Ka Makaainana, Volume II, Number 9, 27 August 1894 — Page 1

Ka Makaainana.

He Inoa no Liliuokalani.

He lei kaulana nou e Liliu,

Aia ko lei i Wasinetona,

Ke kuia mai la e na kuhina,

A paa a lei o Liliulani,

Na imi noonoo loko o Maleka,

Nana i hoihoi mai e ka pono,

Mau ai ka Ea o ka aina,

E ola Hawaii a mau loa;

Ke i mai nei na Kolukahi,

E hoi e noho i ke kalaunu,

I ka home nani o Iolani Hale,

Moopuna oe a Kamealani,

Nioi wela o Pakaalana,

Puu kaulana o Punalii,

I ke ewe hanau o ke kupana,

I loaa i ka poli o Kapukapu,

Puka mai e Kaahulameka I,

Kukui a i ke kakahiaka,

Ku mai Kukailiokamoku,

E ola ke alii nona ka lei,

E paa i ke sila o ke Aupuni

O Liliuololokulani i ke kapu.

            O. PONIAULANI.

            Waihee, Maui, Aug. 10, 1894

Olohanina Iapana o Honouliuli.

            Kakahiaka Poakolu iho la i olohani like ai na paahana o ka mahiko o Ewa, no ka hoehaia ana o hookahi o lakou i ke ahiahi mamua iho e ka makai haole o ka mahiko. Ia auwina la iho i pau aku ai no lalo ka Hope Ilamuku a me kahi poe e ae o ka Oihana Maikai, ka Luna Nana Paahana Iapana a me kekahi mau kakauolelo o ke Kanikela Kenerala o Iapana, no ka hooponopono ana i kela paee. Ua pono io no mamuli o ka lakou mau hooponopono ana a ua hoi hou na Iapana e hana i kakahiaka Poaha ae. Ua hoopiiia iho nei ka makai haole no ka hoeha ana i kela paahana i ulu mai ai o keia olohani ana.

Ka Hihia Kopa Nui.

            Auwina la Poakolu iho la i pau ai ka hookolokoloia ana o ka hihia kopa nui a T. W. Rolina kue i ka Hui Hana Kopa Honolulu, ma ke koi poho imua o ka Aha Kaapuni ma ke kiure, o ka elima hoi ia o na la o ka hana ana. Oiai o Loio Kini e haiolelo ma ka aoao o ka mea hoopii, ua ehaia iho la ko Paulo Isenebega opu a kauoha koke ia o Kauka Maina, a nana hoi oia i papa aole e noho hou ma ke kiure ia la. Mamuli nae hoi o ka aelike ana o na loio ma na aoao a elua e ae i ka olelo hooholo a na poe 11 i koe akuu, ua hoomauia ka hana. Hora 2:30 p.m, pau ua ao ana mai a Lunakanawai Waitina, a hora 3:15 hoi, puka mai ke kiure me ka lakou olelo hooholo, e haawi ana i ka pono no ka mea hoopii no $5,333.33 poho. Ua hoohalahala hou aku ka aoao i hoopiiia.

Olelo Mahalo a ka Hui Aloha Aina o Hilo.

            "O makou, o ka Hui A. A, o Hilo, Hawaii, ke hoike aloha aku nei makou i ko makou mahalo me ka hoomaikai nui loa i na hoa kiure Hawaii o Hamakua a me ko Honolulu, i hoole i ka lawe ana i ka hoohiki kue i ke Aupuni Moi o Hawai nei, me ka Moiwahine pu, a kupaa mahope o ke aloa aina.

            "He hana hanohano, a pookela loa ka oukou i hana ai, a he hoike oiaio loa hoi o ko oukou aloha i ka aina, ka lahui, ke Aupuni Moi, na pono, ke kuokoa a me ka Moiwahine Liliu o na Paemoku o Hawaii. E ola o Hawaii i ke Akua. Amene."

            Heluheluia keia olelo mahalo imua o ka halawai o ka hui,  ka l 16 o Augate, a hooholoia, me ke kauohaia, e hoolaha ma kekahi mau nupepa.

MRS. MARY P. KEKOA,

            Komite. a Kakauolelo o ka Hui.

            Hilo, Augate 17, 1894.

Maha Iloko o ka Maluhia.

JOHN MEHA.

            Auwina la Poaha nei, hora 4, i kuu mai ai ka hanu ola o John Meha i keia ao a niau palanehe aku la ma ke ala polikua a Kane, ma kona home noho ma Palikia, Maemae. A i ka aluna ahiahi Poalima mai i hoolewaia aku ai kona kino wailua no ka ilina o Maemae, me ka ukaliia e kona mau hoa o ka Puali Puhiohe Lahui, ka ohana, ua makamaka a me na hoa 'loha. He ekolu mau lala o ka puali puhiohe o ke Aupuni a me ekolu o ka bana Lahui na poe hapai pahu. Ua 35 a keu ka nui o kona mau makahiki. Na kekahi hoa paaua pu no on a i lawelawe i na hana haipule, oia o Samuela K. kamakaia. Aloha wale oia.

MRS. KUKANA E. JOHNSON.

            Hora 2:35 o ka auwina la Poaono nei, ua kii mai la ka anela o ka make ia Kukana Johnson a lawe palanehe aku la ma kela aoao mau o ka honua, ma ko laua wahi noho ma Kauluwela, alanui Kula. He wahine oluolu oia a he heahea no hoi, a he kokua ma na hana pono o ka Ekalesia o Kaumakapili. Ua haalele iho oia mahope nei e kumakena aku iaia he kane, ka ohana a me na makamaka he nui. I ka auwina la o nehinei i ma@eleia aku ai oia no kona home puanuanu, e moe kau a moe hooilo ma ka ilina o Kawaiahao. Ua nui a lehulehu na hoohiwahiwa pua maluna on a ma ka hale a ma ka ilina no hoi. Me ke kane a me ka ohana i hooneleia i ka makuahine ole ko makou a pu ana. Na ka Rev. J. Waiamau i lawelawe na hana haipule maluna on a. Aloha!

Pake Kaawe Okoa Iaia Iho.

            Kakahiaka Poalima nei i hoohuoiia ai ua kawe kekahi Pake iaia iho iloko o kona rumi, iluna o kekahi hale e nohoia nei e na Pake ma ke kihi o na alanu Pauahi a me Nuuanu, nona na makahiki he 40. No kahi wa i hala ae kona ano okulekule. He mea oiaio loa nae, i ka wawahiia ana aku o ka puka, e waiho mai ana oia ma kona wahi moe ua hele a laau.

Ka Waiwai o Malie Kahai.

            Ua weheia ae i kakahiaka Poaha nei a palapala kauoha hope loa a Malie Kahai, imua o ka Aha Kiekie ma na alo o S. M. Damon, Iunahooko kauoha i oleloia ma ia palapala, J. Kahai Morseberg, kaikunanae, J. K. Kaulia, Ioio nona, a me Buluka Kakalaika, kona agena dala. Aia ma kahi o $50,000 ka heluna nui o ka waiwai 10, mai ke dala maoli, na palapala, waiwai paa a me lewa. Mawaho ae o na haaawina liilii i wahoia no na kaikunane a me kekahi poe e ae, ua waihoia iho ka hapanui ia Eliza Baker, kana luhi a kaikamahine hoi a kona pokii.

Haalele mai ke Kamepion.

            Mahope iho o ka moku ana no ewa mahina ka loihi ma ke awa o Kou, ua haalele mai la ka mokukaua Kamepiona i ka hora 4 o ke ahiahi Poaono nei, a holo aku la no Mokupuni Neka, a mai laila aku no Esekuimala a no ka homea ku. Hora 3 o ka wanaao Poalima nei i hoomaka ai ka Pele e hoohikihiki a uhao lanahu aku iaia no kana huakai moana a pau i ka hora 5:15 ae, a lawa aku la no hoi oia me 45 tona. I holo aku nei oia i Mokupuni Neka no ke ana ana i kahi kupono e hoomoe ai i ka uweaolelo moana, a ua lawe pu aku oia he mau kumu niu a me kahi mau kumulaau e ae mai ke Aupuni aku a me kekahi poe e ae no ke kanu ana malaila.

            He hookahakaha kai huakai kukui hoi ka ua poe Repubalika i ua po i hana iho la, no ko lakou ikeia mai, eia nae, aole i ikeia ae ia huakai.

            Aole ka Belegikaa i kipa mai maanei i keia hana ana, a me he la ua kaalo loa ae no. He makau paha no ka hoomaluia. I keia kakahiaka nui wale oia i ikeia aku ai a ua ku mai, aneane hookahi pule okoa mai kona manawa e ku mai ai i ka Poalua i hala aku la.

Kela Haole Aihue a Powa.

            O kela mau haole Pelekane elua i hopuia ai no kela powa ana i ka Pake iuka o Nuuanu, ua hookuuia hookahi, no ka lawa ole o na ike a me na hoohuoi ana e hiki ai oia ke paa, a hookahi i paa, nona ka inoa o W. H. Coulter (Kouleta). Makai oia o Kal@ako i noho iho nei, ma kah@ D. Nalopi, a e ole o Nalopi @a ai he ike maopopo loa. Ua hoike aku ua haole la iaia, in a ka oia e make a popilikia ano e ae paha, aia he pahu iloko o ka honua, me ke kuhikuhi aku i kahi i hunaia ai a e lilo na mea a pau o loko nona. O keia ka ike i hookoloia ai, mamuli o ka Nalopi hoikeike ana ia Kapena Lasena, a ua loaa io no ua pahu la he eha kapuai ilalo o ka honua. Maloko o ua paha la i loaa iho ai he mau lako a waiwai gula lehulehu o na ano like ole, a ua ikeia iho he mau waiwai a aihueia, a ua hoomaopopoia  hoi ka hapanui e na poe no lakou ia mau waiwai a ua loaa aku, a eia no hoi kekahi ke paaia nei e ka Ilamuku. I hoike o Nalopi no kona makau ka o hoopiiia oia no ka malama i ua haole la. Ua hookolokoloia ua haole nei i ka Poaha iho la, no ka lawe a huua i ka waiwai i aihueia, no Mrs. C. A. Balaunu. Elua mau kaikamahine a Nalopi i hoike ae no ko laua ike iaia ma ko lakou hale a iwaho ka oia o ka Ianai e moe ai iluna o ka ahamaka. Ia auwina la iho no i hoopau loa ia aku ai ka hihia, a oiai hoi, ua ikeia na waiwai i aihueia ai e Mrs. Balaunu, no ekolu pule paha ka lilo ana mai kauhale mai ma Kulaokahuai, ua ahewaia ua haole la e uku i $5 hoopai a e noho i Kawa e hana oolea ai no eono malama. O ka Pake hoi keia i oleloia ai nana i pepehi mauka o ka pali o Nuuanu, aole i ano oluolu loa ae, a malia nae hoi o hiki ae i keia la imua o ka Aha no ka hana aku ia hihia.

            Elima põe hana a kuai pia i hookauluaia na hoopai e ke Aha Apana i ka Poalima nei.

            Ua hoike ae o Peresidena W. O. Kamika imua o ka halawai a ka Papa Ola i ka Poakolu nei ua pau na Kauka Aupuni i ka hoohiki a koe o Kauka Makipine. A ua hookohu hou ia aku lakou. Ua hoike pu ae oia i na inoa o na poe e noi nei no ke kulana Luna Nui no ka Halemai Pupule, oia o E. N. Requa, C. Keleme a me James Berry.

            Ua hekau mai ma ka nuku @ Mamala i kakahiaka nui Poalima nei ka mokukaua Beritania Haiakina, he 13 na la holo mai Esekuimala, B. K., a ku iho la ianei. Ua ku mua mai no oia i ka malama o Aperila o ka ma hiki i hala, a e ku iki ana oi ianei no elua malama a na ka Roiala Ata e pani iho ma kona makalua ke ku mai ka la 2 aenei o Okat ba.