Ka Makaainana, Volume II, Number 14, 1 October 1894 — Ka Mea Hou o na Kaha ma Kona. [ARTICLE]

Na Mea Hou o na Kaha ma Kona.

Ua hoopauia ke kumukula o Makalawena a me ko Kiholo no ke kakoo ole i ke Aupuni pakaha. Ua kohoia o Hoapili Makainai i kumu no Makalawena, a o Kekala no Kiholo. E uhaiia ka laua mau alakai ana i na opio e ka holomua. He nui na ia (ahi) i loaa i na kanaka o na kaha o na Kona nei ma na apana o Makalawena a me Mahaiula, na wahi i loaa nui ai keia ano ia (ahi) Ua nui ke ino o ke ea ke honi aku no ka nui o na poo i hooleiia i ke kai, a pae hou mai i ka aina. Ma ke ku ana mai o ke kuna heeia o ke keiki lalawai o Honolulu, oia o D Kahanu, ua lawe aku oia he mau haneri poke ahi me na ia e ae he nui wale, koe no ka hapanui o ka ia. Elua Pake nana e malama nei i ka ai o keia mau kaha. He moku kiakahi ko kekahi Hiilawe, a he waapa ko kekahi He lunakanawai haole ko makou nei i keia wa, o Mr. Ka laka. He haole maikai keia na kana mau hana. O ka poe i kakauinoa iho nei ma ka pepa a ka enemi, ua hopu i ka loli ka ia maka ole. Pela aku ana paha me kekahi mau luna Aupuni. Auwe, aloha ino! E kala no na wahaolelo nupepa i hoaiai mai ai mai puni wale. E na makamaka, e

lawe nui i na Nupepa MAKAAINANA me ka "Oiaio," "Aloha Aina," "Holomua" a me "Ka Leo o ka Lahui," o lakou ko kakou mau wahaolelo. S. K. M. IMIHEAHOU. Makalawena, Kona Akau.