iho, hoou koke aku la kahi lunahine kolohe ia Numaredine, e hele imua e paio me ke kupua, nona ka mana i aneane aku i na kapuai wawae o Habakudera, ko lakou alii.

            Nolaila, unuhi ae la ua keikialii la i kaua pahikaua, a olinolino la imua o na kukuna o ka la a aia hoi o Liona, kahi ilio ke lelele la ma ka aoao o kona haku, me he la, ua piha loa ia paha i ka hauoli i ak ike aku i na hana iluna o ua aina la, a i ola ia ua akenui paha oia e ike i ka aina o ke Ao Olino a ka Mea Huna iloko o ke Kiaha Waina e noho la.

            Ia lakou nae e makaukau ana, no ka hele ana aku mai kahi a lakou e noho ana, ia wa i naueue ae ai ua aina la me he hoonee ana la na ke olai, ka naue o aa kumu o Kahiki, kohu lewa a ka papa auwae, a ia manawa no i pa-e ae ai he leo i ka olelo ana ae:

            “E i ae na enemi ke hele mai nei e paio me oe e Numaredina, nolaila, e makaukau nou iho.”

            Ia manawa no i nalo hikiwawe iho ai kahi luahine, me ka ike ole ia e kona mau hoahele, a ahai aku la ka pupuhi he i’a no Uko’a.

            I kona hala ana aku, na wehe koke ae la o Numaredina i kahi aniani kamahao mai kona poli ae, a paki iho la ilalo o ka honua; a ku ae la he aniani nui mamua o lakou.

            Uhi koke mai la ka noe maluna o ka aina iloko o ia manawa, a ike ole ia aku la na mea e hanaia ana maluna o ua aina la, aka, i ka mao ana ae o ka noe, ikeia aku la na hana pahaoaho o ua aina la.  He liuliu kaua me ka mea a lakou i ike ole ai. oiai, o ko lakou kuleana ia i haawina mai ai e ko lakou haku, o ke kue aku i na poe a pau e hoao ana e komo maalahi aku iloko o e Ao Olino.

            O ia mau upu ana nae a ua kupua la pela, he mau manao palaualelo wale no ia, no ka mea, ua lahui mua ia e ka wahine holo kaupio o ka muliwai Muzine, a ua hehiku ia hoi kona mana e ua kaeaea la o na mea huna ekolu o Kulaokahua.

            Nana aku la lakou me ke pahaohao i ka liuliu kaua a ua kupa la, o ua aina nei o Livanone, a ike aku la lakou i kakahi manu e kau hoolai ana maluna o ka hale kakela o ke kupua o ua aina nei, a e hookikina ana hoi oia i kona mau kanaka e hele imua e paio no ka hanohano o ko lakou aina, a me ka inoa ihiihi o ko lakou haku.

            O keia mau mea a pau a ua poe kanaka pahaohao nei e hana ana, ua pau wale no i ka ikeia e Numaredina ma; a e like no hoi me ke ano mau o ko Numaredina kaikuahine ka makau a me ka uwe no ka make mai i ua poe la, pela no oia iloko o keia wa a lakou e makaikai nei i keia mau mea.

            Aka, heaha la ia mau keaka imua o ke keikialii imi wahine a ka hoomanawanui wale?  He mea ole ia imua o ua keiki la, aole i nana ia aku ka hanohano o ka nohoalii o kona makuakane, e noho mai la me ka hoomanao mau iaia a me kona kaikuahine.

            E like no hoi me kahi poe la, he mea ole na keaka a me ua alaalai mamua o lakou, mea ole ka loa o na kula, ka piina o na puu, ka ihona o na awawa, a maluna ae o na mea a pau, aia no a hehi pono iho iluna o ka ohuku ale; alaila, pau ke kuhihewa i ka holo ana a ka lio heihei i ka lina poepoe, ke hele la a mae na hulu i ka pipiwai.  Aohe no he piiloi mai a koe aku.

            He manawa pokole mahope iho, uhi koke iho la he ao pohina a nalowale ae la ua aniani pahaohao la, a hoi ae la ua wahi aniani la a kona @au.

            Aole i liuliu mahope iho, hoonaue hou ia ae la ka honua e ua poe kupua la; a ia manawa koko no i pa-e iho ai he leo mahope mai o kona (Numaredina) kua, e i iho ana:

            “E kupaa, e Numaredina; e i aku ka enemi ke hele mai la imua ou.”

            Hulu ae la o Numaredina a nana ae la mahope ona, aohe nae ona ike aku i ka mea nonaua leo la, aka, o ka lau o na laau kena au e ike ana ma o a maanei o lakou.  A kani iho la ke u a ua keiki la, me ka olelo ana, -

            “Owai la ka mea nona keia leo a’u elohe uei?”

            “Owau no e Numaredina.  E hele imua a hiki i ka ike ana i na maka o ka mea i alanaia i ka maka o ka pahikaua.  Ilaila e kuu ai ka luhi.”

            “Ae,” wahi a ua keiki la i pane ae ai, “e hoomanawanui ana au a hiki i ko’u hoea ana aku iloko o ke kihapai pea o Numere.  A na ke koa a me ko kupaa auanei o ko’u manao, e hoohiolo i ka mana o na kiai o ia aina i mea ole imua o’u.”

            Kauoha koke ae la oia i kona mau kaikuahine e kau iluna o ka lio, a hele wawae aku la oia me Liona, ka ilio punahele, imua o ka enemi e helemai la i pa tausani ia ko lakou heluna a me ko lakou ikaika.

            Aole nae i hopo iho ua keiki nei i ka nui hewahewa o na enemi.  Aia iloko ona na manao koa a me ka wiwo ole, i hui pu ia hoi me na kokua ana a kona kaikaina, a me kahi Magoi Wahine o Kupero.

[Aole i laua aku.]

 

Ka Nani o Homealoha.

 

Nani wale no kuu ike ana,

I ka wai kaulana a Kanaloa,

Me ka iau ohaoha o ka hinahina,

I ka pali kaulana la o Makana,

Wai a Kapalae kau mai iluna,

Ia wai aiai kohu aniani,

Aniani ku oe no kuu maka,

He milimili hoi na kuu lima,

A ka lai au i Kahihikolo,

Moani ke ala o ka mokihana,

He wehi nani ia no ia wao,

Onaona huihui la i kuu poli,

He alii nui oe na kuu onohi,

Minamina pau ole i kuu ole,

Aloha na lehua o Luluupali,

I ka pehia mau ia e ke kehau,

He kahiko ia no kuu kama,

Pohai mau ia e na manu,

Hele ia i ka la o ko lealea,

ke aloha ka’u a e hiipoi ae,

I lohe mai au i ke kolohala,

I ka manu ko’u a o ka nahele,

Aia kuu pua Nani Ahiahi,

Me ka lanatana ulu i ke kula,

Eena na maka o Keonaona,

Ua pulu i ka wai a ka Naulu,

Nau i lahui lohe ke kupua,

Eia mai au Numaredina.

            Haina ka puana la i onaia,

            E hoi ka nani a o Homealoha

KOMODOA.

 

            He 1,000 a oi aku ka nui o na lala o kela ahahui kalaiaina a na Pake.

            Ma ua aha kinipopo Pelekane o ka la 12 a me ka la 19 nei, ua eo ka la mua i na poe aukai o ke Kamepiona, a o ka la hope hoi i na poe o ka aina nei.

            O ka hihia hookahi i ke koe iho o ekolu hoopii kue ia W. F. Mokimana, no ke apuka i ua dala hoahu o ka hale leta ma Kahului, Maui, ua hoopau wale ia i ka la mua loa no o keia kau.

            Aia ko Ewa poe kumakaia, a makou i huai akea aku ai ma ka helu 18, ke kuhikuhinui la i kela a me keia mea manao like ole me ko lakou, @ ka manao e e loaa ka mea nana makou i hoike mai.  E loaa ana no, ola!

 

J. K. KAHOOKANO

 

LOIO a he Notari no ka Lehulehu.

KEENA HANA: Alanui Kaahumanu.

Honolulu,       ian. 8-94

 

F. J. TESTA (HOKE),

NOTARI LEHULEHU

KEENA HANA: Helu 15 Alanui Kaahumanu, me ka Mea Hanohano A. Rosa     jy8-94

 

PINE OMAU NALOWALE.

            Ua nalowale i ka Poakahi, Mei 7, he pine omau gula, he pupu ke poo me kekahi pupu okoa me ke kaula gula e kuuweluana, ma ke ala mai ka hale kauka aku o Akana a ka halek@ai o ka Hui Lako Hao Pakipika, ma alanui Papu.  O ka mea e loaa ai a hoihoi mai ma keia Keena, e loaa no he uku kupono.

mei 14-4 mnw.

 

PAHU OLELO KAMAHAO

            UA MAKAUKAU na mea no laua na inoa malalo iho, a lawe aku i ka laua mau pahu olelo pono@ kamahao ma na home oha@, ke make@ hana pela.  O ka auhau no ka hoolohe ana i na leo mele, aia no i ka mea e holo like ana ma ke kuka pu ana.  E @ no na ka@ me ka eleu.  E loaa no @ ke @ o na kaa@ .

J. A. VICTOR

SAM L. K. AKI

@