Ka Makaainana, Volume II, Number 8, 20 August 1894 — Page 6

Ka Makaainana.

 

HONOLULU, OAHU, POAKAHI, AUGATE 20, 1894

LAUOMIDIHAE

KA

UI I MOHAI IA I KE KOKO

KA

NANI I ALANA IA I KA OI O

KA PAHIKAUA

Ka Mea Huna iloko o ke Kiaha

Waina

Ka Mea Pohihi@ i ka Maka o ke

Kuikiele

A O KE

KEIKI NUMAREDINA

KE

Komo Lima Maka Popoki

MOKUNA XII

Iloko ne o ia manawa i o aku ai o Numarendina i kana pahikaua i ka hikina, e like me ke kuhikuhi e kona kokua, a ike ia aku la ka hiolo ana iho o na enemi me he lau laau la imua o kekahi kikiao makani ikaika.  Pela iho la ka make ana o ka enemi ia Numaredina iloko o ia la kamahao.

 

Aka, aole i hoemi ia ka ikaika o kona mau enomi, aia no lakou ke nee mai la no ke kue ana mai iaia.  He mau tausani i make, aka, he mau tausani hou e nee mai la me ko lakou mau helehelena ku i ka hoomaka’uka’u, aia hoi ko lakou mau waha ke hamama mau la me ka makaukau no ke ale ana aku i ko lakou mau enemi.

 

            E like me ka eleu i loaa ia Numaredina, pela oia i hoolele aku ai ia Huneta imua, a iaia i ani ae ai i kana pahikaua ma kona aoao hema, pau aku la i ka lukuia na kupua o ua aiua la a waiho iho la ka aina iloko o ka maluhia, aohe mea nana e kue mai ia lakou.  Aia ma kahi e waiho ana o kela mau kino make, e ku ana he mau puuone haoeoe ma kela a me keia wahi.  O ka nani hoi o ka aina, aole ae la ia iloko o ia wa, ua lawe aku ke kupua Habakudera i ka nani o ka aina, a o ke ino a me ka lapuwale oia kana i waiho iho ai no ka aina.

 

“E hoomaha iho e Numaredina, oiai, ua pau aku la na kupua o keia aina i ka lukuia e oe, a e hele aku kaua imua.  Aia kou mau enemi ke hoomakaukau la i na kiai o ke Ao Olino no ke kue mai ia oe,” wahi a kona kokua i pane mai ai.

 

Noho iho la ua keikialii la me kona mau kaikuahine e hooluolu i ka maluhiluhi o ia la hana nui, a paina nui iho la.  A iluna o ka aina o Samarena i hoomaha iho ai ua poe kamahele nei mai ia la a po, a ma ke kakahiaka nui o kekahi la ae i hele makaikai aku ai lakou ia luna o ua aina la.

 

Aia hoi o Murisedela a me Rahe Biama ke u noke la i ka himeni i na mele o ko laua mau aina, a pau ia ua himeni ae la laua i ke mele o Numaredina a laua no i haku ai, a ua lilo ia i mea hoonanea ia lakou.  A ina paha o makou pu kekahi malaila ina ua ike lihi wale aku no makou i ka nani o Rabe Biama, aka, no kahi wa aku e hakuia iho ai i mele nona.

 

Mahope iho o ka pau ana o ka lakou makaikai ana, eleu koke mai la no o Numaredina i kona mau kaikuahine e kau ae maluna o ka lio, a e motio hou aku ko lakou alahele imua, kahi hoi a ka manao e kaunui ana, a i ike kumaka aku hoi i ka aina nona ka olelo ana,

 

“Anana aku i ka loa a me ka laula,

Aohe nui a koe aku o ke kihapaipua.”

 

Kau koke ae la o Murisedela a me Rahe Biama iluna o ka lio, alaila, lekei ae la no hoi o Numaredina a kau mahope, a iaia i hokio maile iho ai o ka manawa no ia i lele mama ae ai o ua lio la, a lewa ana lakou iluna.  O ka aina o Samarena ke ike koliuliu ia iho la e lakou, a iloko o hapalua hora wale no ua nalowale iho la ka aina a o na ao e lele ae la maluna o lakou, a me ka makani e pa ana me ka ikaika me ka maopopo ole o kona wahi i hele mai ai oia ka lakou e ike la a me ko lakou mau hoahele iloko a ia manawa.

 

O ka ikaika hoonee imua o Huneta, ua oi pakolu aku ia i ko na wa i hala ae.  O ke poha o kona mau kapuai i ka lewa, ua loheia aku la ia e na kiai o loko o ke kihapailpua o Numere, a na ia kani pohapoha i  hoala aku i ka hiamoe o Habakudera, a kahea ae la ia me ka leo nui:

 

“Hesina, ke kiai o ka maluhia, heaha keia mea e hoohikilele nei ia’u?”

 

Kani koke ae la ua manu la me ka ikaika a lele poai puni e la i ua kihapaipua la, a nana aku la ma o a maanei aohe nae ana mea i ike aku, aka, ke lohe la nae oia i ke kani pohapoha o kekahi mea ma kahi mamao.

 

Aole i pau.

 

Palahuli ia ka lio me kona mea hooholo he wahine, ma ka po La Pule, la 12 nei, ma ke alo iho o ka hale ai hau o Haka, alanui Hotele.  Pakele mai okaokaoka liilii ke aniani.

 

Eleeleu no Kona Wawae.

 

            He wahine Pukiki ano ilihune a ekaeka ka i ku ae imua o ka Aha Apana i kakahiaka Poakolu, la 8 nei, no ka hoeha ana i kekahi wahine haole.  Ua hiki aku ka wahine Pukiki i ka hale o ka wahine a ka haole, mauka o Puowaina, no ke noi wahi hana a mea ai paha, a mahope o ka papa leo pu ana, ua kipakuia mai me ke kulakulaiia a puka iwaho o ka pa.  Hele oia a puka iwaho, huli ae a peku hoki aku me ka mahanahana, me ke kui p i aku no.  Ua hoopaiia mai e uk i $7 a me ua koina, a oiai no hoi iloko o ka Aha kana kane, na hookaa koke ia.

 

Mau Holomoku Hawawa.

 

            Hora 10 paha o ka Poalima, la 10 uei, i komo mai ai ka mokukuna Keoni Maikai (John Good) a pili makai iho o Ulakoheo, mahope o ka hala ana no eha la.  Po Poakahi aku ka holo ana me elua haole, he koa Pi Gi kekahi i pau a he koa mahuka hoi kekahi.  Ua lako pono ka moku me na mea ai, a no Samoa kahi a laua i manao ai e holo.  Ua holo aku la paha, a no ka ike ole loa no paha hoi kahi i ka holomoku, hoi okoa no ka aina nei.  He hana nui ka hookomo ana mai, a e ole e kokuaia, ponopono iki ai.  I ka hele ana no a pili i ka uwapo, ua amio iho kekahi i kula a nalo, aohe i ikeia aku kahi o ka hele ana.  Ano nawaliwali ko laua mau hiohiona, no ka loaa moe pono ole paha.  Ua hilahila loa paha laua, no ka mea, nalo aku la hoi kahi, a i ka ninauinauia ana aku hoi o kahi he pakike ka mea i loaa mai.  Alaa wale no ka hoi la!

 

            Eia ke eli awiwi ia nei ka luawai aniani no ka Halemai Moiwahine e na Hoahanau Makanalese.

 

Ua loaa ae ia W. Luka Wilikoki i ka Poakahi i hala, he laikini loio piha imua o na Aha a pau o ka Repubalika, ma ke ano hoomaikai a hoohanohano aku iaia.

 

Elua mau haole Amerika malihini mai nei i loaa na laikini loio piha, no na Aha a pau o ka Repubalika, i ka Poakahi i hala.  Hookahi, o John J. Rice (Keohi Laiki), mai na papa loio mai o Misouri, Akanesasa, Kanesasa a me Nebarasaka, a o ka lua iho, o Thos. P. Harris (Tamaki Hailiki) mai Iowa a me Kanesasa.

 

Kakahiaka Poalua, la 7 nei, i hooloheia ai imua o ka Aha Apana he hoopii na kela haole Olelo E i ki ai ia P@b@o Mekiko i ka pu, oia no ka haole i kalaia ai ma ka la 17 o Iandari i hala e ke Aupuni Kuikawa, no ka hooweliweliia o kona ola e kekahi haole paele.  Wahi a ka mea i hoopiiia, ua kuamuamuia oia a ua hoohaehaeia hoi no kona ili.  Eia nae, ua lehulehu na poe i lohe i kana mau olelo hooweliweli.  Ua ahewaia i kahi la mai a ua kaulua nae hoi ka hoopai.

 

Hui Hana Kaa Kulanakauhale

 

Ua wehe ae nei ia keiki Hawaii i hale hana kaa nona, oia o Davida K. Bene, aia ma ka aoao mauka aku o ko makou keena nei, ma ka halekaa Pake iho nei maluna iki mai o ka uwapo o Haaliliamanu.  He hui ke a o ka lawelawe ana o na poo h @@ a malalo o ka inoa ma ke poo n @ luna ae, o keia Hawaii noeau ae la uae hoi ka luna nui.  Ma’alo aku ona, he mau kokua Hawaii kona, he haole ka mea hapa laau, he Pukiki ka mea hana ili a he Pake hoi ka mea pepa.  Ua eleu nui no.  Imua a holopono.

 

Kela Pahuhae mai o ka Ilina

 

Ano i keia wa, ua maopopo loa ia makou ka mea nona kela pahuhae o ka ilina mai, a makou i hoomaoe wale aku ai no ma ka helu 6.  Aohe hoohewahewa ana iaia, oia no o Wile Aeleti o Koleaka, kekahi lala alakai o ka Puali Puhiohe Lahui, a no ka ilina mai o Koula ua kumulaau paina la o ke kuaia ana mai e kona pokii.  Ua hoike okoa mai no oia ia makou ke ala ka ua pahuhae la, o ke ala ana mai no ia o na poe i make a loaa he ola hou.  Pela Paha?  Aole ka ola e kau ana iluna o na lala laau, aole hoi ilalo o ka honua, aka, e pao ana oia i kekahi kumulaau kahiko i ulaaia a waiho iluna iho o ka lepo, a ilaila oia e onou iho ai, oia hoi, aia i ka lewa.  Ke ku a makaukau e huki i ka hae, he hae uuku o 10 iniha ka loa a me 6 ka laula ke hiuia ae ana iluna, a ke pii, e puhi ana ka Puali Puiohe Lahui holookoa me ko lakou ku poaipuni ae malalo.  E pikai mua ka pono, o poino auanei!

 

Ma keia holo hope loa ana mai nei a ka Alameda mai ka Hema mai, a oiai hoi oia e ku ana ma Apia, Samoa, ua haole iho kekahi luina mai ke alapii oneki o mua a iloko o kekahi kae e lana ana ma ka aoao me ka poino popilikia nui ole.

 

He keiki Pukiki uuku ka i nahuia e kekahi ilio huhu ua kekahi Pake balekuai ma alanui Kula, Kauluwela, i ka auwina la o ka La Pule, la 5 nei.  Mamuli hoi o ka noonoo maikai ana o ka makai, ua hooponopono oia i keia mea ma ka pepehi ana i ka ilio a make a kauoha hoi i ka Pake e uku i $2 i ka makuahine o ke keiki

 

Poakahi i hala i hookolokoloia ai imua o ka Aha Apana ka ona Pukiki nona ka kalekeai lako ai ma ke kihi hikina o na alanui Beritania me Puowaina, makai mai o ka Halemai Moiwahine, no ke kuai ana he elua kiaha waina no 40 keneta i kekahi mau haole elua i Iulai 31, a na laua oia i haawi.  Ua hoopaiia oia e uku i $100 a ua hoohalahala aku.

 

F. J. TESTA (Hoke),

NOTARI LEHULEHU

KEENA HAN@ Helu 15, Alanui Kaahumanu me ka Mea Hanohano A. Rosa jy8-94.