Ka Makaainana, Volume II, Number 12, 17 September 1894 — NA MOKUPUNI. [ARTICLE]

NA MOKUPUNI.

Malalo o keia poo ae la e hopuka mau ku ai makou, maikeia manawa aku, a mea hou mai kela a me keia pea o ko [k]akou aina nei, ma ke ano he mau lono pili kuloko iho ia no kakou nei. Na Anoai o Kau, Hawaii. "Anoai ke aloha, na lai a Ehu, Ka hiku o na Lani imi pomaikai." Nui ka la o Kau nei iloko o kela mau mahina aku nei, a pela mai no hoi ma na la mua o Augate. A i keia mau la wale iho nei no ka haule wahi ua ana, aole nae hoi i ka nui, aka, e aho ia. Elua mau kanaka Hawaii i kakau iho nei i ko laua mau inoa e lilo i Amerika, oia o Kaia a me Geo. Heleloa. O ka inoa mua, ua lawa ia ma na hana a pau, a o kana hana oi loa aku, oia no ka malama lio, a me he la, o ka oihana kupono loa ia iaia ma ke ano kahu lio no Sanfoda B. Dole, ko lakou Moi, a me kekahi poe iho o lakou. O ka inoa elua iho, aole au i maopopo i kana oihana, aka, ua oleloia, o kona kumu i hookiki ai, no kona ake e hoi hou mai kona pono koho balota. Pela paha, aole paha? Ekolu Pukiki me elua haole, hui ehiku. No Naalehu nei lakou. Ua hei aku la i ke ahele a Kauhane ma, a o ka nui iho o kanaka, aohe kokoke aku, he ahui ia Kauhane ma. O kahi mea akamai ia lakou, o ka pelo ho a pelo e lilo ka manao loa ka lakou olelo ana

mai, a ma e ike mai ana ia oe, hele mai la e lulu lima me he hoa'loha io la ia kakou Hawaii, aka, o loko ua piha i ka mea pono ole, a he hookamani wale no keia aloha lulu lima o Kauhane ma. Ua hanaia keia mau mea a pau ma Naalehu, Poakahi, Augate 13. Ma ka Poalua, ua hui ae ke kekahi mau paahana aloha Alii o loko o ka Hui, ma ke kakau ana i kekahi palapala kue i ka hookaa ana i ka auhau kino. Ke ikeia ka nui o na inoa, alaila, waiho aku imua o ko lakou haku hana, mamua o ka hoea ana mai o ka Luna Ohi Auhau, a o ia ka'u e hooheno ae nei: "Hookahi no leo o ke kapena, paaia i paa ko Aupuni, I oni ole ai Hawaii nei, A i mau ai ko noho i ke kalaunu." No Davida Laamea Kalakaua keia wahi hooheno, a ua hala hoi ia, aka nae, o ke aloha nona, aole e pau. Okalakala mau na Iapana o Naalehu nei, no ke ino o ka luna ke kumu. Ina hookahi Kepani i pepehiia e na luna, a i ole ia, mea okoa ae paha, e ala like mai ana lakou a hoole i ka hana. He like loa lakou, no kahi ka pilikia, e auamo like ana lakou a pau. He oi a ka lahui maikai. Ma ke Sabati, Aug. 12, ma Naalehu no ua nokeia i ka wawahi ka pukaaniani o ko Beke hale, he alahula ia na ka makani mai waho a hala iloko. Ma

ka nana aku o ka pukaaniani kana wahi huhu loa, no ka pii ole paha iluna i kela mau po mamua, nolaila oia i hoomauhala ai, aia iloko ka welina a ka makemake kahi i moe ai. Eia nae, aole i heluia ia poino, he keiki Amerika o Beke, nui loa moni. Aia o Kauhale ke hooikaika mai la i ko laua mau pono kino pau wale i ka mu me ka popo. Pupueikaihuokekekake. Pauola, Kau, Aug. 27, 1894.