Ka Makaainana, Volume II, Number 11, 10 September 1894 — Page 7

Ka Makaainana.

 

HONOLULU, OAHU, POAKAHI, SEPATEMABA 10, 1894                  7

 

lono ua loaa aku he kauoha ia lakou no kekahi mau miliona poka owili lehulehu.

Huikalaia o Iapana no ke Kao Sana.

            Ma Wasinetona, Augate 21, i loaa aku ai ka lono i ke Keena Oihana Iapana ma ka mea e pili ana i ka hoopiholoia ana o ke Kao Sana, keia moku hali ohua Beritania i hoopiholoia ai e ka Naniwa Kana, inamuli hoi o na noii a nieniele ana mai nei a kekahi aha hiehie. aumokukaua Beritania. Ua hoike pili oihana aku ka Adimerala Beritania ua like no ka hoopiholoia ana o ke Kao Sana e like la me kekahi moku Pake, a ua ao aku hoi oia i ke Aupuni Beritania aohe e koi poho aku ia Iapana no ia mea.

            Ua olelo ae no hoi na poe o ke Keena Oihana Iapana ma Wasinetona i ka oiaio ole loa O ka mea i kaha wale ia ua kauoha ke kapena o ka Naniwa i kona poe e kiki poka aku i na poe e au ana a e paialewaia@ ana e na ale o ke kai i ka wa o ke Kao Sana i hoopiholoia ai.

Na Hunahuna Laulaha.

            Ua hoaoia mai nei e hoopahu aku i ka halealii ma Berusela, Belegiuma.

            Ke ake-loa la o Urugue e koino pu ae ma ka hoeueu kue i na poe anakisa.

            Aia ke Aupuni o Rusia ke ana la i kekahi alawai e hoohui ai i na Kai Balatika a me Balaka.

            E hoololiia ae ana ka mokukaua dainamaita Vesuviusa o Amerika Huipuia i waapa topido.

            Nui ka popilikia ma Sisilia, ma ke Kai Waenahonua, mamuli o kekahi olai mai nei. He 50 poe i make.

            Ke hakaka mai la hoi o Peru i na kipi. Aia na poe mahiai ke hoolakoia la me na mea kaua no ke kue aku i na poe Ilikini.

            He lono ka i hoopukaia ae ua make o Generala Saraiva o na kipi ma ka hema o Berazila, a ua hooiaio ae hoi o Peresidena Peisoto ia lono.

            Ke hoouna la o Sepania, Italia a me Beritania Nui i mau mokukaua i Morok@, Aferika, kahi hoi e noike la o kekahi kaua kipi hoohaunaele.

            Ua olelo ae ka nupepa Hahilono o Nu Ioka aia ke kiaiia la na keiki a ka Peresidena e na makaikiu, no ka hopohopoia o kaili malu ia aku lakou.

            Ua ahewaia mai nei o Meia Kalahana o Nu Oleana, Luisiana, e kekahi ki@e, no ka lawe i ka waiwai kipe oiai oia he lala no ku Ahakuka Kulanakauhale.

            Elima poe koikoi o Sedana, Kanasasa, i hopuia mai nei no ka pepehi hilahila ole ana ia John F. Frazer, he mea kalepa bipi, he eha makahiki @ hala ae.

            Aia o Ga Gama, ka Adimerala kipi o Berezila, ma Bueno Ea ma kekahi huakai i akaka ole ke ano o ka manao a me ka hana.

            Ua hoopuka ae o Kiaaina Alagele mau kokua ana no 1.000 poe ohana i hune maopopo loa o ke kulanakauhale o Pulumana.

            Mamuli o ka nele i ke dala, ua paniia he 300 mau halekula o ka Repubalika o @genetine. He 800 na kumu a me 20,000 haumana i poino mamuli o ia hune dala.

            Ma Bolivia, ua pepehi iho na Ilikini i kekahi lunakanawai a me kana keiki, inu ae i ko laua koko, a malamaia hoi he aha aina aikanaka mai ko laua mau kino ae.

            Ua telegarapa ae kekahi agena o Berazila ma Geremania ua ku ai oia he 160,000 pu reifela Manesa (Manser) a aia hoi ke kukakuka la no ona mau pu ano e ae.

            Aia ke pii la ke kumukuai o ke sileva ma na makeke kuai dala o Nu loka a me Ladana, a ua oleloia mamuli o kekahi koi ana i manao wale ia e loaa ana mai Kina a me Iapana aku.

            E hoala ae ana o Moi Humebeta o Italia i kulana "Hope Moi o Sisilia," a e hoolilo aku ana i ke Kama'lii o Napela i Hope. Ua manaoia o keia ka mea e kanahai mai ai o ka manao ala haunaele mau o ko laila poe.

            Ua lele kue aku na poe Katolika Farani o Kuibeke, Kanada, a hoopoino aku la i na kahua o na hoomana Bapetisa a me Anagalikana, mamuli hoi o na hana hoohulihuli a ia mau hoomana. Ua pakele mahunehune mai na poe Bapetisa me ko lakou mau ola.

            Mahope o kekahi kaa mai loihi ana, ua make aku ka Moi o Siama ma Banakoka, oia ka lono i loaa ae i Vitoria, B K., @ Augate 15. No ia mea, ua hoounaia aku kekahi mokuka@a Beritania i na kai o ia wahi, no ka ulu ae paha o kekahi haunaele no ke pani ma ka nohoalii.

            Ua loaa ae ma Kapalakiko na palapala no ka haawi pio ia aku o Generala Anatonio Ezeta, kai kaina o ka Peresidena i pau o Sana Salavadoa, a me eha poe e ae me ia, i holo pee nui aku iluna o ka mokukaua Amerika Beninetona, ke ku aku ia moku ilaila. He pepehikanaka ke kumu hoopii ona a Amerika Huipuia i ae ai e haawi pio aku iaia, a i ke ku io ana aku no o ka Beninetona i Kapalakiko, ua paa koke oia i ka hopuia no ka hoihoi aku i kona aina.

            Ma ka hookuku heihei mawaena o na moku Vigillana o Amerika a me ko Beritania. ma Cowese Enelani, ua eo i ka mu ma ka la 5 o Augate, a pela hou no hoi ma ka la 7 mai. Aka, maka la 9 mai hoi, ua kaa ka eo i ka Beritania, a lilo pu aku la hoi ka makana a me ka heihei, a haule ka Vigilana he 12 minute 15 sekona.

            Hora 12 o ke aumoe o Augate 27, ua lilo aku la ke kanawai dute hou o Amerika Huipuia i kanawai no ia aina me ko Peresidena Kalivilana kakauinoa ole, a make aku la hoi keia kanawai a Makinile, i hoomaka ai e mana i Okatoba 30, 1890, aneane loa e piha eha makahiki. O ia aumoe ka wa i pau ai o na la he umi a ka Peresidena e noonoo ai no ke apono ana, e like hoi me ka mea i hoakakaia ma ke ku mukanawai.

            Ua hoikeia ae e mare ana kekahi welo alii o Geremania me ke kaikamahine a Keoki Pulumana o Kikako, ka moi o na kaa moe. Ua hoole o Pulumana i ka oiaio o ia lono, aka, ua hooiaio loa ia ae nae ma ia hope iho. Aia ko Pulumana ae i ka lilo o kana kaikamahine a kuleana aku kana mau moopuna e loaa mai ana paha mamuli o ia hoohui ana i ka inoa welo alii, ke kulana a me ka waiwai o ka makuakane ma Geremania

 

Pau na Poo i ke Okiia.

            Ma na palapala i loaa mai nei i kekahi poe Pake o kakou nei ma ka Alameda mai, ua loaa mai la na lono no ke okiia ana o na poo o kekahi poe haole iloko o ko Kina mau pualikoa. Hookahi o ia poe, o Albert Wall, he koa Pi Gi mamua. I kona lohe ana e hele ana kona puali e hakak@ me na Iapana, ua hoao oia e holo mahuka aku. Ua loaa oia i ka hopuia, a okiia kona poo. O ka lua iho i loheia mai, oia o O'Kona, kela haole i ao ai i ka pualikoa pualu Moiwahine Ponoi mamua. He koa Beritania kahiko oia a e kau ana no hoi na alina o ke kipi huliamahi ana ma Inia.

 

Puuluulu Kauhale ma Kalihi.

            He kohu kulanakauhale okoa no hoi ke kahua o ka Hui Hana Mea Hoomomona Lepo Pakipika, mauka o Kalihi waena, ma ka ala e iho nei ilalo o "Moanalua, haki ke au," a ma ka huli hoi ma Honolulu nei o "Kahauiki, hemo ka umoki." Lehulehu na hale e ku la malaila, a he wahi puuluulu kauhale okoa no hoi ia mawaho aku nei o ke kulauakauhale poo. Ua kukuluia a ua paa he hale uiuihepa, kahi hoi e hanaia ai, kawiliia a hoomaemaeia ai paha o ka lepo-manu e laweia mai nei mai na mokupuni liilii maluna aku nei o kakou, ma ke komohana, he mau panalaau no hoi no keia Aupuni. Aole o ia hale wale, aka, he mau hale laau ae no hoi kekahi no na luna a me na paahana e noho ai. Ma na kaa hoonalulu lehelehe e kau ai a ike ia kahua hana hou o kakou nei, @ hoalaia hoi me na dala a na poe i hoohui ae ia lakou iho malalo o ka inoa hui maluna ae.

 

Mau Wahine Huhu i na Kane.

            Ua lilo i mea keaka na kekahi poe na mea e pili ana i ka hoihoi ole o kekahi mau wahine Hawaii i ke ake hoohiki o ka laua mau kane. O ka mua a makou i lohe ai, ua pili ia ia Pale, wahine a Alapai, pokii o Mahoe, kaikoeke o Paulo Puhiula Kanoa. Eia ke kane ma Oahu nei, e ake ana e lilo i luna halepaahao no Waianae, oiai, aia ilaila kehahi keiki a lakou, nona ka inoa o R. Waialeale, i noho makai ai no Honolulu nei mamua. a he makai no hoi ia e noho mai la ia lalo. No keia mea paha, ua kauoha aku nei ua o Alapai i ka wahine e holo mai, aka, ua paneia mai, wahi a ko makou lohe:"Ina ua hoohiki aku la oe, o Oahu aku no ia, nohoia aku; aohe manao wahine hou ana mai o Kauai nei."

            A o ka lua hoi o keia mau wahine, oia o Kaupena, no Kohala, Hawaii, wahine a J. Kaimana. I ka hiki aua aku o ka Papa Hoohiki ma ia apana, ua makemake o Kaimana e hoohiki malalo o ka inoa J. K. Paele. Ua hoopiha iho o J. K. Nahale i ka palapala pai-haka-haka, aka; ua kue mai hoi o H. Renton, no ka mea, aole oia i ikeia a i maopopo ma ia inoa, aka, o J. Kaimana wale no. O kela inoa no nae, ua pololei no, oiai, o kona inoa makua ia, aole nae hoi i kamaainaia. Mawaho aku ka wahine o ke keena hoohiki, a i ka lohe ana e ake ana ke kaue e hoohiki, ua @ui mai la kona leo me ke kalakala. a ua kii mai i ke kane a hukiia iwaho me ka huhu aku no kona hoohiki. Ua paa ka inoa ma ka palapala, aole nao hoi oia i hoohiki aku, oiai, ua kue koke @. a i ka wahine hoi, pau loa. Hu no hoi ka aka i keia mau wahine. O na kokoia ana no paha ia a ke aloha aina la, ke hana la pela.

 

            Eia no ua loio haole hou, oia o Thomas Milner Harrison (Harisona), i aeia iho nei e lawelawe imua o na Aha a pau o kakou nei mamuli o na palapala hoomaikai mai Kanada a me Amerika Juipuia mai. He hou mai no, aole i lawa ae la @

 

J. K. KAHOOKANO.

LOIO a he Notari no ka Lehulehu.

KEENA HANA:        Alanui Kaahumanu.

Honolulu.                                            @ S 94