Ka Makaainana, Volume III, Number 7, 22 April 1895 — Page 3

Ka Makaainana.

 

NA PALAPALA

            Aole maluna iho o makou ke koikoi o na hala a me na hewa no na manao i hoopukaia malalo o keia poo, aka aia no maluna iho e na poe na lakou a kakau mai.)

 

Hea mai Oe, e O aku Au.

(Hoopau ana.)

            Ma ka papa wehewehe o na malama i  kuehuia aku la mamua aenei, aole e hiki ke oleloia  ua hoomaka like ke kau ana o na po o ka helu malama Hawaii, e like me ka hoonohonohoia ana o na la ma ka helu malama a ka haole (Roma); aka, ua mauae aku kekahi iloko o kekahi, a e ikeia a na no mahope aenei a ilaila o ua o Punini k@ lohaloha iho, A noʻna haina o na ninau ana i waiho mai nei naʻu e hai aku, oia kaʻu e puana aku nei,--"Aohe i waa ka hoonahoa ana o ka la ino."

            1.         Ua kaiehu mua ia aku ka haina i pili i ka makahiki; i ka la 6 o Iulai o Mahealani.

            2.        Aohe au mea i koe iaʻu no keia ninau, ua huai puke nui ia au i ke akea.

            3.         I ka malama o Iulai, la 7, O Kaaona ia malama, o Kulu ke ao ma ka helu Hawaii.

            4.         Aohe pahuna ihe hala a ka Maluakele.  (E nana i ka moena pawehe o Mokuleia, i nala pono ia ke kuma a paa maluna aenei.

            5.         Ua ulaa mua ia maluna ae nei a koe ke kokala nau.

            6.         Aohe mau malama oi ma ka helu Hawaii, he mau malama emi 6 nae ko ka helu Hawaii.

            7.         O ka helu malama i loaa pono na ouli lani i pili i kela a me keia malama, a i loaa ma ka noeau a me ka loea kilo o ko Hawaii poe.

            8.         Halahu mawaho o ka rula. (E hoopololei iho oe i kau ninau maluna o ke kumuhana, a hoea a@u kaua ilaila; e oili pulelo aku ana ka auhau o                        Makuaiki.)

            9.         Na ka lehulehu e kaana ka haina o keia ninau au, maluna o ka papahele e manunu la ou mau kapuai wawae.

            10.       He ike piha me ka loea.  Nawai hoi e aa aku ia oe ina aohe ike?

            O kau ninau 11, ua hoihoi ae au i kakaiapola  no kaʻu kakele manao ana, a e oili aku ana ia i ka wa pono me he Kalaipahoa la; a ilaila oe e ike ai i ka hukiia ou pepeiao a hookunahihiia ou lauoho.

            Hauoli loa ia au i ka ike ana i ka paanaau o kekahi mele loihi ia Pu@ini, no ka mea o ka inoa o ka mea ana e ninau nei, ua o mai nei no oia me ka leo moakaka a hoohewahewa ole, o "Kawohikukahi."  Heahea hoi kou mea i hoike ole iho ai i ka inoa o Iosepa Liwai malalo iho, oia hoi ka inoa i maopopo ia oe?  E aka ae au, ea!  Ha ha, ha, ha!  Noho malie hoi paha oukou, owau wale no ke aka ae, Ha, ha, ha, ha!

            Ke i mai nei o Pu@i@@ o ka papa helu Hawaii piha o na malama a me na po@a@@ "hapala mai nei ke kea, na ka ele ka ai," oia ka mea e pau ai koʻu pohihi.  Hele pela, aole paha he mea hoopau pohihihi kau mau alakai lalau i ka mea nana i lele maopu ia kawa.  Nawai i ao mai ia oe he 30 po piha o na malama a puni ka makahiki?  E like me kou ike ole i ka helu malama, pela i oki loa ai oe i ka helu po.  O ka papa helu malama i hoikeia aku ai ma ka helu i hala, oia ka pololei; a eia iho na po o ia mau malama e pau ai kou pohihihi, a koe koʻu no ka lalau o kau.  E lawe mai au i ka helu o na malama o keia makahiki, a nau ia e okilo pono aku e like me ke kuhikuhi; o na po kau o Hilo e paneeia aku nei.

            "Kaelo," 30 po.  Kau ka Hilo ma ka la 25 o Ianuari o keia makahiki.  "Kaulua," 30 po: kau ka Hilo ma ka la 24 o Feberuari.  "Nana," 29 po: kau ka Hilo ma ka la 26 o Maraki.  "Welo," 30 po; kau ka Hilo ma ka la 24 o Aperila.  "Ikiiki," 29 po; kau ka Hilo maka la 24 o Mei. "Kaaona," 30 po; kau ka Hilo ma ka la 22 o Iune.  "Hinaiaeleele," 29 po; kau ka Hilo ma ka la 22 o Iulai.  "Mahoe-mua," 29 po; kau ka Hilo ma ka la 20 o Augate.  "Mahoe-hope," 30 po; kau ka Hilo ma ka la 18 o Sepatemaba.  "Ikuwa," 29 po; kau ka Hilo ma ka la 18 o Okatoba.  "Welehu," 30 po; kau ka Hilo ma ka la 16 o Novemaba.  "Makalii," 29 po; kau ka Hilo ma ka la o Dekemaba.  Puni ka makahiki.  Hoomaka ka makahiki hou ma ka la 15 o Ianuari.

            O ke kumu i emi ai kekahi mau po, no ka mea, ua hukiia ka aha (alahele) o ka po o Muku a lilo ia Hilo, a pela i kapaia ai o Hilo i kekahi manawa, o "Hilo aihue," no ka mea, ua nele o Muku i kona kuleana helu po, ua kau e ka haea, ka poai aka mahina ia Hilo ia po.  E hakilo pono ae i ike i ka oiaio.

            O kau ninau no koʻu makemake e paio me oe ma ke akea, oia kaʻu e ninau aku nei ia oe, maluna o ke kahua hea?  Maluna anei o ke kahua e pioioi nei o kou ike?  Makemake anei oe e uwaia e kamalii a ku lomaloma?  Minamina au i ka lu wale i ka momi i ka makani.  O ke ea au a me aʻu e hanuhanu nei ke pomaikai no ia mau huna gula i aleia e kona opu; a o na pepeiao hoi o na kamalii a me na poe i hele mai no ka makaukau e uwa aku ia oe, ke lohe ana a puka aku ma kekahi aoao, aohe ka pomakai.  He hewa iho ka oe i ke akea o ka papapai, e hiipoiia ana e na poe ake ike na apana pepa a pau au e luai aku ai i na momi makamae o kou waihona ike a me ka noeau, a e hamama auanei na keena maluhia o na waihona buke a na poe makee no ka hookipa ana aku, i mau mea hoonaauao no ka lakou mau pulapula.  A ina he opala kau e hoopiha ai iloko o na kolamu o ka nupepa, ua akaka no ia oe kahi e aleia ai o na opala o ia ano.

            J.L. KUKAHI.

            "Nana" ao o "Huna."

            Honolulu Oahu.

 

He Lono ua Loaa mai.

            MR LUNAHOOPONOPONO:

            Ua looa mai he lono i hooiaio pono ia, e laweia aku ana he mau keiki maʻi lepera mai loko aku o ke kahua maʻi lepera nei no lakou ka huina he umikumamaha a oi aku, no ka hoao e lapaauia ma ka pa hoomalu maʻi lepera o Kalihi.  Na kekahi poe kauka i ike ole ia he poe akeakamai, a aole hoi he mau lala no kekahi o na hui kauka akeakamai (Scientific body); na kauka ia lakou ke kau ana mai i ka ahewa maluna o kela a me keia i laweia aku imua o lakou, e hoike mai ana i ka maʻi a me ka maʻi lepera ole.

            Ina he oiaio ka lakou olelo, pehea la lakou i makemake ai e hoolilo i ke ola o kekahi poe a lakou i hooholo mua ai ua make, e lilo i mea paani wale ia?  No ko lakou ike anei aole e hiki i ke kanawai ke kikoo aku mahope o lakou, oiai keia mau huaolelo e kau ana mahope o ko lakou mau inoa M.D?  Pehea la ka manao o na makua mea keiki e noho nei  me ka mokumokuahua o ka naau no ke kaawale ana aku o ka lakou mau kamaiki mai ko lakou mau poli aku, a ka Papa Ola hoi e haawi aku nei i keia mau keiki iloko o na poholima o na kauka no ka hoaoia?  Ke manao nei au me ke kanalua ole, e kulike mai auanei lakou me ka lokahi a hoole mai i ke kuleana o ka Papa Ola e haawi ai i ke ola o ka lakou mau kamaiki i mea paaniia e keia poe kauka.

            JNO. MAHULILI.

            Kalawao, Molokai, Apr. 5, ʻ95.

 

            "E like me ka nui o ko oukou manaoio, pela e hooneeia ai ka puu o Puowaina iloko o ke kai," wahi a Kiliinohopono ma Kaumakapili i ka po Poakolu, la 10 nei.  Ua hiki loa no ka iaia nei ke hoohepa ae i na pauku o ka Baibala.  Oia no hoi paha kekahi mea e make ai o na ekalesia, lilo i mea hoowahawahaia.

 

Akaa ia ka Alualu Lae.

            Mawaena o na hora 8 me 9 o ka po Poakahi i hala, ua kaialupeia ae o Lilia Piikoi i ka Halewai, me ka manaonao ke nana aku i kona mau helehelena i hele a paumaele i ke koko, mamuli hoi o ke kipoia ana e Emalia Kaihumua i ka omole rama a akaa pu ia ka alualu o ka @lae.  E inu nui ana lakou iloko o Kanekina, a ulu ae la he wahi hoopaapaa mawaena o laua, ma ke ano ua piha laua i na lege@na o ka po, a hopu koke o Emalia i ka omole a nou aku la i keia wahine paakiki, a na ke kauka i humuhumu ae a paa.  A malia he ao ana mai paha keia o ke Akua iaia, a ina e paakiki hou oi loa aku ka poino e loaa mai ana  "O ka lohe ke ola a o ke kuli ka make."

 

E. M. NAKUINA.

KOMISINA O NA ALA LIILII A ME NA PONO WAI.

Notari Lehulehu, a he Agena Haawi Palapala Ae Mare no Honolulu nei.  KEENA HANA: Helu 308, Alani Kalepa. dk3--1mk.

 

J.K.  KAHOOKANO.

            LOIO a he Kokua ma ke Kanawai.  KEENA HANA: Alanui Kaahumanu, Honolulu. ian 8, ʻ94-1mk

 

            OLELO HOOLAHA

            O ka pono lawaia i haawiia i na kanaka e ka me@ nona ka inoa malalo iho a e kona hope paha, no ka lawaia ana ma ke kai @ Honouliuli, Apana o Ewa, mokupuni o Oahu, ma keia ua hoopauia.  apl 15-4mnw  C L HOPKINS.

 

OLELO HOOLAHA.

            E hooneeia aku ana ke KAA LIO LAAU PONIUNIU ma kaʻ ao o m Ewa iho o ka Uwapo o Haaliliamanu ma ka la 30 o Iune 1895. apl 15 @@@@ J A VICTOR

 

Ahahui Kokua Manawalea o Honolulu.

Ke hoike aku nei ka lohaei na mea a pau, o ka ahahui nona ka inoa maluna ae ua kukuluia no ka@mi ana i na kokua mai ka lehulehu mai no na ohana pilikia o na pio kalaiaina i hoopaahaoia.  E hoouna mai i na kokua ma ka lima o J K Kaulia, ke kakauolelo.  Mrs. ALMA NAWAHI, apl 8 tf Peresidena.

 

Ahahui Kokua Manawalea.

            Ke konoia aku nei na Ahahui Aloha Aina a pau o ka Paeaina i l lo i mau lala no ka Ahahui Kuwaena o Honolulu, e lulu iho i mau lau oliva o ke aloha no ke kokua ana i na ohana hume o na pio kalaiaina a hoouna mai ia.  J K KAULIA, Kakauolelo Nui o ka A. A. A. Kuwaena. apl 8-tf.

 

HALEKUAI LOLE NUI.

GOO KIM - Alanui Nuuanu

 

            E loaa no na papale wahine ano hou loa maanei, na papale kapu, na lole kalakoa o na ano like ole, pela pu no hoi me na lole silika, na lihilihi hoonani o na ano like ole, na kamaa au@@ mai ke nui a ka liilii, na koloka hoopumehana o na la puanuanu, na hulu papale keokeo ulaula, eleele, a pela aku.  Oluolu ke kumukuai.

            E hanaia no na paa lole kane no ka uku haahaa.  Na papale kap@ ano hou loa maanei.  Na hainaka silika mai ke nui a ka liilii  E loaa mau mai ana na lole hou ma na n@okumahu a @@@ mai na aina e mai.  KUKIM@ apr 84m@@

 

HENRY WATERHOUSE, (Hanale Walakaha@ki,  KEENA: Alanui Moiwahine, Honolulu. KOMISINA KALEPA.  Agena no ka Ahahui Paniha@@@@@@ Uniona Ladana. Hoopukapuka Ma Na Waiwai @@@

            Ua makaukau au e lawelawe i na ano hana a pau e haawiia mai ano @@ʻ@ e hana, a ua oluolu au e noho @@@@@ aku no na poe a pau e makemake mai ana.  O @a kukai palapala pili oihana @ lawelawe no me ka eleu.  mar 1@ @@@@